Remote Hacks: ఇలాంటి పరిస్థితి చాలామందికి ఎదురయ్యే ఉంటుంది. టీవీలో ఏదైనా ఛానల్ పెట్టుకుందాం అని రిమోట్ను ఆపరేట్ చేస్తే.. అది కొన్నిసార్లు పనిచేయదు. అప్పుడు వందలో 90 శాతం మంది చేసే పనేంటంటే.. రిమోట్ను వెనక్కి తిప్పి అరచేత్తో గట్టిగా ఒక దెబ్బ వేయడం. విచిత్రం ఏంటంటే.. అలా కొట్టగానే అది మళ్లీ పర్ఫెక్ట్‌గా పనిచేయడం మొదలుపెడుతుంది. అబ్బా.. నా దెబ్బకి దారిలోకి వచ్చింది అని మనం మురిసిపోతాం. కానీ, అలా కొట్టగానే రిమోట్ పనిచేయం వెనుక ఒక ఇంట్రెస్టింగ్ సైన్స్ దాగి ఉంది. అదేంటంటే..
నిజానికి రిమోట్‌లను ఎక్కువ కాలం వాడటం వల్ల వాటిలోని బ్యాటరీలకు, లోపల ఉండే మెటల్ స్ప్రింగ్‌లకు మధ్య గాలిలోని తేమ వల్ల ఆక్సిడేషన్ అనే ప్రక్రియ జరుగుతుంది. దీంతో అక్కడ ఒక సన్నని ఆక్సైడ్ పొర పేరుకుపోతుంది. ఈ పొర బ్యాటరీ నుంచి అందాల్సిన కరెంట్‌ను అడ్డుకుంటుంది. మనం ఎప్పుడైతే రిమోట్ను అరచేతితో తడతామో, ఆ ప్రకంపనలకు ఆ ఆక్సైడ్ పొర స్వల్పంగా కదులుతుంది. దీనివల్ల బ్యాటరీ పాయింట్లు మళ్లీ రిమోట్ సర్క్యూట్‌తో కలిసి కరెంట్ పాస్ అవుతుంది. దీంతో రిమోట్ పని చేయడం జరుగుతుంది.
Also Read: వార్నీ.. సోనీ హెడ్‌ఫోన్స్ ఇంత తక్కువ ధరకా? స్టాక్ అయిపోయేలోపే కొనేయండి బాస్!
కొంతమంది రిమోట్ను కొట్టకుండా బ్యాటరీలను తీసి చేతులతో గట్టిగా రుద్ది మళ్లీ పెడుతుంటారు. దీనినే రీసీటింగ్ అంటారు. ఇలా చేయడం వలన ఆ పాయింట్ల దగ్గర ఉన్న తుప్పు గానీ దుమ్ము గానీ పూర్తిగా తొలగిపోతుంది. అంతేకాదు.. రుద్దడం వలన పుట్టే ఆ రాపిడి బలహీనపడిన బ్యాటరీకి చిన్నపాటి బూస్ట్‌లా పనిచేస్తుంది. రిమోట్ వంటి పరికరాలకు చాలా తక్కువ శక్తి అవసరం కాబట్టి.. అలా రుద్దడం వల్ల కూడా దాన్ని మళ్లీ పని చేసేలా చేస్తుంది.
అయితే కోపంతో రిమోట్ను గట్టిగా కొట్టడం ఎప్పుడూ మంచిది కాదు. అలా చేయడం వల్ల లోపల ఉండే సెన్సర్లు, ప్లాస్టిక్ భాగాలు విరిగిపోయే ప్రమాదం ఉంది. రిమోట్ మొరాయించినప్పుడు దాన్ని కొట్టే బదులు, బ్యాటరీలను ఒక్కసారి బయటకు తీసి లోపల ఉండే పాయింట్లను పొడి వస్త్రంతో శుభ్రం చేయడం వల్ల మంచి ఫలితం ఉంటుంది. ముఖ్యంగా ఏసీ రిమోట్ లాంటివి సీజన్ అయిపోయాక వాడకుండా పక్కన పెట్టేటప్పుడు, బ్యాటరీలను తీసి ఉంచడం ద్వారా ఈ ఆక్సిడేషన్ సమస్యను నివారించవచ్చు.
Also Read: ఇండక్షన్ కంటే తోపు.. గ్యాస్ కంటే చౌక.. ఈ సరికొత్త ఎలక్ట్రిక్ స్టవ్‌ గురించి తెలుసా?
Share
Logo Misuse: మీరు ట్యాంకర్ నీరు వాడుతున్నారా.. అయితే జలమండలి శాఖ షాకింగ్ కామెంట్స్!
Junk Food Side Effects: జంక్ ఫుడ్ తింటున్నారా? మీ మెదడుకు 'స్లో పాయిజన్' ఇస్తున్నట్లే!
