Battery Tips: నేటి కాలంలో స్మార్ట్‌ఫోన్ లేనిదే క్షణం గడవదు. కానీ, ఎంత ఖరీదైన ఫోన్ కొన్నా.. రోజు గడవక ముందే బ్యాటరీ అయిపోవడం చాలా మందిని వేధిస్తున్న సమస్య. పదే పదే ఛార్జింగ్ పెట్టడం వల్ల బ్యాటరీ లైఫ్ కాలక్రమేణా తగ్గిపోతుంది. అయితే, మీ ఫోన్‌లోని కొన్ని ముఖ్యమైన సెట్టింగ్స్‌లో చిన్న చిన్న మార్పులు చేయడం ద్వారా బ్యాటరీని ఎక్కువ సేపు కాపాడుకోవచ్చు. అవేంటో ఈ ఆర్టికల్‌లో చూద్దాం.
Read also-Cooler Tips: కూలర్ మీ ఇంట్లో అక్కడ పెడితే పొరపాటే?.. వాడేటప్పుడు ఈ పనులు అస్సలు చేయకండి..
ఫోన్ బ్యాటరీని అత్యధికంగా ఖర్చు చేసేది డిస్‌ప్లే మాత్రమే. చాలా మంది ‘Adaptive Brightness’ ఆన్ చేస్తారు, కానీ ఇది సెన్సార్లను నిరంతరం వాడుతూ బ్యాటరీని ఖర్చు చేస్తుంది. బ్రైట్‌నెస్‌ను మాన్యువల్‌గా మీకు కావాల్సిన స్థాయిలో ఉంచుకుంటే సెన్సార్ల వాడకం తగ్గి బ్యాటరీలో చార్జింగ్ ఆదా అవుతుంది.
మీ ఫోన్ లో AMOLED లేదా OLED స్క్రీన్ ఉంటే, వెంటనే ‘Dark Mode’ ఆన్ చేసుకోండి. ఈ స్క్రీన్లలో నలుపు రంగు ఉన్న చోట పిక్సెల్స్ పూర్తిగా ఆరిపోతాయి. దీనివల్ల దాదాపు 30% వరకు బ్యాటరీ ఆదా అవుతుంది.
ప్రస్తుత స్మార్ట్‌ఫోన్లు 90Hz లేదా 120Hz రిఫ్రెష్ (Refresh Rate) రేట్‌తో వస్తున్నాయి. ఇది ఫోన్ వాడేటప్పుడు స్మూత్‌గా అనిపించినా, బ్యాటరీని విపరీతంగా తాగుతుంది. అలాంటప్పుడు.. సెట్టింగ్స్‌లో డిస్‌ప్లే విభాగంలోకి వెళ్లి రిఫ్రెష్ రేట్‌ను Standard (60Hz) కు మార్చండి.
Read also-Ola Champion Mahotsav: పొట్టి కప్ కొట్టిన భారత్.. అదిరిపోయే ఆఫర్ ప్రకటించిన ఓలా!
మనం వాడకపోయినా కొన్ని యాప్స్ బ్యాక్‌గ్రౌండ్‌లో రన్ అవుతూ డేటాను, పవర్‌ను వాడుకుంటాయి. వాటిని ఏం చేయాలి అంటే.. ‘Battery’ సెట్టింగ్స్‌లోకి వెళ్లి, ఏ యాప్స్ ఎక్కువ బ్యాటరీ వాడుతున్నాయో చూసి, వాటిని ‘Restrict’ లేదా ‘Optimize’ చేయండి. దీంతో బ్యాటరీ లైఫ్ మరింత పెరుగుతుంది.
చాలా యాప్స్‌కు మీ లొకేషన్ (GPS) అవసరం ఉండదు. అయినా అవి నిరంతరం ట్రాక్ చేస్తూనే ఉంటాయి. అలాంటప్పుడు వాటిని ఆఫ్ చేయడమే బెటర్. వాటిని ఆఫ్ చేయడానికి లొకేషన్ పర్మిషన్స్‌లో “Only while using the app” ఆప్షన్ ఎంచుకోండి. అలాగే వైఫై, బ్లూటూత్ సెట్టింగ్స్‌లో ఉండే ‘Scanning’ ఆప్షన్లను డిసేబుల్ చేయండి.
టైప్ చేసేటప్పుడు వచ్చే వైబ్రేషన్ (Haptic Feedback) వినడానికి బాగుంటుంది కానీ, లోపల ఉన్న మోటార్ పని చేయడానికి ఎక్కువ పవర్ కావాలి. దీంతో కీబోర్డ్ వైబ్రేషన్ మరియు సిస్టమ్ వైబ్రేషన్లను ఆఫ్ చేయడం వల్ల బ్యాటరీ బ్యాకప్ పెరుగుతుంది.
అవసరం లేని షాపింగ్ యాప్స్, గేమ్స్ నుండి వచ్చే నోటిఫికేషన్ల వల్ల ఫోన్ స్క్రీన్ మాటిమాటికీ వెలుగుతుంది. దీంతో బ్యాటరీ డ్రైన్ అవుతుంది. అనవసరమైన యాప్స్ నోటిఫికేషన్లను ‘Block’ చేయండి. పైన చెప్పిన సెట్టింగ్స్‌తో పాటు, బ్యాటరీ 20% కంటే తగ్గకుండా చూసుకోవడం, ఒరిజినల్ ఛార్జర్ వాడటం వంటి జాగ్రత్తలు తీసుకుంటే మీ ఫోన్ బ్యాటరీ లైఫ్ చాలా కాలం పాటు మెరుగ్గా ఉంటుంది.
Share
Medak Shocking Incident: ఛీ ఛీ నువ్వు అసలు తండ్రివేనా.. తాగుడికి డబ్బు లేదని.. 2 నెలల శిశువుని..
Dhurandhar 2: బీభత్సం సృష్టిస్తున్న ధురంధర్ 2 .. 48 గంటల్లో 312 మిలియన్ వ్యూస్..!
