AC Cooling Tips: వేసవి కాలంలో ఏసీ ఆన్ చేసిన కాసేపటికే గది చల్లగా మారుతుంది. కానీ ఏసీ ఆఫ్ చేయగానే ఆ కూలింగ్ క్షణాల్లో మాయమైపోతుంటుంది. దీని వల్ల వెంట వెంటనే ఏసీ ఆన్ చేయాల్సి వస్తోందని పలువురు వాపోతున్నారు. ఫలితంగా కరెంట్ బిల్లు పెరగడమే కాకుండా ఏసీపై కూడా భారం పడుతుందని అంటున్నారు. ఈ నేపథ్యంలో ఏసీ ఆఫ్ చేసినా.. కూలింగ్ ఎక్కువసేపు నిలిచి ఉండేలా చేసే 6 సులువైన చిట్కాలు ఈ కథనంలో అందించడం జరుగుతోంది. అవేంటో ఇప్పుడు చూద్దాం.
గదిలోని చల్లటి గాలి బయటకు వెళ్లకుండా.. బయట ఉన్న వేడి గాలి లోపలికి రాకుండా ఉండటం చాలా ముఖ్యం. కాబట్టి తలుపులు, కిటికీల సందులను ‘డోర్ సీల్స్’ లేదా ‘ఫోమ్ టేప్’ సహాయంతో పూర్తిగా మూసివేయండి. దీనివల్ల కూలింగ్ ఎక్కువసేపు గదిలో నిలిచి ఉంటుంది.
సూర్యరశ్మి నేరుగా గదిలోకి పడితే ఏసీ కూలింగ్ త్వరగా తగ్గిపోయే ఛాన్స్ ఉంది. కాబట్టి పగటిపూట కిటికీలకు మందపాటి తెరలు లేదా సన్‌ కంట్రోల్ ఫిల్మ్‌లను వాడాలని నిపుణులు సూచిన్నారు. ఇవి వేడిని లోపలికి రానివ్వకుండా.. ఏసీ కూలింగ్ ఎక్కువ సేపు నిలిచి ఉండేలా చేస్తాయని స్పష్టం చేస్తున్నారు.
ఏసీ ఆన్ చేసినప్పుడు సీలింగ్ ఫ్యాన్‌ను 1 లేదా 2 స్పీడ్‌లో ఉంచాలని నిపుణులు సూచిస్తున్నారు. ఇది ఏసీ ఇచ్చే చల్లటి గాలిని గది నలుమూలలా సమానంగా వ్యాపించేలా చేస్తుందని పేర్కొంటున్నారు. ఫలితంగా ఏసీ ఆఫ్ చేసినా కూలింగ్ ఎక్కువసేపు ఉంటుందని తెలియజేస్తున్నారు.
గదిలో ఉండే టీవీ, కంప్యూటర్, ఫ్రిజ్ లేదా బల్బుల వల్ల వేడి విడుదల అవుతుంది. కాబట్టి ఏసీ నడుస్తున్నప్పుడు అవసరం లేని ఎలక్ట్రానిక్ పరికరాలను ఆఫ్ చేయాలని నిపుణులు సూచిస్తున్నారు. దీనివల్ల గది ఉష్ణోగ్రత త్వరగా పెరగకుండా ఉంటుందని పేర్కొంటున్నారు.
ఏసీని ఎప్పుడూ 24 డిగ్రీల వద్ద సెట్ చేయడం మంచిదని నిపుణులు స్పష్టం చేస్తున్నారు. ఇది గదిని సౌకర్యవంతంగా ఉంచడమే కాకుండా గోడలు మరీ చల్లబడిపోకుండా చూస్తుందని తెలియజేస్తున్నారు. దీనివల్ల ఏసీ ఆఫ్ చేసినా గది వాతావరణం స్థిరంగా ఉంటుందని వివరిస్తున్నారు.
Also Read: వ్యభిచారం నేరం కాదు.. సె*క్స్ వర్కర్లను అరెస్టు చేయెుద్దు.. సుప్రీంకోర్టు సంచలనం
ఏసీ ఫిల్టర్లలో దూళి పేరుకుపోతే చల్లటి గాలి సరిగ్గా రాదని నిపుణులు చెబుతున్నారు. వారానికి లేదా రెండు వారాలకు ఒకసారి ఫిల్టర్లను శుభ్రం చేయడం వల్ల ఏసీ సమర్థవంతంగా పనిచేస్తుందని పేర్కొంటున్నారు. తద్వారా గదిని ఎక్కువసేపు చల్లగా ఉంచుతుందని స్పష్టం చేస్తున్నారు.
Also Read: 25 పైసల ఖర్చుతో నడిచే.. పోర్టబుల్ ఏసీ వచ్చిందోచ్.. సామాన్యులకు పండగే!
Share
వద్దే వద్దు! రైతు డిస్కమ్ కాదు.. రైతుల కొంప ముంచే డిస్కమ్.. ఈఆర్సీ పబ్లిక్ హియరింగ్లో లోతైన డిస్కషన్!
తెలంగాణలో బీజేపీ సరికొత్త వ్యూహం.. జూన్ నెలలో చేయబోయే కార్యక్రమాలివే..?
