గూగుల్ డ్రైవ్‌లో ఫైళ్లు వెతకలేక విసుగొస్తుందా? ఈ సూపర్ ట్రిక్స్ వాడితే క్షణాల్లో పని పూర్తి!

Google Drive Hacks: నేటి డిజిటల్ లైఫ్‌లో డాక్యుమెంట్లు, ఫొటోలు, వర్క్ ఫైళ్లను భద్రపరుచుకోవడానికి గూగుల్ డ్రైవ్ మనందరికీ చాలా ఉపయోగపడుతుంది. అయితే, రోజూ ఏదో ఒక ఫైల్ సేవ్ చేస్తూ పోతే కొద్దిరోజులకే డ్రైవ్ మొత్తం ఏది ఎక్కడుందో తెలియని అయోమయంగా మారిపోతుంది. అవసరమైన సమయంలో సరైన ఫైల్ వెతకాలంటే చుక్కలు కనిపిస్తాయి. అందుకే మన గూగుల్ డ్రైవ్‌ను నీట్‌గా, సులభంగా నిర్వహించుకోవడానికి ఈ సింపుల్ చిట్కాలు ఉపయోగపడతాయి. అవేంటో ఇప్పుడు చూద్దాం.

స్పష్టమైన ఫోల్డర్ల నిర్మాణం:

ముందుగా పర్సనల్, ఆఫీస్ వర్క్, చదువు లేదా ప్రాజెక్ట్‌లకు విడివిడిగా మెయిన్ ఫోల్డర్లు క్రియేట్ చేసుకోండి. ఆ తర్వాతే అవసరాన్ని బట్టి సబ్ ఫోల్డర్లు పెడితే గందరగోళం ఉండదు. ప్రతి ఫైల్‌కు అర్థమయ్యే పేరు పెట్టడం వల్ల ఏ ఫైల్ ఎక్కడుందో త్వరగా గుర్తుపట్టవచ్చు. ఒక సరళమైన ఫోల్డర్ స్ట్రక్చర్ ఉంటే కొత్త ఫైళ్లను సేవ్ చేయడం, అవసరమైనప్పుడు వెతకడం చాలా సులభమవుతుంది.

కలర్ కోడింగ్ వాడటం:

గూగుల్ డ్రైవ్‌లో ఫోల్డర్లకు వేర్వేరు రంగులు కేటాయించే సదుపాయం ఉంది. వర్క్, ఫైనాన్స్, పర్సనల్ లేదా షేర్డ్ ఫోల్డర్లకు వేర్వేరు కలర్స్ ఇవ్వడం వల్ల కంటికి త్వరగా కనిపిస్తాయి. పెద్ద ఫోల్డర్ లిస్ట్‌లో స్క్రోల్ చేస్తూ సమయం వృథా చేసుకోకుండా.. రంగులను బట్టి మనకు కావలసిన ఫోల్డర్‌ను వెంటనే ఓపెన్ చేయవచ్చు.

Also Read: కన్నుల పండుగే.. ఏకంగా రూ.18,000 తగ్గింది, ఫ్లిప్‌కార్ట్‌లో రియల్‌మీ బంపర్ డిస్కౌంట్!

ముఖ్యమైన ఫైళ్లకు ‘స్టార్’ మార్క్:

రోజూ వాడే ఫైళ్లు, ఇంపార్టెంట్ రిపోర్టులు లేదా ప్రాజెక్ట్ షీట్లకు Star ఆప్షన్ ఉపయోగించండి. ఇలా స్టార్ చేసిన ఫైళ్లన్నీ డ్రైవ్‌లోని ప్రత్యేక విభాగంలో కనిపిస్తాయి. దీంతో ప్రతిసారీ ఫోల్డర్ల లోపలికి వెళ్లి వెతికే పని ఉండదు. నిత్యం వాడే ఫైళ్లను క్షణాల్లో ఓపెన్ చేయడానికి ఇది చాలా బాగా ఉపయోగపడుతుంది.

సెర్చ్ ఆప్షన్ ఉపయోగించడం:

గూగుల్ డ్రైవ్‌లోని సెర్చ్ బార్ చాలా శక్తివంతమైనది. ఫైల్ టైప్, ఓనర్ పేరు, కీవర్డ్స్ లేదా చివరగా ఎప్పుడు మార్పులు చేశారో సెలెక్ట్ చేసుకుని ఫైళ్లను వెతకవచ్చు. వేలాది ఫైళ్లు ఉన్నప్పుడు ఫోల్డర్లు వెతుక్కుంటూ వెళ్లేకంటే.. ఈ సెర్చ్ ఫిల్టర్లు వాడితే కావలసిన సమాచారం సెకన్లలో దొరుకుతుంది.

షేరింగ్ అనుమతుల సమీక్ష:

మీరు ఇతరులతో షేర్ చేసిన ఫైళ్లు, ఫోల్డర్లను ఎప్పటికప్పుడు చెక్ చేసుకుంటూ ఉండాలి. ఇకపై అవసరం లేని వారికి యాక్సెస్ తొలగించడం వల్ల సమాచారం సురక్షితంగా ఉంటుంది. దీనివల్ల అనుకోకుండా జరిగే మార్పులు, పొరపాట్లను అడ్డుకోవచ్చు. సెక్యూరిటీ పరంగా ఇది చాలా ముఖ్యమైన అడుగు.

అనవసర ఫైళ్ల తొలగింపు:

నెలకు ఒకసారైనా డ్రైవ్‌ను క్లీన్ చేసే అలవాటు చేసుకోండి. పాతవి, అవసరం లేనివి లేదా ఒకేలాంటి రెండు ఫైళ్లు ఉంటే డిలీట్ చేయండి. అలాగే ఎక్కువ స్పేస్ తీసుకునే ఫైళ్లను తీసివేసి Trashని ఖాళీ చేస్తే స్టోరేజ్ ఆదా అవుతుంది. డ్రైవ్ ఎప్పుడూ నీట్‌గా, వేగంగా పనిచేస్తుంది.

Also Read: ఐకూ నుంచి క్రేజీ కాంపాక్ట్ టాబ్లెట్.. నెక్ట్స్ జనరేషన్ చిప్‌సెట్‌తో ఎంట్రీ!