Nothing Phone 4a: టెక్ ప్రియులు ఎక్కువగా ఇష్టపడే ప్రముఖ స్మార్ట్ఫోన్ బ్రాండ్లలో నథింగ్ కూడా ఒకటి. ముఖ్యంగా ఆ కంపెనీకి గుర్తింపు తెచ్చిన ట్రాన్స్పరెంట్ డిజైన్ను Nothing Phone 4a సిరీస్లో Proలో సరికొత్తగా ఆవిష్కరిస్తున్నారు. 6.7 అంగుళాల అమోలెడ్ డిస్ప్లేతో రానున్న ఈ ఫోన్.. 120Hz రిఫ్రెష్ రేట్ వల్ల విజువల్స్ పరంగా చాలా స్మూత్గా అనిపిస్తుంది. యువతను దృష్టిలో పెట్టుకుని గ్లిఫ్ ఇంటర్ఫేస్ లైటింగ్లో చేసిన మార్పులు ఫోన్కు మరింత ప్రీమియం లుక్ను ఇస్తాయి. కేవలం మెరిసే లైట్లు మాత్రమే కాకుండా, నోటిఫికేషన్లు, కాల్స్ వచ్చినప్పుడు ఇవి ఇచ్చే ఎఫెక్ట్స్ యూజర్లకు విభిన్న అనుభూతిని కలిగిస్తాయి.
ఈ ఫోన్ స్పీడ్ విషయంలో నథింగ్ తగ్గేదే లే అంటుంది. ఇది నథింగ్ ప్రో మోడల్ కాబట్టి.. మీడియాటెక్ లేదా స్నాప్డ్రాగన్ యొక్క శక్తివంతమైన చిప్సెట్ను వాడనున్నట్లు తెలుస్తోంది. 8GB, 12GB RAM ఆప్షన్లు ఉండటం వల్ల ఎక్కువగా గేమ్స్ ఆడే వారికి లేదా మల్టీటాస్కింగ్ చేసే వారికి ఈ ఫోన్ బాగా సెట్ అవుతుంది. అన్నిటి కంటే.. ముఖ్యంగా నథింగ్ ఓఎస్ ఇచ్చే క్లీన్ సాఫ్ట్వేర్ అనుభవం ఆండ్రాయిడ్ ప్రియులను ఆకట్టుకుంటుంది. అనవసరమైన యాప్స్ లేకుండా ఫోన్ చాలా వేగంగా స్పందిస్తుంది.
Also Read: మొబైల్ మార్కెట్ షేకైపోద్ది.. ఈ వారం లాంచయ్యే ఐఫోన్ 17e, పిక్సెల్ 10a ఫీచర్లివే!
ఈ Nothing Phone 4aలో 50MP మెయిన్ సెన్సార్తో కూడిన డ్యూయల్ కెమెరా సెటప్ అద్భుతమైన అవుట్పుట్ ఇస్తుందని అంచనా. తక్కువ వెలుతురులో కూడా స్పష్టమైన ఫొటోలు తీయడంతో పాటు, ఏఐ ఫీచర్ల సాయంతో వాటిని ప్రొఫెషనల్గా ఎడిట్ చేసుకోవచ్చు. అలాగే, 5000mAh భారీ బ్యాటరీ ఉండటతో ఫోన్ను రోజంతా వాడుకోవచ్చు. దీనికి తోడు ఫాస్ట్ ఛార్జింగ్, వైర్లెస్ ఛార్జింగ్ సదుపాయాలు ఉండటం మరో ఆకర్షణ అనే చెప్పాలి.
భారత మార్కెట్లో ఈ ఫోన్ ధర సుమారు రూ.25,000 నుండి రూ.35,000 మధ్య విడుదలయ్యే అవకాశం ఉంది. ఈ బడ్జెట్లో ఫ్లాగ్షిప్ ఫీచర్లు కోరుకునే వారికి, డిజైన్ పరంగా విభిన్నంగా ఉండాలనుకునే వారికి Nothing Phone 4a Pro సరైన ఎంపిక. త్వరలోనే ప్రముఖ ఈ-కామర్స్ సైట్లలో ఇది అందుబాటులోకి రానుంది.
Also Read: ఈ తప్పులు చేస్తున్నారా? జాగ్రత్త, ఫ్రిడ్జ్ పేలిపోతుంది!
Share
Yash Toxic సినిమా కథ లీక్.. ఈ కాలంలో ఇది వర్కౌట్ అవుతుందా?
India vs Netherlands: టాస్ ఓడిన నెదర్లాండ్స్..ఫస్ట్ బ్యాటింగ్ ఎవరిదంటే, ఇద్దరు కొత్త ప్లేయర్లతో రంగంలోకి టీమిండియా
