వీటితో తక్కువ బడ్జెట్‌లో.. మీ ఇంటికి 24 గంటల సేఫ్టీ

Best CCTV camera for home: ఈ రోజుల్లో ఇంటి సేఫ్టీ అనేది అత్యంత ముఖ్యమైన విషయంగా మారిపోయింది. మనం ఉద్యోగాల రీత్యా ఆఫీసులకు వెళ్లినప్పుడు లేదా ఊర్లకు వెళ్లినప్పుడు ఇంట్లో ఉన్న పిల్లలు, వృద్ధులు, సామాగ్రి భద్రత గురించి ఎప్పుడూ ఆందోళన చెందుతుంటాము. ఈ సమస్యకు చక్కని పరిష్కారం మొబైల్ కనెక్టివిటీ ఉన్న స్మార్ట్ వైఫై సీసీ కెమెరాలు. వీటి సహాయంతో మనం ప్రపంచంలో ఎక్కడున్నా సరే, కేవలం మన చేతిలోని స్మార్ట్‌ఫోన్ ద్వారా ఇంట్లో ఏం జరుగుతుందో లైవ్‌గా చూసేయవచ్చు. ప్రస్తుతం మార్కెట్ లో ఉన్న బెస్ట్ హోమ్ సెక్యూరిటీ కెమెరాల వివరాలు ఇప్పుడు క్లియర్‌గా తెలుసుకుందాం.

మొబైల్ కనెక్టివిటీ ఎలా పనిచేస్తుంది:

పూర్వపు రోజుల్లో సీసీ కెమెరాలు అంటే పెద్ద పెద్ద వైర్లు, డీవీఆర్ బాక్సులు, మానిటర్లు అవసరమయ్యేవి. కానీ ఇప్పుడు వస్తున్న లేటెస్ట్ హోమ్ సెక్యూరిటీ కెమెరాలు వైర్‌లెస్ పద్ధతిలో పనిచేస్తాయి. వీటికి కేవలం పవర్ కనెక్షన్ ఇచ్చి, మీ ఇంట్లోని వైఫై (Wi-Fi) కి కనెక్ట్ చేస్తే సరిపోతుంది. ఆ తర్వాత ఆయా బ్రాండ్లకు సంబంధించిన అఫీషియల్ యాప్‌ను మీ మొబైల్‌లో ఇన్‌స్టాల్ చేసుకుని, కెమెరాను లింక్ చేయాలి. దీనివల్ల 24 గంటల లైవ్ ఫీడ్ మీ మొబైల్‌ లోనే కనిపిస్తుంది. అలాగే ఇంట్లోకి ఎవరైనా కొత్త వ్యక్తి వస్తే వెంటనే మీ ఫోన్‌కు అలర్ట్ నోటిఫికేషన్ కూడా వస్తుంది.

1.ఎంఐ వైఫై హోమ్ సెక్యూరిటీ కెమెరా (Mi Home Security Camera):
మార్కెట్లో స్మార్ట్ గ్యాడ్జెట్స్ విభాగంలో ఎంఐ (Mi) బ్రాండ్‌కు చాలా మంచి నమ్మకం ఉంది. ఎంఐ అందిస్తున్న 360 డిగ్రీల హోమ్ సెక్యూరిటీ కెమెరా చిన్న ఇళ్లకు చాలా పర్ఫెక్ట్ గా సరిపోతుంది. ఇది పూర్తి హెచ్‌డీ రిజల్యూషన్‌తో వీడియోలను రికార్డ్ చేస్తుంది. దీనిని ‘మి హోమ్’ (Mi Home) యాప్ ద్వారా చాలా ఆపరేట్ చేయవచ్చు. మీరు మొబైల్ స్క్రీన్ పై వేలితో స్లైడ్ చేస్తే చాలు, కెమెరా అటు ఇటు తిరిగి గది నలుమూలలా చూపిస్తుంది. ఇందులో ఉన్న ‘టాక్ బ్యాక్’ (Two-Way Talk) ఫీచర్ ద్వారా మీ మొబైల్ నుంచి మాట్లాడితే, ఇంట్లో కెమెరా దగ్గర ఉన్న వారికి మీ వాయిస్ క్లియర్‌గా వినిపిస్తుంది, అలాగే వారు మాట్లాడేది మీకు ఫోన్ లో వినబడుతుంది. దీని ధర కూడా రూ. 2,500 లోపు బడ్జెట్ లోనే అందుబాటులో ఉంటుంది.

