Upcoming JioHotstar releases : ఈ నెలలో జియోహాట్‌స్టార్‌లో వస్తున్న సరికొత్త సిరీస్ లు ఇవే

Upcoming JioHotstar releases : మార్చి నెలలో ఓటీటీ స్ట్రీమింగ్ ప్రియులకు పండగే అని చెప్పాలి. జియోహాట్‌స్టార్ లో అదిరిపోయే ఇంటర్నేషనల్ సిరీస్‌లతో పాటు లోకల్ కంటెంట్ కూడా లైన్ లో ఉంది. మీరు మిస్ అవ్వకుండా చూడాల్సిన ఆ 6 సిరీస్‌ల వివరాలు ఇక్కడ ఉన్నాయి. ఇవి ఎప్పటి నుంచి అందుబాటులో ఉంటాయో తెలుసుకుందాం పదండి.

1. Marshals: A Yellowstone Story

మీకు గుర్రపు స్వారీలు, గన్ ఫైట్లు ఉండే వెస్ట్రన్ డ్రామాలు ఇష్టమైతే ఇది మీ కోసమే. ఫేమస్ ‘ఎల్లోస్టోన్’ సిరీస్ నుంచి వస్తున్న స్పిన్-ఆఫ్ ఇది. చట్టాన్ని కాపాడే మార్షల్స్ పడే కష్టాలు, ఆ కాలం నాటి పరిస్థితులను ఇందులో చాలా గ్రాండ్‌గా చూపించారు. మార్చి 1 నుంచే ఇది మొదలైంది. వీకెండ్ లో ఒక లుక్ వేసేయండి.

2. Ted Season 2

మాట్లాడే ఆ అల్లరి టెడ్డీ బేర్ మళ్ళీ వచ్చేస్తోంది. మొదటి సీజన్ చూసిన వాళ్లకి తెలుసు, టెడ్ చేసే కామెడీ ఎంత క్రేజీగా ఉంటుందో. ఈ రెండో సీజన్లో కూడా టెడ్, జాన్ కలిసి చేసే రచ్చ మామూలుగా ఉండదు. వీకెండ్ లో ఫ్యామిలీ అంతా కలిసి నవ్వుకోవడానికి ఇది బెస్ట్ ఆప్షన్. మార్చి 6న ఈ సిరీస్ అన్ని ఎపిసోడ్లు అందుబాటులోకి వస్తాయి.

3. Rooster

స్టీవ్ కారెల్ అనగానే మనకు గుర్తొచ్చేది మంచి కామెడీ సిరీస్ ఇది. ఆయన నటిస్తున్న ఈ సిరీస్ ఒక వెరైటీ డ్రామా. ఒక వ్యక్తి జీవితంలో జరిగే వింత సంఘటనలను నవ్వు తెప్పించేలా ఇందులో చూపిస్తారు. మార్చి 9న ఇది రిలీజ్ అవుతోంది.

4. The Society Season 2

మీకు రియాలిటీ షోలు అంటే పిచ్చా? అయితే ఇది చూడాల్సిందే. మునావర్ ఫారూఖీ హోస్ట్‌గా వస్తున్న ఈ సర్వైవల్ గేమ్ షోలో కంటెస్టెంట్లు గెలవడానికి పడే కష్టాలు, చేసే ప్లాన్లు చాలా ఇంట్రెస్టింగ్‌గా ఉంటాయి. మొదటి సీజన్ మాదిరిగానే రెండో సీజన్ కూడా ఇంకాస్త ఘాటుగా ఉండబోతోందని సమాచారం. ఇది కూడా మార్చి 9 నుండి స్ట్రీమింగ్ కానుంది.

5. Resort

సౌత్ కంటెంట్ ఎదురుచూసే వాళ్ళ కోసం ఈ తమిళ సిరీస్ వస్తోంది. ఒక రిసార్ట్ బ్యాక్‌డ్రాప్‌లో జరిగే కథ ఇది. ఇందులో థ్రిల్లింగ్ ఎలిమెంట్స్‌తో పాటు మంచి డ్రామా కూడా ఉంటుంది. మార్చి 13న ఇది స్ట్రీమింగ్ అవుతుంది. తెలుగు డబ్బింగ్ కూడా ఉండే అవకాశం ఉంది.

6. Daredevil: Born Again Season 2

అందరూ ఎంతో ఆసక్తిగా ఎదురుచూస్తున్న సిరీస్ ఇదే. మార్వెల్ సినిమాటిక్ యూనివర్స్ (MCU) నుండి వస్తున్న ఈ సిరీస్ మార్చి 25న విడుదల కానుంది. విశేషమేమిటంటే, ఇది కేవలం ఇంగ్లీష్‌లోనే కాకుండా తెలుగు, హిందీ, తమిళం భాషల్లో కూడా అందుబాటులో ఉంటుంది. ఇందులో చార్లీ కాక్స్ డెవిల్ ఆఫ్ హెల్స్ కిచెన్‌గా మళ్లీ తన ప్రతాపాన్ని చూపించబోతున్నాడు.

Read Also : ఓటీటీలోకి వచ్చేస్తున్న కొత్త మూవీ… ఊటీ నేపథ్యంలో సాగే ఓ తండ్రి, ముగ్గురు కొడుకుల కథ

Join WhatsApp Channel

Share

• 
• 
• 
• 
• 
•