Free Gaming PlayStore| గేమింగ్ ఫ్యాన్స్‌ కు ఇప్పుడు ఒక గుడ్ న్యూస్. ముఖ్యంగా ఆండ్రాయిడ్ ఫోన్ యూజర్లు ఉచితంగా గేమ్స్ ఆడుకోవచ్చు. ఖరీదైన ప్రీమియం గేమ్‌లను ముందుగా డబ్బు చెల్లించకుండా ఆడుకోవచ్చు. గూగుల్ ప్లే స్టోర్ ఇందుకోసం కొత్త పవర్‌ఫుల్ ఫీచర్ తయారు చేస్తోంది. ఈ ఫీచర్‌తో యూజర్లు గేమ్ కొనుగోలు చేసే ముందు ఫ్రీగా ట్రై చేయవచ్చు. ఈ అప్‌డేట్ మొబైల్ గేమ్‌లు ఎంచుకోవడం, కొనుగోలు చేసే విధానాన్ని మార్చేస్తుంది. చాలా మంది గేమర్లు ఖరీదైన గేమ్‌లు కొనుగోలు చేయడానికి ఇబ్బంది పడతారు. వాళ్లు అవి ఆడకలేపోయినా.. లేదా ఆ గేమ్ ఆసక్తికరంగా లేకపోయినా తమ డబ్బు వృథా అవుతుందని భయపడతారు. గూగుల్ ఈ సమస్యకు శాశ్వత పరిష్కారం తీసుకువస్తోంది.
ఇప్పుడు గూగుల్ ప్లే స్టోర్‌లో ఫ్రీ, పెయిడ్ గేమ్‌లు అందుబాటులో ఉన్నాయి. పెయిడ్ గేమ్‌లకు డౌన్‌లోడ్ చేసే ముందు ఒక్కసారి డబ్బు చెల్లించాలి. కొనుగోలు చేసిన తర్వాత అన్ని మోడ్‌లు, క్యారెక్టర్లు అన్‌లాక్ అవుతాయి. ప్రస్తుతం పెయిడ్ గేమ్‌లను కొనుగోలు చేసే ముందు ట్రై చేయలేము. ప్రీమియం గేమ్‌లకు డెమో లేదా ట్రయల్ ఆప్షన్ లేదు. ఈ విధానం వల్ల చాలా మంది కొనుగోలు తర్వాత నిరాశ చెందుతారు. ప్లే స్టోర్ పాలసీల ప్రకారం.. రిఫండ్‌లు పరిమితం. చాలా మంది ఆడకపోయినా ఆ గేమ్‌లను అలాగే వృథాగా ఉంచుకుంటారు.
గూగుల్ ‘ట్రై బిఫోర్ యూ బై’ అనే కొత్త ఫీచర్‌ను అభివృద్ధి చేస్తోంది. ఈ ఫీచర్‌తో యూజర్లు పెయిడ్ గేమ్‌లను తాత్కాలికంగా ఉచితంగా ప్లే చేయవచ్చు. కొనుగోలు నిర్ణయం తీసుకునే ముందు పూర్తి గేమ్‌ప్లే టెస్ట్ చేయవచ్చు. ఫ్రీ ట్రయల్‌కు పరిమిత సమయం ఉంటుంది. గేమ్ డెవలపర్లు ట్రయల్ లెంగ్త్‌ను నిర్ణయించుకోవచ్చు. గేమ్ ఓపెన్ చేసిన వెంటనే టైమర్ మొదలవుతుంది. ట్రయల్ సమయంలో అన్ని ఫీచర్లు, మోడ్‌లు, క్యారెక్టర్లు అన్‌లాక్ అవుతాయి.