2.టీపీ-లింక్ టాపో సిరీస్ (TP-Link Tapo Smart Camera):
నెట్‌వర్కింగ్ రంగంలో గ్లోబల్ బ్రాండ్ అయిన టీపీ-లింక్ నుంచి వచ్చిన ‘టాపో’ (Tapo) సిరీస్ కెమెరాలు ప్రస్తుతం ఆన్‌లైన్‌లో విపరీతంగా అమ్ముడవుతున్నాయి. ఈ కెమెరా ప్రధాన ప్రత్యేకత ఏంటంటే ఇందులో ఉండే అడ్వాన్స్డ్ నైట్ విజన్ (Night Vision) ఫీచర్. చీకటి పడిన తర్వాత కూడా ఇది చాలా క్లియర్ గా రికార్డ్ చేస్తుంది. దీని యాప్ ఇంటర్‌ఫేస్ చాలా స్మూత్‌గా ఉంటుంది. ఇందులో ‘మోషన్ డిటెక్షన్’ ఫీచర్ ఉంది. అంటే ఇంట్లో ఏదైనా కదలిక జరిగితే చాలు వెంటనే మీ మొబైల్‌కు మెసేజ్ పంపిస్తుంది. అలాగే ఇందులో ప్రైవసీ మోడ్ కూడా ఉంటుంది. అంటే మీరు ఇంట్లో ఉన్నప్పుడు రికార్డింగ్‌ను మొబైల్ నుంచే తాత్కాలికంగా ఆపేయవచ్చు. దీని బేసిక్ మోడల్ ధర రూ. 2,000 నుంచి ప్రారంభమవుతుంది.

3.సీపీ ప్లస్ ఈజీకామ్ (CP Plus Ezykam):
మనదేశంలో ప్రొఫెషనల్ సెక్యూరిటీ రంగంలో సీపీ ప్లస్ (CP Plus) నంబర్ వన్ బ్రాండ్ గా ఉంది. ఈ కెమెరాను చాలా సులభంగా గోడకు లేదా సీలింగ్‌కు తగిలించుకోవచ్చు. దీని ‘ఈజీకామ్’ మొబైల్ యాప్ ద్వారా ఒకేసారి మీ ఇంట్లో ఉన్న రెండు మూడు కెమెరాల లైవ్ స్క్రీన్‌లను ఒకే ఫోన్ లో చూసుకోవచ్చు. ఇందులో మెమరీ కార్డ్ వేసుకునే సదుపాయంతో పాటు, క్లౌడ్ స్టోరేజ్ ఆప్షన్ కూడా ఉంటుంది. అంటే దొంగలు ఒకవేళ కెమెరాను ఎత్తుకెళ్లినా, రికార్డింగ్ మొత్తం ఆన్‌లైన్ క్లౌడ్‌లో సేఫ్‌గా ఉంటుంది, దానిని మీరు మీ మొబైల్ ద్వారా ఎప్పుడైనా డౌన్‌లోడ్ చేసుకోవచ్చు.

కొనేముందు గుర్తుంచుకోవాల్సిన ముఖ్యమైన విషయాలు:
స్మార్ట్ సీసీ కెమెరా కొనేటప్పుడు కొన్ని పరిమితులు కూడా తెలుసుకోవాలి. ఈ వైఫై కెమెరాలు నిరంతరం పనిచేయాలంటే ఇంట్లో ఇంటర్నెట్ లేదా వైఫై కనెక్షన్ ఎప్పుడూ ఆన్ లో ఉండాలి. ఒకవేళ పవర్ పోయినా లేదా వైఫై ఆగిపోయినా లైవ్ మొబైల్ కనెక్టివిటీ పనిచేయదు. కేవలం మెమరీ కార్డులో మాత్రమే రికార్డ్ అవుతుంది. కాబట్టి మీ ఇంట్లో పవర్ బ్యాకప్ లేదా ఇన్వర్టర్ ఉంటే ఇవి 24 గంటలూ అద్భుతంగా సేఫ్టీని అందిస్తాయి.