Sreeleela: అందం అమ్మాయైతే.. నీలా ఉందా అన్నట్టుందే

Sreeleela: పెళ్లి సందD సినిమాతో తెలుగుతెరకు పరిచయమైన అందం శ్రీలీల. ముద్దుగా, బొద్దుగా అచ్చతెలుగు ఆడపిల్లలా కనిపించేసరికి తెలుగు ప్రేక్షకులు ఆమెను గుండెల్లో పెట్టుకున్నారు.

మొదటి సినిమాతోనే కుర్రకారు గుండెల్లను తన అందంతో మెలిపెట్టిన శ్రీలీల.. వరుస సినిమాలతో బిజీగా మారింది.

మొదటి సినిమా ఆశించిన ఫలితాన్ని అందుకోలేకపోయినా కూడా.. చేతిలో మినిమమ్ అరడజను సినిమాలను పెట్టుకొని ఇండస్ట్రీ మొత్తానికి షాక్ ఇచ్చింది.

అవకాశాలు వచ్చినంత ఈజీగా శ్రీలీలకు విజయాలు మాత్రం దక్కలేదు. సీనియర్ హీరోలు, కుర్ర హీరోలు అని తేడా లేకుండా నటించినా.. ఈ చిన్నదానికి విజయం అందలేదు.

ఇక మహేష్ బాబు సరసన గుంటూరు కారం సినిమాలో నటించిన శ్రీలీల నటనకు ఏమో కానీ, డ్యాన్స్ కు మాత్రం ఫ్యాన్స్ ఫిదా అయ్యారనే చెప్పాలి. ముఖ్యంగా ఆ కుర్చీని మడతపెట్టి సాంగ్ అయితే ఆమె కెరీర్ లోనే బెస్ట్ అని చెప్పొచ్చు.

ఇక గుంటూరు కారం ప్లాప్ తరువాత శ్రీలీల ఆచితూచి అడుగులు వేస్తుంది. ఎలా పడితే అలా సినిమాలు ఎంచుకోకుండా తన పాత్రకు ప్రాధాన్యమున్న కథలను ఎంచుకుంటుంది.

స్టార్ హీరోయిన్ గా కొనసాగుతున్న సమయంలోనే పుష్ప 2 కోసం శ్రీలీల ఐటెంగర్ల్ గా మారింది. అల్లు అర్జున్ పక్కన ఈ చిన్నది కిస్సిక్ సాంగ్ లో డ్యాన్స్ వేయడానికి రెడీ అయ్యింది.

ఇక సినిమాల్లో ఎంత యాక్టివ్ గా ఉంటుందో .. సోషల్ మీడియాలో కూడా శ్రీలీల అంతే యాక్టివ్ గా ఉంటుంది. నిత్యం తనకు సంబంధించిన ఫోటోలను అభిమానులతో పంచుకుంటూ ఉంటుంది.

తాజాగా శ్రీలీల తన తల్లితో కలిసి వారణాసిలో దర్శనమిచ్చింది. తన మొక్కులు అన్ని చెల్లించాక ఇదిగో ఇలా పడవలో పావురాలతో ఆడుకుంటూ కనిపించింది. వంగపువ్వు రంగు డ్రెస్ లో అమ్మడు న్యాచురల్ అందంతో మరింత మెరిసిపోతుంది. ప్రస్తుతం ఈ ఫోటోలు సోషల్ మీడియాలో వైరల్ గా మారాయి.