Parasakthi OTT : తమిళ స్టార్ హీరో శివ కార్తికేయన్(Siva Karthikeyan) ఇటీవల సుధా కొంగర (Sudha Kongara)దర్శకత్వంలో పరాశక్తి సినిమా (Parasakthi)ద్వారా ప్రేక్షకుల ముందుకు వచ్చారు. సంక్రాంతి పండుగను పురస్కరించుకొని ఈ సినిమా జనవరి 10వ తేదీ విడుదలైన సంగతి తెలిసిందే. శ్రీ లీల శివ కార్తికేయన్ హీరో హీరోయిన్లుగా నటించిన భారీ పీరియాడికల్ పొలిటికల్ డ్రామాగా ప్రేక్షకుల ముందుకు వచ్చిన ఈ సినిమా థియేటర్లలో మంచి ఆదరణ సొంతం చేసుకుంది. ఇలా ఈ సినిమా ఎన్నో అవంతరాలను దాటుకుంటూ విజయవంతంగా విడుదల అయింది. ఇక ఈ సినిమా థియేటర్లలోకి వచ్చి దాదాపు నెలరోజులు అవుతున్న నేపథ్యంలో తిరిగి ఈ చిత్రాన్ని ఓటీటీలో విడుదల చేయటానికి చిత్ర బృందం సిద్ధమయ్యారు. తాజాగా ఈ సినిమా ఓటీటీ విడుదలకు సంబంధించి అధికారిక ప్రకటన వెల్లడైంది.
పరాశక్తి సినిమా డిజిటల్ స్ట్రీమింగ్ హక్కులను ప్రముఖ ఓటీటీ సమస్థ జీ 5 (Zee 5)భారీ ధరలకు కైవసం చేసుకున్నారు. తాజాగా ఈ సినిమా డిజిటల్ స్ట్రీమింగ్ గురించి అధికారిక ప్రకటన తెలియజేస్తూ ఫిబ్రవరి 7వ తేదీ నుంచి ఈ సినిమా జీ 5 లో ప్రసారం కాబోతుందని అధికారికంగా వెల్లడించారు. అయితే ఈ సినిమా తమిళంలో మాత్రమే కాకుండా తెలుగు, కన్నడ, మలయాళ భాషలలో కూడా ప్రేక్షకుల ముందుకు రాబోతుందని తెలుస్తోంది. థియేటర్లలో ఈ సినిమా చూడటం మిస్ అయినవారు ఫిబ్రవరి 7వ తేదీ నుంచి జీ 5 లో ఈ సినిమాని చూస్తూ ఎంజాయ్ చేయవచ్చు.
ఇక ఈ సినిమా విషయానికి వస్తే..1960ల నాటి మద్రాస్ ప్రెసిడెన్సీలో జరిగిన హిందీ వ్యతిరేక ఉద్యమం నేపథ్యంలో ప్రేక్షకుల ముందుకు వచ్చింది. ఇలా హిందీ వ్యతిరేకత ఉద్యమం నేపథ్యంలో రావడంతో సెన్సార్ సర్టిఫికెట్ విషయంలో కొన్ని ఇబ్బందులను ఎదుర్కొన్న ఈ సినిమా ఈ అడ్డంకులను దాటుకొని అనుకున్న సమయానికి ప్రేక్షకుల ముందుకు వచ్చింది. ఇక ఈ సినిమాలో జయం రవి (Jayam Ravi)విలన్ పాత్రలో నటించగా.అథర్వ మురళి కీలక పాత్రలో కనిపించారు.
పరాశక్తి శ్రీ లీలకు తమిళ డెబ్యూ..
ఈ సినిమా ద్వారా నటి శ్రీ లీల తమిళ చిత్ర పరిశ్రమలోకి హీరోయిన్ గా అడుగు పెట్టారు. ఈ సినిమా ద్వారా ఫర్వాలేదనిపించుకున్న ఈమె ప్రస్తుతం తమిళంలో మరికొన్ని సినిమాలలో అవకాశాలు అందుకుంటున్నట్లు తెలుస్తోంది.శివ కార్తికేయన్ సుధా కొంగర కాంబినేషన్లో అంటేనే సినిమా పట్ల మంచి అంచనాలే ఏర్పడ్డాయి. అయితే ఈ సినిమా విడుదలైన తర్వాత కొంతమంది ఉద్దేశపూర్వకంగా సినిమాపై నెగెటివిటీ ప్రచారం చేయడంతో ఆ ప్రభావం కలెక్షన్ల పై చూపించిందని చెప్పాలి. ఇక శివ కార్తికేయన్ కూడా ఇటీవల విభిన్నమైన సినిమా కథలను ఎంపిక చేసుకుంటూ ప్రేక్షకుల ముందుకు వచ్చి మంచి సక్సెస్ అందుకుంటున్నారు.
Also Read: Allu Shirish: అల్లు శిరీష్ ప్రీ వెడ్డింగ్ సెలబ్రేషన్స్.. దుబాయ్ లో ఘనంగా బ్యాచిలర్ పార్టీ!
Share
Ram Pothineni: రూట్ మార్చేసిన రామ్.. హిట్ కోసం ఎప్పుడు చెయ్యని రిస్క్..!
Sri Satya Sai district Accident: ఘోర రోడ్డు ప్రమాదం.. ముళ్లపొదలోకి దూసుకెళ్లిన స్కూల్ బస్సు.. స్పాట్ లో 40 మంది విద్యార్థులు
