New Acerpure ACs: ప్రముఖ టెక్ కంపెనీ ఏసర్ అనుబంధ సంస్థ అయిన ఏసర్ ప్యూర్ తన లేటెస్ట్ మోడల్ ఏసీలను భారత్ లో లాంచ్ చేసింది. ‘చిల్ నియో’ సిరీస్ (Chill Neo split inverter air conditioner)నుంచి ఇన్వర్టర్ ఏసీ లను భారత్ లో విడుదల చేసింది. వేసవి కాలంలో ఉండే కఠినమైన పరిస్థితులను తట్టుకొని.. అహ్లాదకరమైన చల్లదనాన్ని ఇవి అందిస్తాయని కంపెనీ ప్రతినిధులు వెల్లడించారు.
ISEER 2026 నిబంధనలకు అనుగుణంగా ఏసర్ ప్యూర్ తన నియో చిల్ సిరీస్ ను తీసుకొచ్చింది. సామర్థ్యం, స్టార్ రేటింగ్స్ అనుగుణంగా ఏడు మోడల్స్ గా ఏసీలను తీర్చిదిద్దింది. బెడ్ రూమ్, లివింగ్ రూమ్, గది విస్తీర్ణానికి అనుగుణంగా ఈ ఏసీల సామర్థ్యాన్ని విభజించారు. ఏసీల ప్రారంభ ధరను రూ.29,990గా నిర్ణయించారు. మెరుగైన కూలింగ్, విద్యుత్ ఆదాను కోరుకునే వారు.. ప్రీమియం మోడల్ ను పరిశీలించవచ్చని కంపెనీ వర్గాలు సూచించాయి.
నియో చిల్ ఏసీల్లో కొన్ని ఫీచర్లు హైలెట్ గా నిలుస్తున్నాయి. సాధారణ ఏసీలు.. బయటి ఉష్ణోగ్రత 45-48 డిగ్రీలు దాటితే కూలింగ్ ను తగ్గించేస్తాయి. కానీ నియో చిల్ మాత్రం 58 డిగ్రీల గరిష్ట ఉష్ణోగ్రత వద్ద కూడా సమర్థవంతంగా కూలింగ్ ను అందించగలదని కంపెనీ వర్గాలు చెబుతున్నాయి. దీనిలోని 7-in-1 కన్వర్టబుల్ మోడ్ సాయంతో గదిలో ఉన్న వ్యక్తుల సంఖ్య, అవసరాన్ని బట్టి 7 రకాలుగా కూలింగ్ సామర్థ్యాన్ని మార్చుకోవచ్చు.
Also Read: Xiaomi Water Purifier: 7 ఏళ్ల వరకు నడిచే కొత్త RO వాటర్ ప్యూరిఫైయర్ లాంచ్ చేసిన షావోమీ.. ధర ఎంతంటే?
ఏసర్ ప్యూర్ లోని ఐస్ బ్లాస్ట్ మోడ్ ను సైతం కంపెనీ వర్గాలు హైలెట్ చేస్తున్నారు. దీనిని ఒకసారి ఆన్ చేస్తే.. అత్యంత వేగంగా గదిని చల్లబరుస్తుందని పేర్కొంటున్నాయి. అలాగే దీని సెల్ఫ్ క్లీన్ టెక్నాలజీ దుమ్ము, దూళిని తొలగించి స్వచ్ఛమైన చల్లగాలిని ప్రసారం చేస్తుందని, 100% కాపర్ కాయిల్ మెరుగైన కూలింగ్, మన్నిక అందిస్తుందని కంపెనీ పేర్కొంది. దీనిలోని బీఎల్డీసీ (BLDC) మోటార్.. శబ్దాన్ని తగ్గించడటంతో పాటు విద్యుత్ ను ఆదా చేస్తుందని స్పష్టం చేసింది.
Also Read: Mahindra BE.07: వచ్చే ఏడాది నెక్ట్స్ ఈవీ లాంచ్.. కీలక ప్రకటన చేసిన మహీంద్రా!
Share
Vijay -Rashmika: వివాహం అనంతరం రాజకీయ ప్రముఖులను కలుస్తున్న విరోష్ జంట.. ఉదయం అమిత్.. ఇప్పుడు మోదీ..
Upcoming Sedans 2026: హ్యుందాయ్ To స్కోడా.. ఈ ఏడాదిలో లాంచ్ కాబోయే క్రేజీ సెడాన్ కార్లు!
