Jio Plans: ప్రస్తుత డిజిటల్ యుగంలో ఇంటర్నెట్ లేనిదే క్షణం కూడా గడవడం లేదు. దీనిని గమనించిన టెలికాం దిగ్గజం రిలయన్స్ జియో.. తన కస్టమర్ల అవసరాలకు తగ్గట్టుగా ఎప్పటికప్పుడు సరికొత్త ప్లాన్లను ప్రవేశపెడుతోంది. అయితే తక్కువ ధరలో ఎక్కువ డేటా, అన్లిమిటెడ్ కాల్స్ కోరుకునే వారి కోసం జియోలో 5 అద్భుతమైన ప్లాన్లు అందుబాటులో ఉన్నాయి. అవేంటో ఇప్పుడు చూద్దాం.
జియోలో తక్కువ ధరలో చౌకైన రీఛార్జ్ కోరుకునేవారికి ఇది బెస్ట్ ఆప్షన్ గా నిలుస్తోంది. 28 రోజుల వాలిడిటీతో వచ్చిన ఈ ప్లాన్ కింద 2GB డేటా (పూర్తి కాలానికి)తో పాటు అన్లిమిటెడ్ వాయిస్ కాల్స్, 300 SMSలు లభిస్తాయి. తక్కువ డేటా అవసరమున్న వారికి ఇది బెస్ట్ ఛాయిస్ అని చెప్పవచ్చు.
రోజువారీ ఇంటర్నెట్ ఎక్కువగా వాడుతుంటే రూ. 299 ప్లాన్ సరిగ్గా సరిపోతుంది. దీని వాలిడిటీ 28 రోజులు. ప్రతిరోజూ 1.5GB హై స్పీడ్ డేటా యూజర్ కు లభిస్తుంది. అంటే నెలకు మొత్తం 42GB డేటా అన్నమాట. దీంతో పాటు అన్లిమిటెడ్ కాల్స్, రోజుకు 100 ఎస్ఎంఎస్ లు ఫ్రీగా పొందొచ్చు.
మీ దగ్గర 5G స్మార్ట్ఫోన్ ఉండి.. మీ ఏరియాలో 5G నెట్వర్క్ ఉంటే ఈ ప్లాన్ మీకు వరంగా నిలుస్తుంది. 28 రోజుల వ్యాలిడిటీతో వచ్చిన ఈ ప్లాన్.. రోజుకు 2GB డేటా అందిస్తుంది. అర్హత కలిగిన యూజర్లకు అపరిమిత 5G డేటాను ఈ ప్లాన్ ఆఫర్ చేస్తోంది.
పదే పదే రీఛార్జ్ చేసుకునే ఇబ్బంది లేకుండా 3 నెలల కాలానికి మంచి ప్లాన్ కోరుకుంటే దీనిని ట్రై చేయవచ్చు. జియో ఈ రూ. 799 ప్లాన్ ను 84 రోజుల వ్యాలిడిటీతో తీసుకొచ్చింది. ఈ ప్లాన్ కింద రోజుకు 1.5GB డేటా, అపరిమిత కాల్స్, రోజుకు 100 మెసేజెస్ లభిస్తాయి.
ఓటీటీ ప్రియుల కోసం జియో ఈ ప్లాన్ ను ప్రత్యేకంగా తీసుకొచ్చింది. 84 రోజుల వ్యాలిడిటీ కలిగిన ప్లాన్ ను రీఛార్జ్ చేసుకుంటే రోజుకు 2GB డేటాతో పాటు అమెజాన్ ప్రైమ్ సబ్ స్క్రిప్షన్ ఫ్రీగా లభిస్తుంది. అలాగే అపరిమిత కాల్స్, రోజుకు 100 ఎస్ఎంఎస్ లను సైతం యూజర్ పొందొచ్చు.
Also Read: నగరంలో రాత్రి 11 దాటితే అక్కడ జిగేల్ మనిపించే లైట్లు బంద్.. కొత్త పాలసీ రూల్స్ ఇవే!
పైన పేర్కొన్న ప్లాన్లతో పాటు జియో టీవీ, జియో సినిమా, జియో క్లౌడ్ వంటి యాప్స్కు ఉచిత యాక్సెస్ కూడా లభించనుంది. మీ అవసరానికి తగ్గట్టుగా ఉన్న ప్లాన్ ను ఎంచుకొని.. మై జియో యాప్, వెబ్సైట్ ద్వారా ఈ రీఛార్జ్ చేసుకోవచ్చని జియో వర్గాలు సూచిస్తున్నాయి.
Also Read: జోన్ బెర్త్నల్ ‘ది పనిషర్: వన్ లాస్ట్ కిల్’ రివ్యూ.. ఎక్కడ చూడాలంటే?
Share
మీ ఫోన్ విపరీతంగా వేడెక్కుతోందా? బ్యాటరీ పేలకుండా వెంటనే ఇలా చేయండి!
దొరికిన ‘పీఎంజే’ దొంగలు.. దోపిడీ ఒకరు, తరలించేది మరొకరు.. జీతాలు ఇచ్చి చోరీలు
