Malayalam Movies OTT : ఈ వారం ఓటీటీలోకి కొత్త మలయాళం మూవీస్… ఆ రెండూ డోంట్ మిస్

Malayalam Movies OTT : మలయాళ మూవీ లవర్స్ కోసం ఈ వారం ఓటీటీలోకి కొన్ని కొత్త సినిమాలు అడుగు పెట్టాయి. ఇప్పటికే ఎకో, డొమినిక్ అండ్ ది లేడీస్ పర్స్ వంటి సినిమాలు ఓటీటీలలో సందడి చేస్తున్నాయి. వీకెండ్ ఎంచక్కా ఆ సినిమాలను చూసి ఎంజాయ్ చేయవచ్చు. మరి ఏ ఓటీటీలో ఏ మూవీ రిలీజ్ అయ్యిందో తెలుసుకుందాం పదండి.

Appuram

అనఘ రవి, జగదీష్ హీరోహీరోయిన్లుగా నటించిన ఈ ‘అప్పురం’ జనవరి 3న మనోరమా మ్యాక్స్ (Manorama Max)లో అందుబాటులోకి వచ్చింది. సినిమా మొత్తం ఒక టీనేజ్ అమ్మాయి చుట్టూ తిరుగుతుంది. కట్టుబాట్లు, బాద్యతల మధ్య తల్లికి ఇచ్చిన మాటను నిలబెట్టుకోవడానికి ఆ అమ్మాయి చేసే పోరాటం మనసుకు హత్తుకునే విధంగా ఉంటుంది.

Athibheekara Kaamukan

‘అతిభీకర కాముకన్’ మూవీ అమెజాన్ ప్రైమ్ వీడియో, మనోరమ మ్యాక్స్ రెండు ఓటీటీలలోనూ స్ట్రీమింగ్ అవుతోంది. ఈ రొమాంటిక్ కామెడీ డ్రామా నవంబర్ 14న థియేటర్లలో విడుదల కాగా ప్రేక్షకుల నుండి మిక్స్డ్ రెస్పాన్స్ దక్కింది. లుక్మాన్ అవరాన్, డ్రిష్య రఘునాథ్ ఇందులో మెయిన లీడ్స్ గా నటించారు. ఈ సినిమాలో అర్జున్ అనే అబ్బాయి అనుని ప్రేమిస్తాడు, కానీ ఆమె మరొకరిని పెళ్లి చేసుకుంటుంది. దీంతో హార్ట్ బ్రేక్ అయిన అర్జున్ డిప్రెషన్ తో చచ్చిపోదాం అనుకుంటాడు. ఈ క్రమంలోనే యముడిని కలుస్తాడు . అనంతరం ఈ ఎమోషనల్ రోలర్ కోస్టర్ ఊహించని మలుపులు తిరుగుతుంది.

Ithiri Neram

రోషన్ మాథ్యూ, జరీన్ షిహాబ్ హీరోహీరోయిన్లుగా నటించిన ఈ రొమాంటిక్ డ్రామా 2025 నవంబర్ 7న థియేటర్స్‌లో రిలీజ్ అయింది. రీసెంట్ గానే ఈ మూవీ స్ట్రీమింగ్ Sun NXTలో మొదలైంది. హీరో కూతురు బాప్తిసం సెర్మనీ జరుగుతుంది. ఫుల్ హ్యాపీగా అతను ఫ్రెండ్స్ అందరికే పార్టీని ఏర్పాటు చేస్తాడు. అలాంటి టైమ్ లో ఎక్స్ లవర్ నుంచి ఆ రాత్రి ఫోన్ కాల్ రావడం, ఆ తరువాత హీరో లైఫ్ ఎలాంటి టర్న్ తీసుకుంది అన్నది స్టోరీ.

Memory Plus (2024)

అను అంటోనీ, అనీష్ జి. మేనన్ ప్రధాన పాత్రలు పోషించిన ఈ డ్రామా 2024 ఆగస్ట్ 9న థియేటర్స్‌లో రిలీజ్ అయ్యింది. దాదాపు ఏడాదిన్నర తరువాత డిజిటల్ స్ట్రీమింగ్ కు అందుబాటులోకి వచ్చింది. 2026 జనవరి 9 నుంచి Manorama Maxలో అందుబాటులో ఉంది.

Dominic and the Ladies’ Purse

‘డొమినిక్ అండ్ ది లేడీస్ పర్స్’ మూవీ గత ఏడాది జనవరి 23న థియేటర్లలోకి వచ్చింది. ఆసక్తికరమైన కథాంశంతో రూపొందిన ఈ సినిమా బాక్స్ ఆఫీసు దగ్గర పెద్దగా వసూళ్లు రాబట్టలేదు. అలాగే ఓటీటీ రిలీజ్ కూడా ఆలస్యం అయ్యింది. డిసెంబర్ 11న Zee5 ఈ సినిమా హక్కులను కొనుగోలు చేసిందని నిర్మాణ సంస్థ నుంచి అఫిషియల్ అనౌన్స్మెంట్ వచ్చింది. ఈ చిత్రం 2025 డిసెంబర్ 19 నుంచి ఓటీటీలో అందుబాటులో ఉంది.