OnePlus Nord 6: చైనాకు చెందిన ప్రముఖ స్మార్ట్ఫోన్ తయారీ సంస్థ వన్ప్లస్ ఫోన్లకు మార్కెట్లో మంచి డిమాండ్ ఉన్న విషయం తెలిసిందే. దీనికి తగ్గట్టుగా త్వరలోనే ‘వన్ప్లస్ నార్డ్ 6’ ఇండియాలో విడుదల కానుంది. ముఖ్యంగా బడ్జెట్ ధరలో ప్రీమియం ఫీచర్లు కోరుకునే వారిని దృష్టిలో పెట్టుకుని రూపొందిన ఈ ఫోన్ గురించి ఇప్పటికే సోషల్ మీడియాలో ఆసక్తికర చర్చ జరుగుతోంది. ఏప్రిల్ మొదటి వారంలో లాంచ్ కానున్న ఈ మొబైల్, మునుపటి మోడల్స్ కంటే రెండింతలు శక్తివంతంగా ఉండబోతోందని సమాచారం.
ఈ ఫోన్లో అందరినీ ఆశ్చర్యపరిచే ప్రధానాంశం దాని బ్యాటరీ సామర్థ్యం. ఏకంగా 9,000mAh భారీ బ్యాటరీతో వన్ ప్లస్ చరిత్రలోనే ఇది ఒక రికార్డు సృష్టించబోతోంది. దీనికి తోడు 80W ఫాస్ట్ ఛార్జింగ్ సపోర్ట్ ఉండటంతో, ఒక్కసారి ఛార్జ్ చేస్తే రెండు రోజుల పాటు నిశ్చింతగా వాడుకోవచ్చు.
Also Read: ఫోన్ ఏ చెవి దగ్గర పెట్టుకుని మాట్లాడితే బెటర్? కుడి లేదా ఎడమ?
గేమర్ల కోసం ఈ ఫోన్లో స్నాప్డ్రాగన్ 8s జెన్ 4 చిప్సెట్తో పాటు G1 ఈ-స్పోర్ట్స్ వైఫై చిప్ను కూడా జోడించారు. దీనివల్ల ఆన్లైన్ గేమింగ్ సమయంలో నెట్వర్క్ సమస్యలు తలెత్తవు. 165Hz రిఫ్రెష్ రేట్ కలిగిన 6.78 అంగుళాల అమోలెడ్ డిస్ప్లే గేమింగ్, వీడియో స్ట్రీమింగ్ అనుభవాన్ని అద్భుతంగా మారుస్తుంది.
ఇక ఫొటోగ్రఫీ ప్రియుల కోసం 50MP ప్రైమరీ కెమెరాను ఇస్తున్నారు. వన్ప్లస్ కలర్ సైన్స్ వల్ల ఫొటోలు చాలా సహజంగా, స్పష్టంగా వస్తాయి. సాఫ్ట్వేర్ విషయానికొస్తే.. లేటెస్ట్ ఆండ్రాయిడ్ 16 ఆధారిత ఆక్సిజన్ ఓఎస్తో ఈ ఫోన్ పనిచేస్తుంది. ఇది వినియోగదారులకు చాలా స్మూత్ ఎక్స్పీరియన్స్ను అందిస్తుంది. 8GB, 12GB RAM వేరియంట్లలో, బ్లాక్, మింట్, సిల్వర్ వంటి ఆకర్షణీయమైన రంగుల్లో ఇది లభించనుంది.
భారత మార్కెట్లో ఏప్రిల్ 7న విడుదలయ్యే అవకాశం ఉన్న ఈ ఫోన్ ధర రూ.30,000 నుండి రూ.35,000 మధ్య ఉండవచ్చు. తక్కువ బడ్జెట్లో నోర్డ్ CE 6 కూడా వచ్చే ఛాన్స్ ఉంది. పవర్ఫుల్ పెర్ఫార్మెన్స్, అదిరిపోయే బ్యాటరీ కావాలనుకునే వారికి నోర్డ్ 6 బెస్ట్ ఆప్షన్ కానుంది.
Also Read: రూ.30వేల బడ్జెట్లో ఒప్పో ప్యాడ్ మినీ.. స్నాప్డ్రాగన్ 8 జెన్ 5 పవర్తో వస్తోంది!
Share
Viral Student Letter: సార్.. మీ కాళ్లు మొక్కుతా.. నన్ను పాస్ చేయండి.. విద్యార్థి రాసిన వింత ఉత్తరం..
Etela Rajender: పేదల భూములు గుంజుకుంటుంటే చూస్తూ ఊరుకోం.. ప్రభుత్వపై ఎంపీ ఈటల రాజేందర్ ఫైర్
