Redmi Watch 5 Active: చైనాకు చెందిన ఎలక్ట్రానిక్ దిగ్గజం రెడ్మీ తీసుకొచ్చిన సరికొత్త స్మార్ట్వాచ్ ‘Redmi Watch 5 Active’పై ప్రస్తుతం ఆఫర్ నడుస్తోంది. ఇది జింక్ అల్లాయ్ మెటల్తో కూడిన బాడీని కలిగి ఉంటుంది. IPX8 రేటింగ్తో కూడిన డస్ట్, వాటర్ రెసిస్టెంట్గా ఈ ఏడాది ఆగస్టులో విడుదలైంది. కేవలం సింగిల్ ఛార్జ్తో గరిష్టంగా 18 రోజులపాటు బ్యాటరీ లైఫ్ను అందించే ఈ రెడ్మీ వాచ్ 5 యాక్టివ్ గురించి మరిన్ని వివరాలు తెలుసుకుందాం రండి..
ఈ స్మార్ట్ వాచ్ బ్లూటూత్ కాలింగ్కు సపోర్టు ఇస్తుంది. అంతేకాదు.. ఈఎన్సీ-సపోర్టు గల మూడు-మైక్ సిస్టమ్, స్పీకర్తో అమర్చి ఉంటుంది. ఇకపోతే.. భారత మార్కెట్లో రెడ్మి వాచ్ 5 యాక్టివ్ రూ.2,799 ధరకు అందుబాటులో ఉంది. ఇ-కామర్స్ ప్లాట్ఫామ్స్ ఫ్లిప్కార్ట్, అమెజాన్, షియోమి వెబ్సైట్లలో అందుబాటులో ఉంది. ఆఫ్లైన్లో కొనాలనుకుంటున్న వాళ్లు షియోమి రిటైల్ స్టోర్ల కొనుటోలు చేయవచ్చు. ఈ స్మార్ట్వాచ్ మాట్ సిల్వర్, మిడ్నైట్ బ్లాక్ అనే రెండు కలర్ ఆప్షన్లలో లభిస్తుంది.
ఈ రెడ్మీ వాచ్ 5 యాక్టివ్ 2-అంగుళాల దీర్ఘచతురస్రాకార LCD స్క్రీన్ను గరిష్టంగా 500 నిట్స్ వరకు బ్రైట్నెస్తో కలిగి ఉంది. అలాగే ఇది ఇన్బిల్ట్ వాయిస్-యాక్టివేటెడ్ అసిస్టెంట్ అలెక్సాతో వస్తుంది. హార్ట్ రేట్ బ్లడ్ ఆక్సిజన్ లేదా ఎస్పీ ఓ2 లెవల్ వంటి హెల్త్ మానిటరింగ్ యూజర్లకు సాయపడుతుంది. ఈ స్మార్ట్వాచ్ స్లీప్, ప్రెజర్ లెవల్స్తో పాటు రుతుచక్రాలను కూడా ట్రాక్ చేస్తుంది. ఈ ట్రాకర్ల నుంచి డేటాను షావోమీ వేర్ యాప్తో పాటు స్ట్రావా, ఆపిల్ హెల్త్ అప్లికేషన్లతో సింకరైజ్ చేసుకోవచ్చు.
ఈ స్మార్ట్వాచ్ బ్లూటూత్ 5.3 కనెక్టివిటీకి, కనెక్ట్ చేసిన స్మార్ట్ఫోన్ ద్వారా కాల్స్ చేసేందుకు సపోర్టు ఇస్తుంది. అలాగే రెడ్మి వాచ్ 5 యాక్టివ్లో 70mAh బ్యాటరీ అమర్చి ఉంటుంది. సాధారణ వినియోగంతో 18 రోజుల వరకు లేదా ఒక ఛార్జ్పై భారీ వినియోగంతో 12 రోజుల వరకు బ్యాటరీ లైఫ్ అందిస్తుంది. ఈ ఏడాది ఆగస్టులో విడుదలైన ఈ స్మార్ట్వాచ్ను ఎంపిక చేసిన బ్యాంకు కార్డుల ద్వారా తక్కువ ధరకే కొనుగోలు చేయవచ్చు.
Share
KCR: సర్పంచ్ ఎన్నికలు.. మళ్లీ బీఆర్ఎస్ ప్రభుత్వం రాబోతుంది.. కేసీఆర్ సంచలన వ్యాఖ్యలు
OTT Movie : మనవరాలు మిస్సింగ్... ఒక్క క్లూ కూడా దొరకని మెంటల్ మాస్ కేసు... సీట్ ఎడ్జ్ థ్రిల్లర్ భయ్యా
