Instagram Setting Tricks: ఇన్స్టా రీల్స్ వైరల్ అవ్వడానికి కేవలం మంచి కంటెంట్ ఉంటే సరిపోదు. కొన్ని టెక్నికల్ సెట్టింగ్స్ కూడా చాలా ముఖ్యం. ఈ రోజుల్లో ప్రతి ఒక్కరికీ ఇన్స్టాగ్రామ్ రీల్స్ చేసి వైరల్ అవ్వాలని, వేలల్లో వ్యూస్ సంపాదించాలని ఉంటుంది. చాలా మంది గంటల తరబడి కష్టపడి వీడియోలు చేస్తారు కానీ, అప్లోడ్ చేశాక కేవలం వందల్లోనే వ్యూస్ ఆగిపోతుంటాయి. దీనికి కారణం కంటెంట్ బాలేకపోవడం కాదు. మీరు ఇన్స్టాలో కొన్ని ముఖ్యమైన ‘సీక్రెట్ సెట్టింగ్స్’ మిస్ అవ్వడమే. సరైన సెట్టింగ్స్ గనక ఆన్ చేసుకుంటే.. మీ వీడియోను అల్గారిథం గుర్తించి ఎక్కువ మందికి రీచ్ అయ్యేలా చేస్తుంది. మీ రీల్స్ వైరల్ అవ్వడానికి పనికొచ్చే ఆ టాప్ సెట్టింగ్స్ ఏంటో ఇప్పుడు తెలుసుకుందాం.
ఇన్స్టా రీల్స్ వైరల్ అయ్యే సీక్రెట్ సెట్టింగ్స్:
మీరు వీడియో పోస్ట్ చేసే ముందు, చేసిన తర్వాత ఈ కింద చెప్పిన సెట్టింగ్స్ ఒకసారి చెక్ చేసుకోండి.
1. అప్లోడ్ ఎట్ హైయెస్ట్ క్వాలిటీ:
మీరు ఎంత మంచి ఫోన్లో వీడియో తీసినా.. ఇన్స్టా సెట్టింగ్స్లో ఈ ఆప్షన్ ఆన్ చేయకపోతే వీడియో క్వాలిటీ తగ్గిపోతుంది. మసకగా ఉన్న వీడియోలను అల్గారిథం ప్రమోట్ చేయదు.
ఎలా చేయాలి?: Settings and Privacy > Data Usage and Media Quality > Upload at highest quality అనే ఆప్షన్ని ఆన్ చేయండి. దీని వల్ల మీ వీడియో క్లారిటీగా, హెచ్డీ (HD)లో అప్లోడ్ అవుతుంది.
2. అడ్వాన్స్డ్ సెట్టింగ్స్ – టాపిక్స్ :
రీల్ అప్లోడ్ చేసే ముందు ‘Topics’ అనే ఆప్షన్ కనిపిస్తుంది. ఇది చాలా మంది స్కిప్ చేస్తారు. మీ వీడియో దేని గురించి (ఫ్యాషన్, టెక్నాలజీ, వ్లాగ్) అనేది ఇక్కడ సెలెక్ట్ చేస్తే.. ఇన్స్టా ఆ టాపిక్ ఇష్టపడే వాళ్లకే మీ వీడియోను చూపిస్తుంది.
చిట్కా: గరిష్టంగా 3 టాపిక్స్ని ఎంచుకోండి. ఇది మీ రీచ్ని అద్భుతంగా పెంచుతుంది.
3. ట్రెండింగ్ ఆడియో మార్క్:
రీల్స్ వైరల్ అవ్వడంలో మ్యూజిక్ కీలక పాత్ర పోషిస్తుంది. ఆడియో లైబ్రరీలో సాంగ్ పక్కన చిన్న ‘పైకి చూపిస్తున్న బాణం’ (↑) గుర్తు ఉంటే అది ట్రెండింగ్ అని అర్థం. అలాంటి ఆడియోలు వాడినప్పుడు మీ వీడియో వైరల్ అయ్యే ఛాన్స్ 80% పెరుగుతుంది.
4. లొకేషన్ ట్యాగింగ్:
మీరు ఏ ఊరిలో ఉన్నారో లేదా ఆ వీడియో ఏ ప్రాంతానికి చెందిందో లొకేషన్ యాడ్ చేయండి. దీని వల్ల ఆ లొకేషన్ చుట్టుపక్కల ఉన్న వాళ్లకు మీ రీల్స్ త్వరగా కనిపిస్తాయి. దీనిని ‘లోకల్ ఎక్స్పోజర్’ అంటారు.
5. ఒరిజినల్ ఆడియో సెట్టింగ్స్:
ఒకవేళ మీరు సొంతంగా మాట్లాడుతున్నట్లయితే.. ఆడియో సెట్టింగ్స్లో ‘Audio Enhancements’ ఆప్షన్ వాడుకోండి. ఇది బ్యాక్గ్రౌండ్ నాయిస్ని తగ్గించి మీ వాయిస్ స్పష్టంగా వినిపించేలా చేస్తుంది.
Also Read: పార్టీ అంటే పీక్స్ ఉండాలి! సోనోస్ స్పీకర్లతో మీ ఇల్లు డిస్కో క్లబ్ అవ్వడం గ్యారెంటీ!
వైరల్ అవ్వడానికి మరికొన్ని ప్రొఫెషనల్ టిప్స్:
సెట్టింగ్స్ మాత్రమే కాకుండా ఈ చిన్న ట్రిక్స్ కూడా పాటించండి.
క్యాప్షన్ & హ్యాష్ట్యాగ్స్ : ఎక్కువగా హ్యాష్ట్యాగ్స్ వాడకండి. 3 నుంచి 5 రిలెవెంట్ హ్యాష్ట్యాగ్స్ వాడితే సరిపోతుంది. క్యాప్షన్ మొదటి లైన్ చదవగానే క్లిక్ చేసేలా (Hook line) ఉండాలి.
కవర్ ఫోటో: వీడియో అప్లోడ్ చేసేటప్పుడు ఒక మంచి ఐ-క్యాచీ ఫ్రేమ్ను కవర్ ఫోటోగా పెట్టండి. ప్రొఫైల్ గ్రిడ్లో అది నీట్గా కనిపించేలా చూసుకోండి.
ఎడిటింగ్ హ్యాక్స్: వీడియో మొదటి 3 సెకన్లలోనే ఏదో ఒక ట్విస్ట్ లేదా ఆసక్తికరమైన విషయం ఉండాలి. లేదంటే యూజర్లు స్క్రోల్ చేసేస్తారు.
షెడ్యూలింగ్ : మీ ఫాలోవర్స్ ఏ టైమ్లో యాక్టివ్గా ఉన్నారో చెక్ చేసుకుని , ఆ టైమ్లో పోస్ట్ చేయండి.
ఇన్స్టా అల్గారిథం ఎప్పుడూ మారుతూనే ఉంటుంది. కానీ పైన చెప్పిన ‘హై క్వాలిటీ అప్లోడ్’, ‘టాపిక్స్ ఎంపిక’ వంటి సెట్టింగ్స్ మాత్రం ఎప్పుడూ ప్రాథమికమైనవే. గుర్తుంచుకోండి. సెట్టింగ్స్ మీ వీడియోకు దారి చూపిస్తాయి. కానీ మీ కంటెంట్ మాత్రమే ఆ వీడియోను వైరల్ చేస్తుంది. కాబట్టి క్వాలిటీతో పాటు క్రియేటివిటీని కూడా యాడ్ చేయండి.
Share
Lavanya Tripathi: మొదటి సారి వరుణ్ ను చూడగానే లావణ్య ఫీలింగ్ ..పడిపోయానంటూ!
Iran Permission: దౌత్యం ఫలించింది.. ఇరాన్ గ్రీన్ సిగ్నల్, ఇండియా షిప్లకు అనుమతి
