Year Ender 2025 : 2025లో ఎన్నో హర్రర్ సినిమాలు. సిరీస్ లు వచ్చి ప్రేక్షకులను అలరించాయి. ఇయర్ ఎండ్ సందర్భంగా ఈ ఏడాది ఓటీటీలోకి వచ్చిన అత్యంత భయంకరమైన సిరీస్ లపై ఓ లుక్కేద్దాం పదండి.
1996లో అడవుల్లో జరిగిన విమాన ప్రమాదం తర్వాత టీనేజ్ అమ్మాయిల బృందం బతికేందుకు ఏం చేసింది? ఎలాంటి పరిస్థితులను ఎదుర్కొంది? అన్నదే ‘యెల్లోజాకెట్స్’ కథ. రెండు కాలక్రమాలలో నడిచే ఈ సిరీస్ ప్రతి ఎపిసోడ్‌ లో సీట్ ఎడ్జ్ థ్రిల్లింగ్ ఫీలింగ్ ఇస్తుంది. జియోహాట్‌స్టార్ ఈ సిరీస్ స్ట్రీమింగ్ అవుతోంది.
వింటేజ్ స్మార్ట్ హోమ్‌లో నివసించాలనే ఆలోచన ఎంత బాగుంటుంది కదా. కానీ ఎంత భయంకరంగా ఉంటుందో చూపించింది ఈ సిరీస్. 1970లలో సృష్టించబడిన ఎలక్ట్రానిక్ వర్చువల్ అసిస్టెంట్ కాసాండ్రా తిరిగి యాక్టివేట్ అవుతుంది. కానీ ఈసారి ఆమె ఇంటిని మెయింటైన్ చేయాలని కోరుకోదు. బదులుగా స్వాధీనం చేసుకుంటుంది. ఏఐ ఎంత డేంజర్ అనేది ఈ సినిమాలో చూడవచ్చు. నెట్‌ఫ్లిక్స్ లో ఈ సిరీస్ ను చూడవచ్చు.
స్టీఫెన్ కింగ్ ప్రపంచం నుండి వచ్చిన ప్రీక్వెల్ సిరీస్ ఇది. 1962లో డెర్రీ నగరంలో ఉండే భయంకరమైన రాక్షసుడు పెన్నీవైస్ చేసే అరాచకం గూస్ బంప్స్ తెప్పిస్తుంది. సిరీస్ లో స్నేహితుల బృందం ఈ రాక్షసుడి పుట్టుకకు కారణం ఏంటో తెలుసుకునే కథ స్పైన్ చిల్లింగ్ గా ఉంటుంది. జియోహాట్‌స్టార్ లో ఈ సిరీస్ స్ట్రీమింగ్ అవుతోంది.
మొదటి సీజన్ తర్వాత ఐదు సంవత్సరాల తరువాత, జోయెల్ – ఎల్లీ ఒకరితో ఒకరు పోరాడుతూనే… గతంలో కంటే ప్రమాదకరంగా మారిన ప్రపంచంతో కూడా ఫైట్ చేస్తారు. జియో హాట్‌స్టార్ లో ఈ సిరీస్ అందుబాటులో ఉంది.
స్ట్రేంజర్ థింగ్స్ చివరి సీజన్‌లో హాకిన్స్ బృందం వెక్నాను ఆపడానికి చివరి పోరాటం చేస్తుంది. 1987లో సెట్ చేయబడిన ఈ సీజన్ సైనిక జోక్యం, మల్టీవర్స్ ముప్పు, ఎలెవెన్ నిజమైన శక్తి చుట్టూ తిరుగుతుంది. ఈ సీజన్ భయం, నోస్టాల్జియా రెండింటినీ అందిస్తుంది. నెట్‌ఫ్లిక్స్ లో స్ట్రీమింగ్ అవుతోంది.
ఢిల్లీలోని అమ్మాయిల హాస్టల్‌లోని ఒక గది ఖౌఫ్. ఇతర అమ్మాయిలు ప్రవేశించడానికి కూడా భయపడే గది అది. కానీ మధు ఆ గదిలోకి వెళ్లడంతో మొదలవుతుంది దబిడి దిబిడీ. ప్రైమ్ వీడియోలో ఈ హర్రర్ సిరీస్ ఉంది.
ఖాటు కుటుంబం ప్రతి సంవత్సరం వారి పూర్వీకుల ఇంటికి తిరిగి వస్తుంది. కానీ ఈసారి ఆ భవనం వారి విధిని మార్చుకుంది. వరుస హత్యాలతో వెన్నులో వణుకు పుట్టించే ట్విస్టులతో సాగుతుంది సిరీస్. ఇది జీ5లో ఉంది.
Share
Today Movies in TV : గురువారం టీవీ సినిమాలు.. ఆ రెండు మిస్ అవ్వకండి..
Ashes series Eng VS Aus: యాషెస్ టెస్ట్ లో ఆస్ట్రేలియా ఆలౌట్, స్టేడియంలో అలెక్స్ కారీ భార్య కన్నీళ్లు
