Redmi 17 4G: షావోమీ బడ్జెట్ విభాగంలో మరో కొత్త ఫోన్ను మార్కెట్లోకి తీసుకురావడానికి సిద్ధమవుతోంది. అధికారిక ప్రకటనకు ముందే Redmi 17 4G స్మార్ట్ఫోన్కు సంబంధించిన పూర్తి వివరాలు ఆన్లైన్లో లీక్ అయ్యాయి. ఈ హ్యాండ్సెట్ ప్రధానంగా భారీ బ్యాటరీ, పెద్ద స్క్రీన్ కోరుకునే వారిని లక్ష్యంగా చేసుకుని వస్తున్నట్లు కనిపిస్తోంది. ఇప్పుడీ ఫోన్ పూర్తి వివరాల్లోకి వెళ్లిపోదాం..
ఈ Redmi 17 4Gలో 6.9 ఇంచుల పెద్ద ఫ్లాట్ డిస్ప్లేను అందించబోతున్నారు. 120Hz రీఫ్రెష్ రేట్తో రానున్న ఈ స్క్రీన్ వల్ల గేమింగ్, సోషల్ మీడియా స్క్రోలింగ్ చాలా స్మూత్గా ఉంటాయి. కంటికి అలసట కలగకుండా ట్యూవ్ రైన్ల్యాండ్ సర్టిఫికేషన్, అలాగే స్క్రీన్ రక్షణ కోసం గొరిల్లా గ్లాస్ 7i ప్రొటెక్షన్ను ఇందులో ఇస్తున్నారు.
Also Read: ఇది కదా టెక్నాలజీ అంటే.. స్మార్ట్ గ్లాసెస్ కోసం గోరంత కూలింగ్ ఫ్యాన్!
అలాగే ఇందులో ప్రధాన ఆకర్షణ దీని 7500mAh బ్యాటరీ. దీనిని ఒకసారి ఫుల్ ఛార్జ్ చేస్తే హెవీ యూసేజ్లోనూ సులువుగా రెండు రోజుల పాటు వస్తుంది. దీనికి తోడు 45W ఫాస్ట్ ఛార్జింగ్ సపోర్ట్ కూడా ఇస్తుండటంతో, ఫోన్ను వేగంగా ఛార్జ్ చేసుకోవచ్చు.
ఇక పనితీరు విషయానికి వస్తే.. Redmi 17 4Gలో మీడియాటెక్ హెలియో G91 అల్ట్రా ప్రాసెసర్ను ఉపయోగించారు. రోజువారీ పనులు, మల్టీటాస్కింగ్ను ఇది సజావుగా నడుపుతుంది. 4GB, 6GB ర్యామ్ ఆప్షన్లతో పాటు 128GB, 256GB స్టోరేజ్ వేరియంట్లలో ఈ ఫోన్ అందుబాటులోకి రానుంది.
ఫొటోల కోసం వెనుక వైపు 50MP ప్రైమరీ కెమెరాతో పాటు 5MP సెకండరీ కెమెరాను ఇచ్చారు. అలాగే సెల్ఫీల కోసం 8MP ఫ్రంట్ కెమెరా ఉంది. సెక్యూరిటీ కోసం సైడ్ మౌంటెడ్ ఫింగర్ప్రింట్ స్కానర్, AI ఫేస్ అన్లాక్లతో పాటు IP64 డస్ట్, వాటర్ రెసిస్టెన్స్ రేటింగ్ కూడా ఉంది. గ్రీన్, బ్లూ, బ్లాక్, పర్పుల్ రంగుల్లో ఈ ఫోన్ విడుదల కానుంది.
Also Read: షాపింగ్ మాత్రమే కాదు, ఇకపై ఫుడ్ కూడా.. Flipkart కొత్త ప్లాన్ మామూలుగా లేదుగా!
Share
భారీ వర్షాల హెచ్చరిక.. ఐటీ కంపెనీలకు కీలక సూచన, అడ్వైజరీ జారీ చేసిన సైబరాబాద్ పోలీసులు
బీహారీ ప్లేయర్లు అంటూ అవమానించారు..ఇప్పుడు టీమిండియాకు మేమే దిక్కయ్యాం
