OTT Web Series : స్టార్టింగ్ నుంచి ఎండింగ్ వరకు ఎంగేజింగ్ ట్విస్టులతో నడిచే ఇన్వెస్టిగేటివ్ థ్రిల్లర్లు అంటే ఎవరికి ఇష్టం ఉండవు చెప్పండి. అలాంటి వాటికి సీరియల్ కిల్లర్ అనే ట్విస్ట్ యాడ్ అయితే ఆ కిక్కే వేరప్పా. అయితే సీరియల్ కిల్లర్ ముద్రతో జైలు శిక్ష అనుభవిస్తున్న లేడి కిల్లర్ మరో కిల్లర్ ను పట్టుకోవడానికి పోలీసులకు హెల్ప్ చేస్తే ఎలా ఉంటది ? ఇలాంటి స్టోరీ లైన్ తో వచ్చిన లేటెస్ట్ ఓటీటీ సిరీస్ ఈరోజు మన మూవీ సజెషన్.
నగేష్ కుకునూర్ దర్శకత్వం వహించిన సీరియల్ కిల్లర్ థ్రిల్లర్ వెబ్ సిరీస్ ‘మిసెస్ దేశ్‌పాండే’ (Mrs Deshpande Series). ఇది ఫ్రెంచ్ షో ‘లా మోంటే’ హిందీ రీమేక్. రోహిత్ జి. బనావాలికర్ దీనికి రచయిత. ఇందులో బాలీవుడ్ సినీయర్ హీరోయిన్ మాధురి దీక్షిత్ తో పాటు ప్రియాంషు ఛటర్జీ, దీక్షా జునేజా, సిద్ధార్థ్ చందేకర్ కూడా నటించారు. ఈ సంవత్సరం వెబ్ సిరీస్ ‘హంట్: ది రాజీవ్ గాంధీ అస్సాసినేషన్ కేస్’తో ప్రశంసలు అందుకున్న నగేష్ కుకునూర్ నుంచి వస్తున్న సిరీస్ కావడంతో ‘మిసెస్ దేశ్‌పాండే’పై భారీగా అంచనాలు ఉన్నాయి. 25 సంవత్సరాల జైలు శిక్ష అనుభవిస్తున్న సీరియల్ కిల్లర్ కథ. పోలీసులు ఆమెను సంప్రదించి ఆమె పద్ధతులను అనుకరిస్తున్న కొత్త హంతకుడిని పట్టుకోవడానికి సహాయం చేయమని అడుగుతారు. దీన్ని JioHotstarలో చూడవచ్చు.
Read Also : 2025 మస్ట్ వాచ్ ఇంగ్లీషు సిరీసుల లిస్ట్… ఈ అవార్డు విన్నింగ్ సిరీసులు ఇంకా చూడలేదా ?
ముంబైలో వరుస హత్యలు కలకలం రేపుతాయి. ఈ సిరీస్ ముంబైలో నటుడు విరాట్ మల్హోత్రా హత్యతో ప్రారంభమవుతుంది. పోలీస్ కమిషనర్ అరుణ్ ఖత్రి సంఘటన స్థలానికి చేరుకుంటాడు. హత్యలను గమనించిన కమిషనర్ అనుమానం నేరుగా అతన్ని సీమా దేశ్‌పాండే (మిసెస్ దేశ్‌పాండే) దగ్గరకు తీసుకెళ్తుంది. ఆమె హైదరాబాద్‌లో జైలు శిక్ష అనుభవిస్తుంది. జీనత్ గత 25 సంవత్సరాలుగా జైలు శిక్ష అనుభవిస్తోంది. ఆమె ముంబైలో ఇప్పుడు చేస్తున్న సీరియల్ కిల్లర్ మాదిరిగానే పూణేలో ఎనిమిది హత్యలు చేసింది.
కమిషనర్ ముంబైలో ఈ రహస్యాన్ని ఛేదించడానికి షాకింగ్ నిర్ణయం తీసుకుంటాడు మిసెస్ దేశ్‌పాండే గురించి విచారించడానికి హైదరాబాద్ జైలుకు ఫోన్ చేస్తాడు. శ్రీమతి దేశ్‌పాండే జీనత్ పేరుతో జైలులో ఉన్నారు. విషయం తెలుసుకున్న ఆమె కమిషనర్‌కు సహాయం చేయడానికి ముందుకొస్తుంది. తర్వాత కమిషనర్ జీనత్‌ను హైదరాబాద్ జైలు నుండి విడుదల చేసి, అనధికారికంగా కేసును పరిష్కరించడానికి ఆమెను సురక్షితమైన స్థలంలో ఉంచుతాడు. మరి దేశ్‌పాండే స్టైల్ లో హత్యలు చేస్తున్న కిల్లర్ ఎవరు? దీనికి దేశ్‌పాండేకి సంబంధం ఏంటి? ఈ కేసును దేశ్‌పాండే పరిష్కరించిందా? అనేది తెరపై చూడాల్సిందే.
Share
Illu illaalu pillalu Viswa: 'ఇల్లు ఇల్లాలు పిల్లలు' విశ్వ కు పెళ్ళైందా..? నమ్మలేని నిజాలు..
Gundeninda GudiGantalu Today episode: ప్రభావతికి స్ట్రాంగ్ వార్నింగ్ ఇచ్చిన మీనా.. మనోజ్ కు కొత్త టెన్షన్.. స్వామిజీ మాటతో షాక్...
