Electricity Bill Tips: విద్యుత్ వినియోగాన్ని ఎంత పొదుపుగా వాడినా.. నెలాఖరులో వచ్చే కరెంట్ బిల్లును చూసి కొన్నిసార్లు షాక్ అవుతుంటాం. ఆ సమయంలో అదేంటి కరెంట్ ఎక్కువగా వాడకపోయినా బిల్లు ఎక్కువగా వచ్చినట్టుందే అని కన్ఫ్యూజ్ అవుతుంటాం. అయితే మనం తెలియకుండా చేసే కొన్ని చిన్న చిన్న పొరపాట్లు నెల చివర్లో జేబుకు చిల్లు పెడుతున్నాయి. కేవలం ఫ్యాన్లు, లైట్లు వాడటమే కాకుండా ఇంట్లోని పరికరాల సామర్థ్యం, ఇంటి నిర్మాణం, మన అలవాట్లు కూడా బిల్లు పెరగడానికి ప్రధాన కారణమవుతాయి. ఈ నేపథ్యంలో విద్యుత్ బిల్లును అడ్డూఅదుపు లేకుండా పెంచే 6 మిస్టేక్స్ ఏంటో చూసేద్దాం.
చాలామంది టీవీ చూసిన తర్వాత రిమోట్తో మాత్రమే ఆఫ్ చేస్తారు. కానీ మెయిన్ స్విచ్ ఆపడం మర్చిపోతుంటారు. ఇలా చేయడం వల్ల ఆ పరికరాలు స్టాండ్బై మోడ్లో ఉండి ఎంతో కొంత విద్యుత్ను వాడుకుంటూ ఉంటాయి. దీనినే ఫాంటమ్ పవర్ అని కూడా పిలుస్తారు. ఛార్జర్లు, మైక్రోవేవ్ ఓవెన్లు, గేమింగ్ కన్సోల్లు ఇలా ప్లగ్లో ఉన్నప్పుడు మనకు తెలియకుండానే కరెంట్ను ఖర్చు చేస్తూ ఉంటాయి.
ఎప్పుడో పదేళ్ల క్రితమో లేదా 20 ఏళ్ల క్రితమో కొన్న రిఫ్రిజిరేటర్లు, వాషింగ్ మెషీన్లు ఇంకా వాడటం వల్ల విద్యుత్ వినియోగం విపరీతంగా పెరుగుతుంది. పాత మోడల్ యంత్రాలు పనిచేయడానికి ఎక్కువ కరెంటును తీసుకుంటాయి. ప్రస్తుతం మార్కెట్లోకి వస్తున్న స్టార్ రేటింగ్ ఉన్న అత్యాధునిక పరికరాలు తక్కువ విద్యుత్తో ఎక్కువ పనితీరును అందిస్తాయి. పాతబడిన వాటిని మార్చుకోవడం వల్ల దీర్ఘకాలంలో ఆర్థికంగా లాభం ఉంటుంది.
Also Read: బడ్జెట్ ధరే కానీ ఫీచర్లు మాత్రం నెక్ట్స్ లెవల్.. త్వరలో లాంచ్ కానున్న టాప్-5 ల్యాప్టాప్స్!
ఇంటి కిటికీలు, తలుపుల సందుల నుండి బయటి గాలి లోపలికి రావడం వల్ల ఏసీ, హీటర్ల మీద ఒత్తిడి పెరుగుతుంది. గది ఉష్ణోగ్రతను కాపాడటానికి ఈ మిషన్లు ఎక్కువ సమయం రన్ అవ్వాల్సి ఉంటుంది. దీంతో కరెంట్ బిల్లు ఊహించని విధంగా పెరుగుతుంది. అలాగే ఇంటి పైకప్పు, గోడలకు మంచి ఇన్సులేషన్ ఉంటే, గదిలోని కూలింగ్ బయటకు పోకుండా ఉంటుంది. దీంతో విద్యుత్ కూడా ఆదా అవుతుంది.
సాధారణ ఇన్కాన్డెసెంట్ బల్బులు వెలుతురు కంటే వేడిని ఎక్కువగా ఉత్పత్తి చేస్తాయి. ఇవి ఎక్కువ విద్యుత్ను తీసుకుంటాయి. వాటి స్థానంలో ఎల్ఈడీ బల్బులను వాడటం వల్ల వెలుతురు పెరగడమే కాకుండా బిల్లు గణనీయంగా తగ్గుతుంది. అలాగే గదిలో ఎవరూ లేనప్పుడు లైట్లు, ఫ్యాన్లు ఆపకపోవడం వంటి చిన్నపాటి నిర్లక్ష్యం కూడా నెలవారీ ఖర్చును పెంచుతుంది.
ఏసీలు, కూలర్లలో ఉండే ఎయిర్ ఫిల్టర్లు దుమ్ముతో నిండిపోయినప్పుడు గాలి ప్రసరణ సరిగ్గా జరగదు. దీనివల్ల ఆ యంత్రాలు గదిని చల్లబరచడానికి ఎక్కువ శక్తిని ఉపయోగిస్తాయి. ఇది విద్యుత్ వినియోగాన్ని పెంచడమే కాకుండా యంత్రాలు త్వరగా పాడయ్యేలా చేస్తుంది. అందుకే ఫిల్టర్లను క్రమం తప్పకుండా శుభ్రం చేసుకోవడం ద్వారా ఏసీ పనితీరును మెరుగుపరచుకోవచ్చు.
కొన్నిసార్లు వైరింగ్లో లీకేజీ ఉండటం వల్ల కూడా విద్యుత్ వృథా అవుతుంది. అలాగే నాసిరకం ఎలక్ట్రికల్ పరికరాలు వాడటం వల్ల షార్ట్ సర్క్యూట్లు జరిగే అవకాశం ఉంది. తరచూ అకస్మాత్తుగా బిల్లు పెరుగుతున్నట్లయితే ఒకసారి ఎలక్ట్రీషియన్తో వైరింగ్ను తనిఖీ చేయించుకోవడం మంచిది.
Also Read: ఈ సింపుల్ ట్రిక్స్తో.. మూలనపడ్డ పాత మొబైల్ను 5 రకాలుగా వాడుకోవచ్చు!
Share
Mohini Mudra:ఆత్మవిశ్వాసం పాతాళంలో ఉందా? మోహిని ముద్రతో శిఖరానికి చేరండి!
BJP Nizamabad Meeting: సౌమ్యం.. స్పీడ్ కలిస్తే తిరుగుండదు.. తెలంగాణలో బీజేపీని అధికారంలోకి తీసుకొచ్చే బాధ్యత మాదే.. ఎంపీ అరవింద్
