iQOO Pad 6 Pro: ప్రీమియం ట్యాబ్లెట్ ప్రియుల కోసం ప్రముఖ సంస్థ iQOO సరికొత్త ‘ఐకూ ప్యాడ్ 6 ప్రో’ను చైనా మార్కెట్లో విడుదల చేసింది. గేమింగ్, వినోదం, ఆఫీస్ పనులకు సరిపోయేలా అధునాతన ఫీచర్లతో దీనిని తీసుకొచ్చారు. ఈ నేపథ్యంలో ఈ సరికొత్త ఐకూ ప్యాడ్ 6 ప్రో ధర ఎంత? ఫీచర్లు ఏమిటి? ఎక్కడ కొనుగోలు చేయాలి.. వంటి వివరాలను తెలుసుకుందాం.
ఈ ట్యాబ్లెట్లో అన్నింటికంటే ముఖ్యమైనది దీని స్క్రీన్. దీనిలో 13.2 అంగుళాల భారీ 4K ఎల్సీడీ డిస్ప్లేను అందించారు. ఇది 144Hz రీఫ్రెష్ రేట్, 1200 నిట్స్ బ్రైట్నెస్తో వస్తుంది. అందువల్ల ఎండలో చూసినా స్క్రీన్ మీద అక్షరాలు క్లారిటీగా కనిపిస్తుంది. వీడియోలు చూడటానికి, గేమింగ్ ఆడుకోవడానికి ఈ స్క్రీన్ అద్భుతంగా సెట్ అవుతుంది.
ఈ డివైజ్ క్వాల్కమ్ స్నాప్డ్రాగన్ 8 ఎలైట్ జెన్ 5 ప్రొసెసర్తో పనిచేస్తుంది. దీనిలో 16GB వరకు RAM, 512GB వరకు స్టోరేజ్ ఆప్షన్లు ఉన్నాయి. యాండ్రాయిడ్ 16 ఆధారిత సాఫ్ట్వేర్తో నడిచే ఈ ట్యాబ్లెట్లో ఎంత భారీ యాప్స్ వాడినా, మల్టీటాస్కింగ్ చేసినా అస్సలు హ్యాంగ్ అవ్వదు. అలాగే ట్యాబ్ వేడెక్కకుండా ప్రత్యేక త్రీడీ కూలింగ్ సిస్టమ్ కూడా అమర్చారు.
Also Read: వాట్సప్లో క్రేజీ ప్రైవసీ ఫీచర్.. ఇక మెసేజ్ చదవగానే మాయం!
చాలా సన్నని డిజైన్తో ప్రీమియం లుక్లో ఉండే ఈ ట్యాబ్లో ఎనిమిది స్పీకర్ల పనోరమిక్ ఆడియో సిస్టమ్ను పెట్టారు. ఇది మంచి థియేటర్ ఫీలింగ్ను ఇస్తుంది. ఇక కెమెరాల విషయానికొస్తే.. ఆఫీస్ డాక్యుమెంట్లు స్కాన్ చేసుకోవడానికి వెనుక వైపు 13MP కెమెరా, ఆన్లైన్ మీటింగ్ల కోసం ముందు భాగంలో 8MP కెమెరా ఇచ్చారు.
ఛార్జింగ్ త్వరగా అయిపోతుందనే భయం లేకుండా ఈ ట్యాబ్లో ఏకంగా 13000mAh భారీ బ్యాటరీని అమర్చారు. ఇది టైప్-సి ఫాస్ట్ ఛార్జింగ్ను సపోర్ట్ చేస్తుంది. గ్రే క్రిస్టల్, సిల్వర్వింగ్ వంటి ఆకర్షణీయమైన రంగుల్లో లభించే ఈ ట్యాబ్లెట్ ప్రారంభ ధర సుమారు రూ64,000గా ఉంది. టాప్ ఎండ్ మోడల్ ధర దాదాపు రూ.95,000 వరకు ఉంటుంది.
Also Read: వామ్మో.. రూ.63 వేలా? సోనీ కొత్త యానివర్సరీ హెడ్ఫోన్స్లో అంత స్పెషల్ ఏముందో చూసేద్దామా!
Share
ఆయుష్షును దొంగిలించే రాక్షసుడు... 'స్ట్రేంజర్ థింగ్స్' రేంజ్ లో అదరగొడుతున్న సిరీస్ తెలుగులోనూ స్ట్రీమింగ్
వడ్డే నవీన్ ఈజ్ బ్యాక్.. 10 ఏళ్లలో 55 ట్రాన్స్ఫర్లు.. ‘ట్రాన్స్ఫర్ త్రిమూర్తులు’ టీజర్ అరాచకం!
