Summer Tips: ప్రస్తుత రోజుల్లో సీలింగ్ ఫ్యాన్ లేని ఇల్లు ఉండదంటే ఎలాంటి అతిశయోక్తి ఉండదు. ఈ సీలింగ్ ఫ్యాన్స్.. 365 రోజుల పాటు నిరంతరాయంగా పనిచేస్తూ చెమట పట్టకుండా చూసుకుంటాయి. అయితే వేసవిలో ఫ్యాన్స్ వినియోగం చాలా ఇబ్బందిగా ఉంటుంది. బయట ఉండే అధిక వేడి కారణంగా.. ఫ్యాన్ గాలి సైతం వడగాలిని తలపిస్తుంటుంది. తద్వారా ఇంటిని హీటెక్కిస్తుంది. అయితే ‘క్రాస్-వెంటిలేషన్ ట్రిక్’ (Cross-ventilation trick) ద్వారా ఏసీ లేకపోయినా ఫ్యాన్ గాలిని ఆహ్లాదకరంగా మార్చుకోవచ్చని నిపుణులు సూచిస్తున్నారు. తద్వారా ఇంటిలోని వేడిని తగ్గించుకోని కూల్ గా ఉండొచ్చని హితవు పలుకుతున్నారు. ఇంతకీ ఆ టిప్స్ ఏంటో ఇప్పుడు చూద్దాం.
సాధారణంగా చాలామంది ఫ్యాన్ గాలి తమ మీద పడేలా గది లోపల మిడిల్ లో పెట్టుకుంటారు. అయితే వేసవిలో ఉండే వేడిని బయటకు పంపాలంటే ఇది సరిపోదు. ఒకవేళ గదిలో రెండు కిటికీలు ఉన్నట్లయితే ఒక కిటికీ వద్ద ఫ్యాన్‌ను బయటి వైపునకు గాలి పంపేలా ఫిక్స్ చేయండి. ఇది గదిలోని వేడి గాలిని బయటకు పంపుతుంది. రెండవ కిటికీని తెరిచి ఉంచడం వల్ల అక్కడ నుంచి చల్లని గాలి సహజంగానే గదిలోపలికి ప్రవేశించి అహ్లాదకరంగా మార్చేస్తుంది.
అయితే గదిలోని వేడిని త్వరగా బయటకు పంపడానికి ఫ్యాన్‌ను కిటికీకి అతి దగ్గరగా కాకుండా 2 నుండి 5 అడుగుల దూరంలో ఉంచితే బెటర్. ఇలా చేయడం వల్ల గదిలోని అన్ని వైపుల ఉన్న వేడి గాలిని బయటకు పంపేందుకు అవకాశం ఏర్పడుతుంది. దీనిని బెర్నౌలీ సూత్రంగా చెబుతుంటారు.
సాధారణంగా వేడి గాలి ఎప్పుడూ పైకే వెళ్తుంది. కాబట్టి తక్కువ హైట్ లో ఉన్న కిటికీల వద్ద కంటే ఎక్కువ ఎత్తులో ఉన్న కిటికీల వద్ద ఫ్యాన్ ను అమర్చండి. ఫ్యాన్ ను బయటకి వెళ్లేలా పెట్టి.. కింద ఉన్న కిటికీలను తెరిచి ఉంచితే క్రాస్ వెంటిలేషన్ అద్భుతంగా జరుగుతుంది. తద్వారా గదిలో ఉక్కపోత, వేడి లేకుండా ఉంటుంది.
ఎండ తీవ్రంగా ఉన్న మధ్యాహ్న సమయంలో కిటికీలు మూసి ఉంచడం మంచిదని నిపుణులు సూచిస్తున్నారు. సాయంత్రం లేదా తెల్లవారుజామున బయట గాలి చల్లగా ఉన్నప్పుడు ఈ క్రాస్-వెంటిలేషన్ ట్రిక్ వాడితే ఇల్లు త్వరగా చల్లబడుతుందని స్పష్టం చేస్తున్నారు.
Also Read: వివాహేతర బంధం కోసం ఘాతుకం.. భర్తను సుపారీ ఇచ్చి చంపించిన భార్య!
క్రాస్ వెంటిలేషన్ తో పాటు గదిని చల్లగా ఉంచుకునేందుకు మరికొన్ని చిట్కాలు సైతం అద్భుతంగా పనిచేస్తాయి. ఉదాహరణకు ఇంట్లోని టేబుల్ ఫ్యాన్ ముందు ఒక గిన్నెలో ఐస్ ముక్కలు గానీ, చల్లని నీరు ఉంచితే అది గదిలోకి చల్లని గాలిని పంపుతుంది. మరోవైపు వేసవిలో సీలింగ్ ఫ్యాన్ యాంటీ-క్లాక్‌వైస్ (Counter-clockwise) దిశలో తిరిగేలా చూసుకోండి. ఇది గాలిని నేరుగా కిందికి నెట్టి చల్లదనాన్ని ఇస్తుంది.
Also Read: మొదలవ్వక ముందే శర్వానంద్, శ్రీను వైట్ల సినిమాకు ఎండ్ కార్డ్!.. కారణం ఇదే..
Share
ఓ పెద్ద సినిమా అవుట్పుట్ చూసుకున్న హీరో దర్శకుడిని తిట్టాడా?.. రీ షూట్ చేయాల్సిందేనా?
డీలిమిటేషన్పై కవిత వ్యాఖ్యలు.. రెండు బిల్లులు లింక్ వెనుక పెద్ద కుట్ర, మరోసారి ఉద్యమం తప్పదని హెచ్చరిక
