HMD Vibe 2 5G: ప్రస్తుతం స్మార్ట్ఫోన్ మార్కెట్లో 5G ఫోన్లకు ఉన్న క్రేజ్ అంతా ఇంతా కాదు. అయితే తక్కువ ధరలో మంచి ఫీచర్లు ఉన్న 5G ఫోన్ కోసం చూస్తున్న వారికి HMD గ్లోబల్ ఒక తీపి కబురు చెప్పింది. తమ కొత్త బడ్జెట్ ఫ్రెండ్లీ స్మార్ట్ఫోన్ HMD Vibe 2 5Gని ఇండియన్ మార్కెట్లోకి విడుదల చేసేందుకు కంపెనీ సిద్ధమైంది. మే 21న లాంచ్ కానున్న ఈ ఫోన్ గురించి కొన్ని ఆసక్తికరమైన విషయాలు సోషల్ మీడియాలో చక్కర్లు కొడుతున్నాయి.
సాధారణంగా 5G స్మార్ట్ఫోన్ అంటే రూ.12 నుంచి రూ.15 వేలు ఉంటుందని అనుకుంటాం. కానీ ఈ ఫోన్ కేవలం రూ.8,999 ప్రారంభ ధరతో వచ్చే అవకాశం ఉంది. బేసిక్ వేరియంట్ (4GB+64GB) తక్కువ ధరకే లభిస్తుండగా, ఎక్కువ స్టోరేజ్ కావాలనుకునే వారి కోసం 128GB వేరియంట్ను కూడా కంపెనీ అందుబాటులోకి తెస్తోంది. తక్కువ బడ్జెట్లోనే లేటెస్ట్ టెక్నాలజీని సామాన్యులకు అందించాలనేది కంపెనీ ప్లాన్లా కనిపిస్తోంది.
బడ్జెట్ ఫోన్ అయినప్పటికీ దీని లుక్ విషయంలో ఎక్కడా రాజీ పడలేదు. 6.75 అంగుళాల పెద్ద స్క్రీన్తో పాటు, 120Hz రిఫ్రెష్ రేట్ను దీనిలో ఇస్తున్నారు. తద్వారా ఫోన్ వాడేటప్పుడు చాలా స్మూత్గా అనిపిస్తుంది. కాస్మిక్ లావెండర్, నార్డిక్ బ్లూ వంటి ఆకర్షణీయమైన రంగుల్లో ఈ ఫోన్ లభించనుంది. అంతేకాకుండా.. దీనికి ఉన్న ప్రీమియం కెమెరా మాడ్యూల్ ఫోన్కు రిచ్ లుక్ను ఇస్తుంది.
Also Read: ఏసీ వాడకంలో ఈ 5 మార్పులు చేసుకుంటే.. 30 శాతం వరకు విద్యుత్ ఆదా!
ఈ ఫోన్ ప్రధాన ఆకర్షణ దీనిలోని 6000mAh భారీ బ్యాటరీ. ఒక్కసారి ఛార్జ్ చేస్తే రెండు రోజుల పాటు నిశ్చింతగా వాడుకోవచ్చు. ఎక్కువగా వీడియోలు చూసే వారికి, రీల్స్ స్క్రోల్ చేసేవారికి ఈ ఫోన్ బాగా ఉపయోగపడుతుంది. దీనికి తోడు 18W ఫాస్ట్ ఛార్జింగ్ సదుపాయం కూడా ఉంది. కాబట్టి ప్రయాణాల్లో ఉన్నప్పుడు బ్యాటరీ అయిపోతుందనే భయం ఉండదు.
ఇక ఫొటోల విషయానికి వస్తే.. దీనిలో 50MP మెయిన్ కెమెరాను అమర్చారు. ఇది ఆర్టిఫిషియల్ ఇంటెలిజెన్స్ (AI) సాయంతో మంచి క్వాలిటీ ఫొటోలను తీయగలదు. ఇక సెల్ఫీల కోసం ముందు భాగంలో 8MP కెమెరా ఉంది. తక్కువ ధరలో మంచి కెమెరా ఫోన్ కావాలనుకునే విద్యార్థులకు, సాధారణ వినియోగదారులకు HMD Vibe 2 5G బెస్ట్ ఆప్షన్ అవుతుంది.
ఈ స్మార్ట్ఫోన్లో Unisoc T8200 5G ప్రాసెసర్ను వాడుతున్నారు. దీనివల్ల 5G నెట్వర్క్ వేగంగా అందుతుంది. అలాగే సాఫ్ట్వేర్ పరంగా ఇందులో క్లీన్ ఆండ్రాయిడ్ అనుభవం లభిస్తుంది. అనవసరమైన యాప్స్ లేకుండా ఫోన్ చాలా వేగంగా పనిచేస్తుంది. సెక్యూరిటీ కోసం సైడ్ ఫింగర్ ప్రింట్ సెన్సార్, దుమ్ము మరియు నీటి చినుకుల నుండి రక్షణ కోసం IP64 రేటింగ్ వంటి ఫీచర్లు ఇందులో ఉన్నాయి.
Also Read: ఏసీ ఆన్ చేసినప్పుడు ఫ్యాన్ కూడా వేస్తున్నారా? అయితే ఈ విషయం తప్పక తెలుసుకోవాల్సిందే!
Share
కల్మషం లేని రెండు మనసులను ‘దూరదర్శని’ ఎలా కలిపిందో తెలియాలంటే?.. ఫుల్ రివ్యూ.
ఫిలిం ఛాంబర్ లో హై-వోల్టేజ్ మీటింగ్....పెద్ది కి లైన్ క్లియర్ !
