New Portable AC: చైనాకు చెందిన ప్రముఖ స్మార్ట్ హోమ్ గ్యాడ్జెట్స్ తయారీ సంస్థ డ్రీమ్ (Dreame).. వేసవి కాలాన్ని దృష్టిలో ఉంచుకుని సరికొత్త స్మార్ట్ పోర్టబుల్ ఎయిర్ కండీషనర్ ను లాంచ్ చేసింది. ‘డ్రీమ్ పీ-విండ్ 10’ (Dreame P-Wind10) పేరుతో ఐరోపా మార్కెట్లో విడుదల చేసింది. ప్రస్తుతం ఈ పోర్బబుల్ ఏసీ ఫీచర్లు.. వినియోగదారులను విశేషంగా ఆకట్టుకుంటున్నాయి. అతి త్వరలోనే భారత్ లోనూ ఇది అందుబాటులోకి వచ్చే ఛాన్స్ ఉన్న నేపథ్యంలో ఈ నయా ఏసీకి సంబంధించిన ప్రధాన ఫీచర్లు, ధర వివరాలేంటో ఇప్పుడు చూద్దాం.
‘డ్రీమ్ పీ-విండ్ 10’ పోర్టబుల్ ఏసీలో 3D స్టైల్ గాలి ప్రవాహాన్ని అందించారు. ఇది మిగతావాటితో పోలిస్తే వేగంగా గదిని చల్లబరుస్తుందని కంపెనీ వర్గాలు తెలిపాయి. మరోవైపు దీనిని 3 ఇన్ 1 ఫంక్షన్ తో పనిచేసే విధంగా రూపొందించారు. ఇది కూలింగ్ ఇవ్వడం మాత్రమే కాకుండా గదిలోని తేమను తగ్గించడం (డీహ్యూమిడిఫైయర్), ఫ్యాన్గా పనిచేయడం వంటివి చేస్తుంది. మెుత్తం రెండు వేరియంట్లలో ఈ పోర్టబుల్ ఏసీ అందుబాటులోకి వచ్చింది. 7,000 BTU, 9,000 BTU సామర్థ్యంతో ఇది లభించనుంది.
ఈ కదిలే ఏసీని.. వై-ఫై, రిమోట్ కంట్రోల్ వంటి ఫీచర్లతో తీసుకొచ్చారు. అంతేకాకుండా డ్రీమ్ యాప్ ను ఉపయోగించి స్మార్ట్ ఫోన్ ద్వారా కూడా ఈ పోర్టబుల్ ఏసీని కంట్రోల్ చేయెుచ్చు. రాత్రిళ్లు పడుకునే ముందు టైమర్ సెట్ చేయడం, స్లీప్ మోడ్ కి మార్చడం వంటివి ఈ యాప్ ను ఉపయోగించి సులభంగా చేయవచ్చు.
‘డ్రీమ్ పీ-విండ్ 10’ పోర్టబుల్ ఏసీని ఒక గది నుంచి మరో గదికి తేలిగ్గా తరలించవచ్చు. తద్వారా ఇంట్లోని ప్రతీమూలను కూలింగ్ తో నింపేయవచ్చని కంపెనీ వర్గాలు పేర్కొంటున్నాయి. ఇందుకు వీలుగా అడుగు భాగంలో చక్రాలను అమర్చారు. దీని సైజ్ కూడా చిన్నదే కావడం వల్ల.. తేలిగ్గా ఇంట్లోని గదుల్లోకి మార్చుకోవచ్చు. అంతేకాకుండా దీనికి అమర్చిన ఎల్ఈడీ స్క్రీన్ ను ఉపయోగించి.. నచ్చిన మోడ్స్ లో కూలింగ్ ను సెట్ చేసుకోవచ్చు.
Also Read: BSNL FTTH: సరికొత్త పల్లె విఫ్లవం.. ఏకంగా 79 వేల గ్రామాల్లో.. ఇంటర్నెట్ సేవలు ప్రారంభం!
ప్రస్తుతానికి ఈ మోడల్ ఐరోపా మార్కెట్లో మాత్రమే అందుబాటులో ఉంది. డ్రీమ్ కంపెనీ ఈ పోర్టబుల్ ఏసీ ధరను వేరియంట్ల ఆధారంగా నిర్ణయించింది. 7,000 BTU ధర సుమారు 359 యూరోలు. అంటే భారత కరెన్సీ ప్రకారం ఇది రూ.32,000కు సమానం. మరోవైపు 9,000 BTU ప్రీమియం మోడల్ ను 399 యూరోలకు (సుమారు రూ.35,000) విక్రయిస్తోంది. అయితే భారత్ లో ఈ పోర్టబుల్ ఏసీని ఎప్పుడు లాంచ్ చేస్తారన్న దానిపై డ్రీమ్ కంపెనీ ఎలాంటి అధికారిక ప్రకటన చేయలేదు. అయితే అతి త్వరలోనే దీనిని అందుబాటులోకి తీసుకొచ్చే ఛాన్స్ ఉందని నిపుణులు అంచనా వేస్తున్నారు.
Also Read: జియో ఆర్థిక లెక్కలు విడుదల.. కస్టమర్ల సంఖ్య, డేటా వినియోగం, సగటు ఆదాయం.. చూస్తే మతిపోవాల్సిందే!
Share
Priyanka Jawalkar: క్యూట్ ఎక్స్ప్రెషన్స్ తో ప్రియాంక కొత్త ఫోటోలు.. నేను మంచి అమ్మాయిని అంటూ!
Amaravati: ప్రజల కంటే అమరావతికే ప్రయార్టీ.. కష్టాలు పట్టించుకోకుంటే గుణపాఠం తప్పదని షర్మిల హెచ్చరిక
