Bison OTT: ఇటీవల కాలంలో ఒక సినిమా విడుదలైన నాలుగు వారాల వ్యవధిలోనే తిరిగి ఓటీటీలోకి వస్తున్న సంగతి తెలిసిందే. అయితే దీపావళి పండుగ సందర్భంగా ఎన్నో సినిమాలు ప్రేక్షకుల ముందుకు వచ్చాయి. ఈ సినిమాలన్నీ కూడా వరుసగా డిజిటల్ మీడియాలో స్ట్రీమింగ్ అవుతూ ప్రేక్షకులకు మరింత వినోదాన్ని అందిస్తున్నాయి. ఇలా దీపావళి పండుగ సందర్భంగా విడుదలైన సినిమాలలో ధృవ్ విక్రమ్(Dhruv Vikram) బైసన్ సినిమా (Bison Movie)ఒకటి. దర్శకుడు మారి సెల్వరాజ్ (Mari Selvaraj) దర్శకత్వంలో తెరికెక్కిన ఈ సినిమా దీపావళి పండుగను పురస్కరించుకొని అక్టోబర్ 17వ తేదీ తమిళంలో విడుదల అయింది.
కబడ్డీ నేపథ్యంలో ప్రేక్షకుల ముందుకు వచ్చిన ఈ సినిమా ఇదే పేరుతో అక్టోబర్ 24వ తేదీ తెలుగులో కూడా విడుదల అయ్యి ఇక్కడ ఎంతో అద్భుతమైన విజయాన్ని సొంతం చేసుకుంది. ఇలా తెలుగు తమిళ భాషలలో మంచి సక్సెస్ అందుకున్న ఈ సినిమా త్వరలోనే డిజిటల్ స్ట్రీమింగ్ కానుంది. ఈ సినిమా డిజిటల్ హక్కులను ప్రముఖ ఓటీటీ సంస్థ నెట్ ఫ్లిక్స్ (Net Flix)కైవసం చేసుకున్నారు. తాజాగా నెట్ ఫ్లిక్స్ ఈ సినిమా డిజిటల్ స్టీమ్ కి సంబంధించి అధికారక ప్రకటన వెల్లడించారు. ఈ సినిమా నవంబర్ 21వ తేదీ నుంచి తెలుగు, తమిళ, కన్నడ, మలయాళ భాషలతో పాటు హిందీ భాషలో కూడా అందుబాటులోకి రాబోతుందని తెలిపారు. థియేటర్లలో ఎంతో మంచి సక్సెస్ అందుకున్న ఈ సినిమా డిజిటల్ స్ట్రీమింగ్ కానున్న నేపథ్యంలో అభిమానులు కూడా సంతోషం వ్యక్తం చేస్తున్నారు.
ఇక ఈ సినిమా క్రీడా నేపథ్యంలో ప్రేక్షకుల ముందుకు వచ్చిన సంగతి తెలిసిందే. ఈ సినిమాలో హీరో ధృవ్ విక్రమ్ కు జోడిగా అనుపమ పరమేశ్వరన్ (Anupama Parameswaran)నటించారు. క్రీడలలో కూడా కుల వివక్షత ఉన్న నేపథ్యంలో ఈ కుల వివక్షతను అడ్డుకొని క్రీడలలో సత్తా చాటిన మనతి గణేషన్ జీవిత కథ ఆధారంగా ఈ చిత్రం ప్రేక్షకుల ముందుకు రాబోతోంది. ఈ సినిమాలో ధృవ్ వనతి కిట్టయ్య పాత్రలో కనిపించి సందడి చేశారు.. ఇక ఈ సినిమా కథ ఏంటి అనే విషయానికి వస్తే…
Kabaddi nammuluku vena oru game ah irukalam, aana Kittanukku adhaan life eh 🔥💪 pic.twitter.com/DeZoMlOG5l
— Netflix India South (@Netflix_INSouth) November 17, 2025
తమిళనాడులోని ఓ మారుమూల గ్రామంలో నివసించే వారిలో కబడ్డీ ఆట కూడా ఒక భాగమై ఉంటుంది. అయితే ఆ గ్రామంలో చోటు చేసుకున్న కుల రాజకీయ వివక్షతల కారణంగా చాలామంది కబడ్డీ ఆటకు దూరంగా ఉండాల్సిన పరిస్థితులు ఏర్పడ్డాయి. ఇలాంటి పరిస్థితి వనతి కిట్టయ్య (ధృవ్ విక్రమ్)కు ఏర్పడుతుంది. తనకు కబడ్డీ ఆట అంటే ఎంతో ఇష్టం ఉన్నప్పటికీ తన తండ్రివేలుస్వామి (పశుపతి) తనకు ఎదురైన అనుభవాల వల్ల కిట్టయ్యను కబడ్డీకి దూరంగా ఉంచుతారు. తండ్రిని కాదని అక్క సాయంతో కిట్టయ్య ప్రయత్నం చేసినా ఊర్లో తన తండ్రితో ఉన్న విభేదాలు కారణంగా ఎవరు తనని ప్రోత్సహించరు. అయితే తనకు ఆటపై ఉన్న ఆసక్తిని గమనించిన స్కూల్ మాస్టర్ తనని క్రీడలలో ప్రోత్సహించారు. మరి తన గ్రామంలో ఎదురైన కుల వివక్షత రాజకీయాలను దాటుకొని కిట్టయ్య క్రీడలలో ఎలా విజయం సాధించారు అనేది తెలియాలి అంటే సినిమా చూడాల్సిందే.
Also Read: Jaya Krishna -Ajay Bhupathi: జోడి కుదిరింది.. ఘట్టమనేని వారసుడికి జోడిగా స్టార్ డాటర్!
Share
Moong Dal: నానబెట్టిన పెసలు తినకపోతే.. ఈ లాభాలను మిస్సవుతారు !
Jigris Movie Review : 'జిగ్రీస్' మూవీ రివ్యూ
