Hero Jiiva:కరోనా వచ్చిన తర్వాత ఓటీటీ ఆదరణ భారీగా పెరిగిపోతున్న నేపథ్యంలో కొన్ని చిత్రాలు నేరుగా ఓటీటీలో విడుదలవుతుంటే.. మరికొన్ని చిత్రాలు థియేటర్లలోకి వచ్చిన తర్వాత 4 లేదా 8 వారాలలోపు ఓటీటీలోకి వచ్చి సందడి చేస్తున్నాయి. ఇకపోతే ఏ చిత్రమైన సరే ఓటీటీ లోకి వచ్చే ముందు కనీస ప్రకటన చేస్తుందన్న విషయం అందరికీ తెలిసిందే. అయితే ఇప్పుడు హీరో జీవా (Hero Jeeva) సినిమా మాత్రం ఎటువంటి ప్రస్తావన లేకుండా సడన్గా ఓటీటీలోకి స్ట్రీమింగ్ కి వచ్చేసి అభిమానులను సైతం ఆశ్చర్యపరిచింది. మరి జీవా నటించిన ఆ కొత్త సినిమా ఏంటి.. ? ఏ ప్లాట్ఫారం వేదికగా స్ట్రీమింగ్ అవుతోంది? అసలు ఏ భాషలో అందుబాటులోకి వచ్చింది? అనే విషయం ఇప్పుడు చూద్దాం..
ఇటీవల కోలీవుడ్లో నటుడు జీవా నటించిన ‘తలైవర్ తంబి తలైమైయిల్’. సంక్రాంతి కానుకగా జనవరి 15వ తేదీన కేవలం తమిళ్లో మాత్రమే ఈ సినిమా విడుదలై సంచలన విజయాన్ని అందుకుంది. ముఖ్యంగా పొంగల్ సినిమాల్లో అత్యధిక లాభాలు తెచ్చి పెట్టిన సినిమాగా కూడా ఈ సినిమా రికార్డు సృష్టించింది. దర్శకుడు నితీష్ సహదేవ్ దర్శకత్వం వహించిన ఈ సినిమాలో జీవాకి జోడిగా ప్రార్థన నటించింది. ఇకపోతే మలయాళంలో స్టార్ డైరెక్టర్గా పేరు దక్కించుకున్న నితీష్ ‘ఫెలిమి’ అనే బ్లాక్ బాస్టర్ హిట్ సినిమాకి దర్శకత్వం వహించిన విషయం తెలిసిందే. అలాంటి ఈయన తొలిసారి తమిళ్లో సినిమా చేశారు. దీంతో ఈ సినిమా విడుదలకు ముందే అంచనాలు పెంచుకొని విడుదల తర్వాత మంచి బ్లాక్ బస్టర్ విజయాన్ని సొంతం చేసుకుంది.
ఇకపోతే ఈ సినిమా ఎటువంటి ముందస్తు ప్రకటన లేకుండా సడన్గా ప్రముఖ ఓటీటీ ప్లాట్ ఫారం నెట్ ఫ్లిక్స్ వేదికగా స్ట్రీమింగ్ కి వచ్చేసింది. ఇకపోతే థియేటర్లలో కేవలం తమిళ్ వర్షన్ మాత్రమే రిలీజ్ చేసిన మేకర్స్.. ఓటీటీలో మాత్రం తమిళ్తో పాటు తెలుగు, కన్నడ ,మలయాళం ఇలా సౌత్ భాషల్లో స్ట్రీమింగ్ కి తీసుకురావడం విశేషం. కేవలం రూ.15 కోట్ల బడ్జెట్ తో ఈ సినిమా బాక్సాఫీస్ వద్ద రూ.50 కోట్లకు పైగా కలెక్షన్లు వసూలు చేసి సంచలనం సృష్టించింది. ఇక మొత్తానికైతే జీవా హిట్ సినిమా ఇప్పుడు ఓటీటీలో సందడి చేస్తోంది. ఇక్కడ ఏ రేంజ్ లో వ్యూస్ సొంతం చేసుకుంటుందో చూడాలి.
also read:Tamannaah: మైసూర్ శాండిల్ సోప్.. తమన్నా ఎంపికపై మంత్రి కీలక కామెంట్స్!
జీవా విషయానికి వస్తే తన తండ్రి నిర్మించిన సినిమాలలో చైల్డ్ ఆర్టిస్ట్ గా నటించి కెరియర్ మొదలు పెట్టిన ఈయన.. 2003లో ఆసాయ్ ఆసాయి చిత్రం ద్వారా హీరోగా అరంగేట్రం చేశారు. ఒకవైపు తమిళ్లో సినిమాలు చేస్తూనే.. ఇటు తెలుగులో కూడా సినిమాలు చేస్తూ ప్రేక్షకులను ఆకట్టుకున్నారు. ముఖ్యంగా తమిళంలో విడుదలైన ఎన్నో చిత్రాలను తెలుగులో డబ్బింగ్ చేస్తూ ఇటు తెలుగు ప్రేక్షకులకు కూడా సుపరిచితుడుగా మారారు. ప్రస్తుతం తమిళ్ లోనే సినిమాలు చేస్తూ బిజీగా మారిన జీవా మళ్ళీ తెలుగులో సినిమాలు చేయాలని అభిమానులు ఆకాంక్షిస్తున్నారు.
Share
Kolikapudi Warning: పిచ్చి పిచ్చి స్టేటస్లు పెడితే కుదరదు.. కొలికిపూడిపై పల్లా శ్రీనివాస్ ఫైర్
Therapy Apps Danger: థెరపీ యాప్స్తో ప్రమాదం.. డార్క్ వెబ్లో డేటా.. మీరు ఉపయోగిస్తున్నారా?
