Unstoppable Ram Charan Episode Part 2 :ఏ సినిమా ఇండస్ట్రీలో అయినా సరే సెలబ్రిటీలు ముఖ్యంగా స్టార్ హీరోలు ఒక హోదాకు చేరుకున్న తర్వాత.. వారి వారసులు యుక్త వయసుకి వస్తే మాత్రం హీరోగా ఎప్పుడు ఎంట్రీ ఇస్తారు అని అభిమానులు తెగ గోల చేస్తారు. ఈ క్రమంలోనే మహేష్ బాబు ,(Mahesh Babu), పవన్ కళ్యాణ్ (Pawan Kalyan), బాలకృష్ణ(Balakrishna ) లను నిత్యం ఎక్కడికి వెళ్లినా ఇదే ప్రశ్నతో ఇబ్బంది పెడుతూ ఉంటారు. ఇక బాలకృష్ణ వారసుడు మోక్షజ్ఞ (Mokshagna)ఎంట్రీ కోసం.. హనుమాన్ (Hanuman) డైరెక్టర్ ప్రశాంత్ వర్మ (Prashanth Varma) ను లైన్ లో పెట్టిన విషయం తెలిసిందే. ఇక మరొకవైపు అకీరా నందన్ (Akira Nandan) కోసం.. గేమ్ ఛేంజర్ (Game Changer) ప్రీ రిలీజ్ ఈవెంట్ లో ఎస్.జె.సూర్య(SJ Surya) మాట్లాడుతూ.. అకీరా ఓకే చెబితే వెంటనే ‘ఖుషి 2’ మొదలు పెట్టేస్తాను అంటూ తెలిపారు. అటు అకీరా నందన్ తల్లి రేణు దేశాయ్ (Renudesai) కూడా అకీరా హీరోగా ఎంట్రీ ఇవ్వడం కోసం తాను కూడా ఎదురు చూస్తున్నాను అంటూ తెలిపింది.
అకీరా ఎంట్రీ కోసం ఫ్యాన్స్ వెయిటింగ్..
అయితే దీనికంటే ముందే ప్రస్తుతం పవన్ కళ్యాణ్ (Pawan Kalyan) హీరోగా నటిస్తున్న ఓజీ (OG) సినిమాతో అకీరా నందన్ ఎంట్రీ ఉంటుంది అంటూ పెద్ద ఎత్తున వార్తలు వినిపించిన విషయం తెలిసిందే. అయితే దీనిపై ఎటువంటి అధికారిక ప్రకటన వెలువడకపోవడంతో అభిమానులు నిరాశ వ్యక్తం చేశారు. ఇప్పటికైనా తమ అభిమాన హీరో వారసుడి ఎంట్రీ ఎప్పుడు ఉంటుందో చెప్పండి అంటూ కోరుతున్నారు. అయితే ఎట్టకేలకు రామ్ చరణ్(Ram Charan) ఈ విషయాన్ని రివీల్ చేశారు. తాజాగా రామ్ చరణ్ గేమ్ ఛేంజర్ ప్రమోషన్స్ లో భాగంగా బాలయ్య హోస్ట్ గా వ్యవహరిస్తున్న అన్ స్టాపబుల్ విత్ ఎన్బికె కార్యక్రమానికి హాజరయ్యారు.
అకీరా నందన్ ఎంట్రీ పై రామ్ చరణ్ క్లారిటీ..
సీజన్ 4 9వ ఎపిసోడ్ కి రామ్ చరణ్ హాజరవడం జరిగింది. ఇకపోతే ఈ ఎపిసోడ్ ను రెండు పార్ట్ లుగా విడుదల చేసిన విషయం తెలిసిందే. మొదటి పార్ట్ సంక్రాంతికి ముందు విడుదల చేయగా.. ఇప్పుడు రెండో పార్ట్ ను విడుదల చేశారు. ఇక ఇందులో రామ్ చరణ్ అకీరానందన్ ఎంట్రీ పై క్లారిటీ ఇచ్చారు.. “అకీరా నందన్ బాబాయ్ పవన్ కళ్యాణ్ నటిస్తున్న ఓ.జి సినిమా ద్వారా ఎంట్రీ ఇస్తున్నారు. ఈ సినిమాలో ఆయన కీలక పాత్ర పోషిస్తున్నారు “అంటూ రామ్ చరణ్ క్లారిటీ ఇచ్చారు. మొత్తానికైతే రామ్ చరణ్ మాటలతో పవన్ కళ్యాణ్ అభిమానులు పెద్ద ఎత్తున సంబరాలు చేసుకుంటున్నారు. ఇక త్వరలోనే తమ అభిమాన హీరో వారసుడు ఎంట్రీ ఉంటుందని, ఆయన నటన ఎలా ఉంటుందో చూడాలని కూడా ఆసక్తిగా ఎదురు చూస్తూ ఉండడం గమనార్హం. ఏది ఏమైనా ఈ షోలో రామ్ చరణ్ తన తమ్ముడు ఎంట్రీ గురించి చెప్పి అందరినీ సంతోషపరిచారని చెప్పవచ్చు. ఇక మరొకవైపు పవన్ కళ్యాణ్ ఆంధ్రప్రదేశ్ కి డిప్యూటీ సీఎం గా బాధ్యతలు చేపట్టి, తన కర్తవ్యాన్ని నెరవేరుస్తూనే.. మరొకవైపు అభిమానుల కోసం తాను సంతకం చేసిన ఓజీ , హరిహర వీరమల్లు, ఉస్తాద్ భగత్ సింగ్ సినిమాలను త్వరగా పూర్తి చేసే పనిలో పడ్డారు .
Share
Game Changer: మిస్టరీ వీడింది.. పోలీసులకు చిక్కిన ‘గేమ్ ఛేంజర్’ పైరసీ బ్యాచ్..
Sitamanshu Kotak: టీమిండియాకు కొత్త బ్యాటింగ్‌ కోచ్‌.. ఎవరీ సితాంశు కోటక్ ?
