iPhone 17 Pro Offer: ఆపిల్ లవర్స్‌కు బంపర్ ఆఫర్.. ఐఫోన్ 17 ప్రోపై రూ. 49,500 వరకు ఎక్స్‌ఛేంజ్ బోనస్

iPhone 17 Pro Offer: ఐఫోన్ అనగానే ప్రీమియం ఫోన్ అనుభూతి గుర్తుకు వస్తుంది. డిజైన్, స్పీడ్, కెమెరా క్వాలిటీ విషయంలో ఆపిల్ ఎప్పటికప్పుడు కొత్త స్టాండర్డ్ సెట్ చేస్తూ వస్తోంది. అదే వరుసలో ఐఫోన్ 17 ప్రో కూడా టాప్ లెవల్ ఫీచర్లతో మార్కెట్‌లోకి వచ్చింది. సాధారణంగా ఐఫోన్ అంటే ధర ఎక్కువ అనే భావన ఉంటుంది. అయితే ప్రస్తుతం అమెజాన్‌లో అందుబాటులో ఉన్న ఆఫర్ వల్ల ఈ ప్రీమియం ఫోన్‌ను తక్కువ ధరకు కొనుగోలు చేసే అవకాశం కనిపిస్తోంది. అందుకే ఇప్పుడు ఐఫోన్ 17 ప్రోపై ఆసక్తి పెరుగుతోంది.

ధర ఆఫర్ వివరాలు

ఐఫోన్ 17 ప్రో 256జిబి వేరియంట్ అసలు ధర రూపాయలు 1,34,900. అమెజాన్ ఎక్స్చేంజ్ ప్రోగ్రామ్ ద్వారా పాత ఫోన్ ఇచ్చే వినియోగదారులకు మంచి డిస్కౌంట్ లభిస్తోంది. పాత ఫోన్ మోడల్, కండిషన్, డెలివరీ పిన్‌కోడ్ ఆధారంగా ఎక్స్చేంజ్ విలువ నిర్ణయిస్తారు. కొన్ని సందర్భాల్లో ఈ బోనస్ రూపాయలు 49,500 వరకు చేరుతోంది. ఈ ఆఫర్లు అన్నీ కలిపితే ఐఫోన్ 17 ప్రోను కేవలం రూపాయలు 85,500కే కొనుగోలు చేసే అవకాశం ఉంది. ఇంత తక్కువ ధరకు ప్రీమియం ఐఫోన్ దొరకడం చాలా అరుదైన విషయం.

స్లిమ్ ఫ్రేమ్‌ డిజైన్

ఐఫోన్ 17 ప్రో డిజైన్ చూస్తే వెంటనే ప్రీమియం ఫీల్ తెలుస్తుంది. ఆపిల్ ఈ ఫోన్‌లో కాంపాక్ట్ సైజ్‌ను కొనసాగిస్తూ స్లిమ్ ఫ్రేమ్‌ను అందించింది. మెటల్ ఫ్రేమ్‌తో పాటు గ్లాస్ బ్యాక్ కలయిక వల్ల చేతిలో పట్టుకున్నప్పుడు ప్రీమియం అనుభూతి వస్తుంది. ఎడ్జెస్ మృదువుగా ఉండటంతో ఎక్కువ రోజులు ఉపయోగించినా సమస్య ఉండదు. కెమెరా మాడ్యూల్ డిజైన్ కూడా క్లీన్గా ఉండి, ఫోన్ మొత్తం లుక్‌ను బ్యాలెన్స్ చేస్తుంది. చిన్న సైజ్ ఫోన్ ఇష్టపడేవారికి ఇది చాలా ఆకర్షణీయంగా కనిపిస్తుంది. మొత్తంగా ఐఫోన్ 17 ప్రో డిజైన్ స్టైలిష్‌గా ఉండటంతో పాటు డైలీ యూజ్‌కు ప్రాక్టికల్‌గా అనిపిస్తుంది.

Also Read: UPI Offline: ఇంటర్నెట్ లేకపోయినా యూపీఐ పేమెంట్.. జస్ట్ ఇలా *99# డయల్ చేస్తే చాలు

డిస్‌ప్లే అనుభూతి

ఈ ఫోన్‌లో 6.3 ఇంచుల సూపర్ రెటినా ఎక్స్‌డిఆర్ ఓఎల్‌ఈడీ (XDR OLED) డిస్‌ప్లే ఉంది. హెచ్‌డిఆర్ 10 సపోర్ట్ ఉండటం వల్ల వీడియోలు, ఫోటోలు చాలా షార్ప్‌గా కనిపిస్తాయి. బయట ఎండలో కూడా స్క్రీన్ స్పష్టంగా కనిపించేలా 3000 నిట్స్ పీక్ బ్రైట్‌నెస్ అందించారు. 120Hz రిఫ్రెష్ రేట్ వల్ల స్క్రోలింగ్ అనుభూతి చాలా స్మూత్‌గా ఉంటుంది. ఓలియోఫోబిక్ కోటింగ్ ఉండటం వల్ల ఫింగర్ ప్రింట్స్ ఎక్కువగా కనిపించవు. కాంపాక్ట్ సైజ్ ఇష్టపడే వారికి ఈ డిస్‌ప్లే బాగా నచ్చుతుంది.

ప్రాసెసర్ స్పీడ్

ఐఫోన్ 17 ప్రోలో A19 ప్రో బయానిక్ చిప్‌సెట్ ఉపయోగించారు. ఇది టిఎస్ఎంసి తయారు చేసిన 3nm ఫ్యాబ్రికేషన్ ప్రాసెస్‌పై ఆధారపడింది. 6 కోర్ల ప్రాసెసర్‌లో 2 పెర్ఫార్మెన్స్ కోర్లు, 4 ఎఫిషియెన్సీ కోర్లు ఉన్నాయి. 8జిబి ర్యామ్ ఉండటం వల్ల మల్టీ టాస్కింగ్ చాలా ఈజీగా జరుగుతుంది. 256జిబి స్టోరేజ్ ఆప్షన్‌తో పాటు 512జిబి వేరియంట్ కూడా అందుబాటులో ఉంది. గేమింగ్, వీడియో ఎడిటింగ్, డైలీ యూజ్ అన్నిటిలో ఈ ఫోన్ స్థిరమైన స్పీడ్ ఇస్తుంది.

కెమెరా సామర్థ్యం

ఈ ఫోన్‌లో ట్రిపుల్ కెమెరా సెటప్ ఉంది. 48ఎంపి ప్రైమరీ సెన్సార్, 48ఎంపి అల్ట్రా వైడ్ సెన్సార్, 48ఎంపి టెలిఫోటో సెన్సార్ ఇందులో భాగం. అల్ట్రా వైడ్ కెమెరాతో 8x ఆప్టికల్ జూమ్ లభించడం ప్రత్యేక ఆకర్షణ. డే లైట్ ఫోటోలు చాలా నేచురల్‌గా వస్తాయి. లో లైట్ పరిస్థితుల్లో కూడా డీటెయిల్స్ బాగా క్యాప్చర్ అవుతాయి. సెల్ఫీల కోసం 18ఎంపి ఫ్రంట్ కెమెరా ఇచ్చారు. వీడియో రికార్డింగ్ విషయంలో కూడా ఈ ఫోన్ స్టేబుల్ అవుట్‌పుట్ ఇస్తుంది. ప్రస్తుతం ఉన్న ఆఫర్ మిస్ కాకుండా చూసుకోవడం మంచిదనే చెప్పాలి.