ఎలిజిబుల్ పెయిడ్ గేమ్‌లలో ట్రయల్ ఆప్షన్ కనిపిస్తుంది. పేమెంట్ డీటెయిల్స్ ఎంటర్ చేయకుండానే ఆడటం మొదలుపెట్టవచ్చు. గేమ్ లాంచ్ చేసిన వెంటనే కౌంట్‌డౌన్ ప్రారంభమవుతుంది. ట్రయల్ పీరియడ్ ముగిస్తే గేమ్ ఆటోమేటిక్‌గా ఆగిపోతుంది. కొనుగోలు చేయకపోతే కంటిన్యూ చేయలేము. ప్రొగ్రెస్ రీసెట్ అవ్వవచ్చు. డెవలపర్లకు ఫెయిర్ యూజ్ హామీ ఇస్తుంది. ఈ ఫీచర్ యూజర్లు సరైన గేమ్ ఎంచుకొని కొనుగోలు చేయడానికి ఉపయోగపడుతుంది. తప్పుడు గేమ్స్ కొనుగోలు నుంచి కాపాడుతుంది.
గేమర్లు డబ్బు ఖర్చు చేసే ముందు గేమ్‌ప్లే ఎక్స్‌పీరియన్స్ చేయవచ్చు. గ్రాఫిక్స్, కంట్రోల్స్, పెర్ఫార్మెన్స్‌ను స్వయంగా జడ్జ్ చేయవచ్చు. ఖరీదైన గేమ్‌ల కొనుగోలు తర్వాత రిగ్రెట్ తగ్గుతుంది. నిజంగా ఇష్టమైన గేమ్‌లలో మాత్రమే ఇన్వెస్ట్ చేయవచ్చు. డబ్బు ఆదా అవుతుంది, సంతృప్తి పెరుగుతుంది. గేమర్లు, డెవలపర్ల మధ్య ట్రస్ట్ పెరుగుతుంది. క్యాజువల్ ప్లేయర్లు కూడా హార్డ్‌కోర్ గేమర్ల మాదిరిగానే ప్రయోజనం పొందుతారు. గేమింగ్ కొనుగోలుపై మంచి కంట్రోల్ వస్తుంది.
Also Read: లింక్డ్‌ఇన్, నౌక్రీ వద్దు.. డేటింగ్ యాప్స్‌లో ఉద్యోగాలు వెతుకుతన్న యువత.. ఎందుకంటే
డెవలపర్లు ఈ ఫీచర్‌తో మరిన్ని జెన్యూన్ బైయర్లను పొందుతారు. ట్రయల్ ఇష్టపడిన ప్లేయర్లు కొనుగోలు చేసే అవకాశం ఎక్కువ. అన్‌మెట్ ఎక్స్‌పెక్టేషన్‌ల వల్ల నెగటివ్ రివ్యూలు తగ్గుతాయి. క్వాలిటీ గేమ్ డెవలప్‌మెంట్ ప్రమోట్ అవుతుంది. ఆకట్టుకునే గేమ్స్ మాత్రమే ట్రయల్‌ను పర్చేస్‌గా మారుస్తాయి.
గూగుల్ అధికారిక రిలీజ్ డేట్ ప్రకటించలేదు. ఫీచర్ ప్రస్తుతం డెవలప్‌మెంట్‌లో ఉంది. ప్లే స్టోర్ అప్‌డేట్‌ల ద్వారా క్రమంగా వస్తుంది. మొదట ఆండ్రాయిడ్ స్మార్ట్‌ఫోన్‌లలో పని చేస్తుంది. తర్వాత మరిన్ని ప్లాట్‌ఫామ్‌లకు విస్తరిస్తుంది.
గూగుల్ కొత్త ఫీచర్ మొబైల్ గేమింగ్ రంగంలో గేమ్ ఛేంజర్ గా మారే అవకాశం ఉంది. యూజర్లకు పవర్ ఇస్తూ స్మార్ట్ కొనుగోలు చేసేముందు సరైన నిర్ణయాలను ప్రోత్సహిస్తుంది. ఆండ్రాయిడ్ యూజర్లకు పెయిడ్ గేమింగ్ రిస్క్-ఫ్రీ అవుతుంది.
Share
Podarillu Today Episode : ప్రతాప్ నుంచి తప్పించుకున్న భూషణ్.. రౌడీల నుంచి తప్పించుకున్నారు మహా, చక్రి.. నెక్స్ట్ ట్విస్ట్..?
Ramya Pasupuleti : బీచ్ లో బికినీలో రచ్చ చేస్తున్న రమ్య.. బాబోయ్ అరాచకమే..
