Youth OTT : ప్రస్తుతం థియేటర్లలో రిలీజ్ అయిన సినిమాలతో పాటుగా ఓటీటీలోకి వచ్చే సినిమాల సంఖ్య కాస్త ఎక్కువగానే ఉంటుంది. ప్రతిరోజు కూడా ఏదో ఒక ప్లాట్ఫారంలోకి సినిమాలు వచ్చేస్తూ ఉంటాయి. ఇంట్లోనే కూర్చుని తమకు నచ్చిన సినిమాని చూసుకునేందుకు ఈ ఫ్లాట్ ఫామ్ లు మూవీ లవర్స్ కి అందుబాటులో ఉన్నాయి. దాంతో ఇక్కడ వచ్చే సినిమాలకు కూడా రోజురోజుకీ డిమాండ్ పెరుగుతూ వస్తుంది. ఈవారం బోలెడు సూపర్ హిట్ సినిమాలు ఓటిటిలోకి స్ట్రీమింగ్ కి వచ్చేస్తున్నాయి.. అందులో యూత్ ఫుల్ రొమాంటిక్ ఎంటర్టైనర్ మూవీ యూత్ ఒకటి.. ఈ మూవీ గురించి ప్రత్యేకంగా చెప్పనక్కర్లేదు. ఈ మూవీ ఇవాళ ఓటీటీలోకి వచ్చేసింది. మరి స్ట్రీమింగ్ ఎక్కడ అన్న వివరాల గురించి ఇప్పుడు వివరంగా తెలుసుకుందాం..
కోలీవుడ్ నటుడు కరుణాస్ వారసుడు కెన్ కరుణాస్ హీరోగా ఎంట్రీ ఇచ్చిన లేటెస్ట్ యూత్ ఫుల్ రొమాంటిక్ కామెడీ చిత్రం యూత్.. ఈ మూవీకి ఈయనే స్వయంగా దర్శకత్వం కూడా వహించారు. మార్చి 27న ప్రేక్షకుల ముందుకు వచ్చి మంచి టాక్ సొంతం చేసుకుంది. దాదాపు 20 రోజుల తర్వాత ఓటీటీలోకి వచ్చేసింది.. తెలుగులోకి స్ట్రీమింగ్ వచ్చేసింది. ప్రముఖ ఓటీటీ నెట్ ఫ్లిక్స్ ఈ చిత్రం డిజిటల్ రైట్స్ ను భారీ ధరకు కొనుగోలు చేసింది. తమిళం, తెలుగుతో పాటు ఇతర భాషల్లోనూ స్ట్రీమింగ్ కానుంది. ప్రస్తుతం యూత్ ట్రెండ్కు అనుగుణంగా ఉన్న స్టోరీ అందరినీ ఆకట్టుకుంది. ఈ చిత్రంలో అనిష్మ అనిల్ కుమార్, దేవదర్శిని చేతన్, సూరజ్ వెంజరమూడు, ప్రియాన్షి యాదవ్, మీనాక్షి దినేష్ పలువురు నటీనటులు నటించారు.
Also Read :మనోజ్ కొత్త అవతారం.. ఇదేం ట్విస్ట్ రా నాయనా..
ఒక ఊరిలోని ఒక మిడిల్ క్లాస్ కుటుంబంలో చెందిన వ్యక్తి హీరో ప్రవీణ్.. అతని తండ్రి బేకరీని నడుపుతుంటాడు. అతని భార్య హౌస్ వైఫ్ గా ఇంట్లో తన బాధ్యతలను నెరవేరుస్తూ ఉంటుంది. వీళ్ళ కొడుకే ప్రవీణ్. జీవితంలో సక్సెస్ అవ్వడానికి ప్రయత్నాలు చేయాలి అని వాళ్ళు ఎన్నెన్నో కలలు కంటూ కొడుకు మీద ఆశలను పెంచుకుంటారు. అతను చేసే అల్లరితో స్కూల్లో ఏ అమ్మాయి కూడా అతని వైపు కన్నెత్తి చూడదు. తన స్కూల్ లైఫ్ పూర్తయ్యే లోపు ప్రేమించాలనే లక్ష్యంతో అతను ప్రయత్నాలు చేస్తాడు. ఆ విషయం తల్లిదండ్రులకు తెలియదు. అతడి జీవితంలోకి మరి కొంతమంది వస్తారు. హీరోయిన్ తో ప్రేమలో పడ్డ అతను తన ప్రేమను గెలిపించుకుంటాడా లేదా అన్నది ఈ సీరియల్ స్టోరీ లో చూడాలి. డిఫరెంట్ కాన్సెప్ట్ తో రొమాంటిక్ స్టోరీగా వచ్చిన ఈ మూవీ యూత్ ని బాగా ఆకట్టుకోవడంతో థియేటర్లలో మంచి టాక్ ని సొంతం చేసుకుంది. మరి ఓటీటీలో ఎలాంటి టాక్ ను సొంతం చేసుకుంటుందో చూడాలి.. ఈవారం మరికొన్ని సూపర్ హిట్ సినిమాలు కూడా ఇక్కడ సందడి చేయబోతున్నాయి.
Share
లోక్‌సభలో బిల్లులను ప్రవేశపెట్టిన కేంద్రం.. అధికార-విపక్షాల మాటల యుద్ధం.. వాడి వేడీగా సమావేశాలు
వివాహేతర బంధం కోసం ఘాతుకం.. భర్తను సుపారీ ఇచ్చి చంపించిన భార్య!
