Realme New Mobiles: బడ్జెట్ వార్.. తక్కువ ధరకే రెండు ఫోన్లు లాంచ్.. అవాక్కవుతారు..!

Realme New Mobiles Launch: బడ్జెట్ మార్కెట్‌ను టార్గెట్ చేసుకొని కొత్త ఫోన్లు లాంచ్ అవుతున్నాయి. ఇంకా చెప్పాలంటే చైనాకు చెందిన టెక్ కంపెనీలు సరికొత్త ఫీచర్లతో ఫోన్‌లను తీసుకొస్తున్నాయి. ఈ క్రమంలోనే ప్రముఖ స్మార్ట్‌ ఫోన్‌ మేకర్ రియల్‌మీ భారత్‌లో తన రెండు కొత్త స్మార్ట్‌ఫోన్‌లను మార్కెట్‌లో విడుదల చేసింది. ఇందులో Realme V60, Realme V60s ఉన్నాయి. కంపెనీకి చెందిన ఈ ఫోన్లు ఎంట్రీ లెవల్ 5G విభాగంలోకి వస్తాయి.

కంపెనీ ఫోన్‌లలో 120Hz రిఫ్రెష్ రేట్‌తో డిస్‌ప్లేను అందిస్తోంది. వీటిలో 256 GB వరకు ఇంటర్నల్ స్టోరేజ్ 8 GB వరకు RAM ఉంటుంది. ఈ ఫోన్‌లకు 8 GB వరకు RAM కూడా పెంచుకోవచ్చు. దీనితో ఫోన్ మొత్తం RAM 16 GBకి పెరుగుతుంది. Realme ఈ కొత్త ఫోన్‌లు స్టార్ గోల్డ్, టర్కోయిస్ అనే రెండు కలర్ వేరియంట్‌లో వస్తాయి. ఈ ఫోన్‌ల ఫీచర్లు, స్పెసిఫికేషన్ల గురించి వివరంగా తెలుసుకుందాం.

Also Read: Student Offers: స్టూడెంట్ స్పెషల్.. ఫోన్లపై భారీ ఆఫర్స్, క్యాష్‌బ్యాక్స్.. తమ్ముళ్లూ ఇవి మీకోసమే!

కంపెనీ ఈ రెండు ఫోన్‌లలో 6.67 అంగుళాల HD+ డిస్‌ప్లేను అందిస్తోంది. ఈ డిస్‌ప్లే 120Hz రిఫ్రెష్ రేట్‌కు సపోర్ట్ ఇస్తుంది. ఫోన్‌లలోని ఈ డిస్‌ప్లే పీక్ బ్రైట్‌నెస్ స్థాయి 625 నిట్స్. Realme ఈ ఫోన్‌లు రెండు వేరియంట్‌లలో వస్తాయి. ఇందులో 6 GB + 128 GB, 8 GB + 256 GB ఉన్నాయి. ఫోన్లలో 8 GB వరకు వర్చువల్ ర్యామ్ కూడా ఉంటుంది. దీనితో ఈ ఫోన్‌లు మొత్తం RAM 16 GBకి వరకు ఉంటుంది. ప్రాసెసర్‌గా కంపెనీ MediaTek Dimension 6300 చిప్‌సెట్‌ను తీసుకొచ్చింది.

ఫోటోగ్రఫీ కోసం ఇందులో LED ఫ్లాష్‌తో కూడిన 32 మెగాపిక్సెల్ కెమెరాను కలిగి ఉంది. అదే సమయంలో కంపెనీ ఈ ఫోన్‌లో సెల్ఫీ కోసం 8 మెగాపిక్సెల్ పంచ్-హోల్ కెమెరాను ఇచ్చింది. ఫోన్‌లో 5000mAh ఉంటుంది. ఈ బ్యాటరీ 10 వాట్ల ఫాస్ట్ ఛార్జింగ్‌ని సపోర్ట్ చేస్తుంది. OS గురించి చెప్పాలంటే.. ఈ ఫోన్లు Android 14 ఆధారంగా Realme UI 5.0లో రన్ అవుతాయి.

Also Read: ఆట మొదలైంది.. ఐఫోన్ ఫీచర్స్‌తో నోకియా నుంచి తోపు ఫోన్!

Realme V60, Realme V60s ధర గురించి మాట్లాడితే రెండు ఫోన్‌ల ఫీచర్లు ఒకేలా ఉన్నాయి. అయితే కంపెనీ కొన్ని కారణాల వల్ల వీటి ధరలును వేరుగా ఉంచింది. చైనాలో విడుదలైన V60 ప్రారంభ ధర 1199 యువాన్లు (సుమారు రూ. 13,800), V60ల ప్రారంభ ధర 1399 యువాన్లు (సుమారు రూ. 16,100)గా ఉంది.