Delimitation Protest: పార్లమెంటు ముందుకు గురువారం డీలిమిటేషన్ బిల్లు రానుండడంతో దక్షిణాది రాష్ట్రాలు తమ పోరును ఉధృతం చేశాయి. ఈ నేపథ్యంలో డీలిమిటేషన్ డాక్యుమెంట్లను ముఖ్యమంత్రి స్టాలిన్ తగులబెట్టారు. ఇకపై తమ పోరును కంటిన్యూ చేస్తామని చెప్పకనే ఆయన చెప్పారు.
పార్లమెంటు ముందుకు డిలిమిటేషన్ పేపర్లు
గురువారం పార్లమెంటు ముందుకు మహిళా రిజర్వేషన్-డీలిమిటేషన్ బిల్లులు వచ్చాయి. దీన్ని దక్షిణాది రాష్ట్రాలు మొదటి నుంచి తీవ్రంగా వ్యతిరేకిస్తున్నాయి. తమకు నష్టం జరుగుతుందని చెబుతున్నాయి. అయినా సరే కేంద్రం ముందుకు వెళ్లడాన్ని తూర్పార బట్టాయి. దీన్ని నిరసిస్తూ చెన్నైలో ఆందోళనకు దిగింది అధికార డీఎంకె ప్రభుత్వం.
నల్ల దుస్తులు ధరించిన ఆ పార్టీ నేతలు తన నిరసనను కేంద్రానికి తెలిపారు. చెన్నైలో గురువారం ఉదయం సీఎం స్టాలిన్ డీలిమిటేషన్ డాక్యుమెంట్లను తగులబెట్టారు. తమిళనాడులో హిందీకి వ్యతిరేకంగా చేపట్టిన ప్రతిఘటన జ్వాల గతంలో ఢిల్లీని దహించి వేసిందన్నారు. మళ్లీ ఇప్పుడు ఈ బిల్లు ప్రతిని తగలబెట్టి మరో జ్వాలను రగిలించినట్లు ఆయన ప్రస్తావించారు.
డీలిమిటేషన్ పత్రాలను తగలబెట్టిన సీఎం స్టాలిన్
ఈ మంటలు కేంద్రంలోని బీజేపీ అహంకారాన్ని అణచివేస్తాయని చెప్పకనే చెప్పారు. డాక్టర్ అంబేద్కర్ జయంతి సందర్భంగా కీలక వ్యాఖ్యలు చేశారు సీఎం స్టాలిన్. ఈ బిల్లులు పార్లమెంటుకు వస్తే 1960 నాటి డీఎంకెను చూస్తారని హెచ్చరించారు. తమిళ ప్రజల సహనాన్ని పరీక్షించవద్దని ధ్వజమెత్తారు.
అన్నట్లుగా గురువారం ఉదయం బిల్లు పత్రాలను తగులబెట్టారు. కేంద్రం తీసుకొచ్చిన ఈ బిల్లు తమిళనాడు ప్రజలను వారి సొంత గడ్డపైనే శరణార్థులుగా మారుస్తుందని ఆరోపించారు. భారతీయ జనతా పార్టీని ఫాసిస్టులతో పోల్చారు. ఈ జ్వాల ఇప్పుడు ద్రవిడ భూమి అంతటా వ్యాపిస్తుంది ఎక్స్ వేదికగా రాసుకొచ్చారు.
ALSO READ: నియోజకవర్గాల పునర్విభజన.. సీఎం చంద్రబాబు క్లారిటీ
విజృంభిస్తుంది.. ఉగ్రరూపం దాల్చుతుంది, బీజేపీ అహంకారాన్ని అడ్డుకుంటామని పేర్కొన్నారు. ఆ ట్వీట్‌లో #SayNoToNDA” అనే హ్యాష్‌ట్యాగ్‌ను ఉపయోగించారు. రానున్న మూడు రోజులు పార్లమెంటు ప్రత్యేక సమావేశాలు ఇంకెన్ని మలుపులు తిరుగుతుందో చూడాలి.
‘డీలిమిటేషన్’ ప్రతులను దహనం చేసిన సీఎం స్టాలిన్
నియోజకవర్గాల పునర్విభజన (డీలిమిటేషన్) బిల్లును తీవ్రంగా వ్యతిరేకిస్తున్నట్లు తమిళనాడు సీఎం ఎంకే స్టాలిన్ తెలిపారు. ఈ క్రమంలోనే బిల్లు ప్రతులను ఆయన దహనం చేశారు. గతంలో తమిళనాడులో హిందీకి వ్యతిరేకంగా చేపట్టిన ప్రతిఘటన జ్వాల… pic.twitter.com/w3KNSs4x9u
— ChotaNews App (@ChotaNewsApp) April 16, 2026
Share
మొదలవ్వక ముందే శర్వానంద్, శ్రీను వైట్ల సినిమాకు ఎండ్ కార్డ్!.. కారణం ఇదే..
Gundeninda Gudigantalu: మనోజ్ కొత్త అవతారం.. ఇదేం ట్విస్ట్ రా నాయనా..
