Oppo Find X9 Ultra: ప్రముఖ స్మార్ట్ కంపెనీ ఒప్పొ (Oppo).. మెుబైల్ కెమెరాలో విభాగంలో విఫ్లవాత్మక మార్పులు తీసుకొచ్చేందుకు ప్రయత్నిస్తోంది. ప్రస్తుతం మార్కెట్ లో 10x ఆప్టికల్ జూమ్ సామర్థ్యంతో లభిస్తున్న ఎక్స్టర్నల్ టెలిఫోటో కన్వర్టర్లు (Telephoto Converters) అవసరం లేని మెుబైల్ ను తీసుకొచ్చేందుకు సిద్ధమవుతోంది. 10x జూమ్ తో ఫొటోలు తీయగల ‘Oppo Find X9 Ultra’ మెుబైల్ ను త్వరలో లాంచ్ చేయబోతోంది.
ఒప్పో సంస్థ ఈ ఫోన్లో ఒక వినూత్నమైన ‘ఫైవ్ రిఫ్లెక్షన్ ప్రిజం’ (Five-reflection prism) టెక్నాలజీని ఉపయోగించింది. సాధారణంగా 10x జూమ్ కోసం ఫోన్ లోపల 41mm పొడవైన మాడ్యూల్ అవసరమవుతుంది. కానీ ఈ టెక్నాలజీతో దానిని కేవలం 29mm కు తగ్గించారు.
Oppo Find X9 Ultra స్మార్ట్ ఫోన్ లో 50MP హ్యాసెల్బ్లాడ్ 10x ఆప్టికల్ టెలిఫోటో లెన్స్ను అమర్చారు. ఇది సుదూరంగా ఉన్న వస్తువులను కూడా అత్యంత స్పష్టంగా (Lossless quality) ఫోటో తీయగలదని కంపెనీ వర్గాలు చెబుతున్నాయి. సుమారు 100 మీటర్ల దూరంలో ఉన్న వస్తువులు, వ్యక్తులు, జంతువులను సైతం ఎంతో క్వాలిటీతో కెమెరాలో బంధించగలదని పేర్కొంటున్నారు.
సాధారణంగా మొబైల్ ఫోన్లలో జూమ్ పెంచడానికి విడిగా ‘టెలిఫోటో లెన్స్ కిట్స్’ వాడుతుంటారు. కానీ ఈ ఫోన్ లోనే శక్తివంతమైన ఇన్-బిల్ట్ లెన్స్ ఉండటం వల్ల ఆ విడి భాగాల అవసరం ఉండదని కంపెనీ సీఈఓ పీట్ లౌ (Pete Lau) తెలిపారు. ఈ ఫోన్.. మెుబైల్ రంగంలో విఫ్లవాత్మక మార్పును తీసుకొస్తుందని ఆశాభావం వ్యక్తం చేశారు.
మరోవైపు ఈ మెుబైల్ ను ఏప్రిల్ నెలలో ప్రపంచవ్యాప్తంగా విడుదల చేయనున్నట్లు పీట్ లౌ ఎక్స్ వేదిక వెల్లడించారు. ఫోన్ కు సంబంధించి ఫొటోను సైతం ఆయన పంచుకున్నారు. ఇదిలా ఉంటే Oppo Find X9 Ultra ఫోన్ లో 230mm ఫోకల్ లెంగ్త్ కలిగిన 50MP సెన్సార్, దానికి గింబల్ లెవల్ OIS (Optical Image Stabilization) వంటి అధునాతన ఫీచర్లను అందించినట్లు లీకైన సమాచారాన్ని బట్టి తెలుస్తోంది. మెుత్తంగా చూస్తే ఈ ఒప్పో మెుబైల్.. ప్రొఫెషనల్ కెమెరాల స్థాయిలో జూమ్ ఫొటోలను తీయనున్నట్లు అర్థమవుతోంది.
Also Read: Oil Companies Dismissed: వదంతులు నమ్మొద్దు.. ఇంధన కొరత లేదు, చమురు కంపెనీలు క్లారిటీ
Share
Vivo 200MP Phone: రూ.35000 కంటే తక్కువ ధరలో 200MP ఫొటోగ్రఫీ ఫోన్.. భారీ బ్యాటరీ, పవర్ఫుల్ ప్రాసెసర్ కూడా
Fridge Problems: మీ ఫ్రిజ్ కూల్ కావట్లేదా? పాడవడానికి ముందు వచ్చే డేంజర్ సిగ్నల్స్!
