Samsung Galaxy S26+: శాంసంగ్ ప్రియులు ఎప్పుడెప్పుడా అని ఎదురుచూస్తున్న ‘Samsung Galaxy S26’ సిరీస్ ఫిబ్రవరిలో భారత్తో పాటు ప్రపంచవ్యాప్తంగా విడుదల కానుంది. ఈ క్రమంలో Galaxy S26, S26+, Ultra మోడల్స్ రానున్నట్లు టెక్ నిపుణులు అంచనా వేస్తున్నారు. అయితే, అధికారికంగా లాంచ్ కాకముందే Galaxy S26+ గీక్బెంచ్ వెబ్సైట్లో ప్రత్యక్షమై సంచలనం సృష్టిస్తోంది. తాజాగా వెలువడ్డ లీక్స్ ఆధారంగా ఈ ఫోన్ ధర, ఫీచర్లపై ఓ లుక్కద్దాం రండి..
ఈసారి శాంసంగ్ తను సొంతంగా తయారు చేసిన ఎగ్జినోస్ 2600 చిప్సెట్ను ఈ ఫోన్లో అమర్చనుంది. ఇది అత్యాధునిక 2nm GAA ప్రాసెస్పై రూపొందించబడింది. సాధారణంగా ప్రాసెస్ సైజ్ తగ్గేకొద్దీ ఫోన్ వేగం పెరగడమే కాకుండా బ్యాటరీ వినియోగం కూడా తగ్గుతుంది. ఆక్టాకోర్ సామర్థ్యంతో వస్తున్న ఈ చిప్సెట్లో ప్రధాన కోర్ 3.80GHz స్పీడ్తో పనిచేస్తుంది. దీంతో గేమింగ్, మల్టీ టాస్కింగ్ చేసే యూజర్లకు ఈ ఫోన్ మెరుగైన పనితీరును అందిస్తుంది.
Also Read: ఈ ఒక్క ట్రిక్ వాడితే.. లేటెస్ట్ గూగుల్ పిక్సెల్ 10పై రూ.12వేల డిస్కౌంట్ పక్కా!
విజువల్స్, గ్రాఫిక్స్ కోసం ఈ ఫోన్లో Xclipse 960 GPUని అమర్చారు. ఇది హైఎండ్ వీడియో ఎడిటింగ్, గ్రాఫిక్ ఇంటెన్సివ్ గేమ్స్ ఆడేవారికి మెరుగైన పనితీరును అందిస్తుంది. ఇకపోతే మెమరీ పరంగా చూసుకుంటే.. గీక్బెంచ్ డేటా ప్రకారం దీనిలో 10.64GB RAM ఉండనున్నట్లు తెలుస్తోంది. అయితే మార్కెట్లోకి వచ్చేసరికి దీనిని 12GB RAM వేరియంట్గా శాంసంగ్ ప్రమోట్ చేసే అవకాశం ఉంది.
గెలాక్సీ S26+ మొబైల్ ఆండ్రాయిడ్ 16 ఆపరేటింగ్ సిస్టమ్తో రాబోతోంది. దీంతోపాటు శాంసంగ్ సొంత లేయర్ One UI 8.5 జత కానుంది. ఈ కాంబినేషన్ వల్ల యూజర్ ఇంటర్ఫేస్ ముందు కంటే చాలా మెరుగ్గా ఉంటుందని భావిస్తున్నారు. కొత్త ఫీచర్లు, మెరుగైన సెక్యూరిటీ అప్డేట్స్తో వినియోగదారులకు సరికొత్త స్మార్ట్ఫోన్ అనుభవాన్ని అందించడమే లక్ష్యంగా శాంసంగ్ ఈ మార్పులు చేస్తోంది.
గీక్బెంచ్ 6.5.0 టెస్టులో Samsung Galaxy S26+ ఫోన్ 24,964 పాయింట్ల స్కోరును దక్కించుకుంది. దీంతో శాంసంగ్ తన పాత మోడల్స్ కంటే పర్ఫార్మెన్స్ పరంగా గణనీయమైన మార్పులు చేసినట్లు తెలుస్తోంది. కేవలం నెంబర్లు మాత్రమే కాకుండా.. వాస్తవ వినియోగంలో కూడా ఈ ఫోన్ రికార్డు స్థాయి వేగాన్ని చూపిస్తుందని టెక్ నిపుణులు అంచనా వేస్తున్నారు.
Also Read: మార్కెట్లోకి Poco X8 Pro ఐరన్ మ్యాన్ ఎడిషన్.. ఫీచర్లు మామూలుగా లేవుగా!
Share
Lokesh Kanagaraj: ఖైదీ 2 వివాదంపై నోరు విప్పిన లోకేష్ కనగరాజ్.. అల్లు అర్జున్ సినిమాపై కూడా క్లారిటీ..!
Love Marriage: రాజ్యాంగం కాదు.. మా మాటే శాసనం.. ప్రేమ వివాహాలపై గ్రామస్తుల వింత తీర్మానం..!
