TV Price Hike January 2026| టెలివిజన్ (టివి) అనేది భారతదేశంలోని ప్రతి మధ్యతరగతి ఇంట్లో ఉండే అత్యంత సాధారణ గృహోపకరణాలలో ఒకటి. అయితే, మరో నెల రోజుల్లో అంటే జనవరి 2026 నుంచి దేశంలో టీవీ ధరలు పెరిగే అవకాశం ఉందని పరిశ్రమ నిపుణులు హెచ్చరిస్తున్నారు. ధరలలో ఎలాంటి పెరుగుదల వచ్చినా అది నేరుగా మధ్యతరగతి కొనుగోలుదారులపై ప్రభావం చూపుతుంది. ఈ ధరల పెంపునకు రెండు ప్రధాన కారణాల ఉన్నాయి. మెమరీ చిప్ల కొరత పరిశ్రమను తీవ్రంగా దెబ్బతీస్తుండగా, భారత కరెన్సీ రూపాయి విలువ డాలర్తో పోలిస్తే రోజురోజుకీ క్షీణిస్తోంది. ఈ రెండు సమస్యలు మీ జేబుపై నేరుగా భారం మోపనున్నాయి.
ఎలెక్ట్సానిక్స్ తయారీదారులు ప్రస్తుతం తీవ్రమైన రెండు సమస్యలను ఎదుర్కొంటున్నారు. మెమరీ చిప్ల ధరలు విపరీతంగా పెరుగుతున్నాయి. అదే సమయంలో.. భారత రూపాయి విలువ కూడా తగ్గిపోతోంది. టీవీ తయారీ సంస్థలు ముఖ్యమైన భాగాలను విదేశాల నుండి దిగుమతి చేసుకుంటాయి. రూపాయి విలువ తగ్గడం తయారీ కంపెనీలు ఇప్పుడు టివిల విడి భాగాల కోసం విదేశీ కంపెనీలకు మరింత ఎక్కువగా చెల్లించాల్సి వస్తోంది. ఆ భారం చివరికి వినియోగదారులపై మోపుతున్నారు.
Also Read: శాంసంగ్ స్మార్ట్ఫోన్ల ధరల పెంపు.. మరికొన్ని రోజుల్లో.. ఎంతంటే
నిపుణుల అంచనా ప్రకారం ధరలు స్పష్టంగా పెరగనున్నాయి. ఈ పెరుగుదల మూడు శాతం నుండి పది శాతం వరకు ఉండవచ్చని అంచనా వేస్తున్నారు. కొన్ని బ్రాండ్లు ఏడు శాతం పెరుగుదలను హెచ్చరిస్తుండగా, మరికొన్ని పది శాతం పెరిగే అవకాశం ఉందని పేర్కొంటున్నాయి. అయితే, సగటు పెరుగుదల మూడు నుంచి నాలుగు శాతం వరకు ఉండే అవకాశం ఉంది. అందుకే టీవి కొనాలనుకుంటే డిసెంబర్ 2025లోనే కొనేయండి. ఎందుకంటే జనవరిలో అదే టీవి ధర ఎక్కువ గా ఉంటుంది.
ప్రపంచవ్యాప్తంగా మెమరీ చిప్ల కొరత తీవ్రంగా ఉంది. కృత్రిమ మేధస్సు (AI) సర్వర్లకు డిమాండ్ పెరగడం దీనికి ముఖ్య కారణం. ఈ సర్వర్లకు ప్రత్యేక హై-బ్యాండ్విడ్త్ మెమరీ చిప్లు అవసరం. చిప్లను తయారుచేసే సంస్థలు ఇప్పుడు ఈ లాభదాయకమైన మార్కెట్పై దృష్టి సారిస్తున్నాయి. దీని వల్ల వారు సాంప్రదాయ ఉపకరణాల కోసం చిప్ల సరఫరాను పట్టించుకోవడం లేదు. దీనితో, టీవీ తయారీదారులు ఇప్పుడు చిప్లను పొందడానికి కష్టపడుతున్నారు.
పరిశ్రమలోని అగ్రశ్రేణి కంపెనీ నిర్వహకులు ఈ సమస్య గురించి బహిరంగంగానే చెప్పారు. హాయర్ అప్లయన్సెస్ ఇండియా (Haier Appliances India ) ప్రెసిడెంట్ అయిన ఎన్ ఎస్ సతీష్, టీవీ ధరలలో మూడు శాతం పెరుగుదలను ధృవీకరించారు. ఈ పెరుగుదలకు చిప్ కొరత, బలహీనమైన రూపాయి విలువ కారణమని ఆయన స్పష్టం చేశారు. తయారీదారులు ఇప్పటికే తమ డీలర్ నెట్వర్క్లకు ఈ ధరల పెరుగుదల గురించి సమాచారం ఇస్తున్నారు.
మరొక కంపెనీ సూపర్ ప్లాస్ట్రోనిక్స్ CEO అయిన అవ్నీత్ సింగ్.. పరిస్థితి మరింత తీవ్రంగా ఉండవచ్చని హెచ్చరించారు. ఆయన ఏడు నుండి పది శాతం ధరల పెరుగుదలను అంచనా వేశారు. ఈ పెరుగుదల జనవరి 2026 నుంచే ప్రారంభం కావచ్చు.
మీరు త్వరలో టీవీ కొనాలని ప్లాన్ చేస్తుంటే, ఆలస్యం చేయకుండా ఇప్పుడే కొనుగోలు చేయడం మంచిది. జనవరిలో ధరలు కచ్చితంగా ఎక్కువగా ఉండే అవకాశం ఉంది. డిసెంబర్లో వచ్చే స్పెషల్ సేల్స్ లో మీకు ఉత్తమ డీల్స్ లభించవచ్చు. ఇప్పుడు మీరు కొనుగోలును వాయిదా వేస్తే, మీరు మూడు నుండి పది శాతం అదనపు ఖర్చు పెట్టవలసి ఉంటుంది. కాబట్టి త్వరగా నిర్ణయించుకోండి.
Share
AP Liquor Scam: లిక్కర్ కేసు విచారణ.. సుప్రీంకోర్టు తీర్పుపై ఏపీ రాజకీయ వర్గాల్లో టెన్షన్
Ranaveer Singh : దీపికా పై రణవీర్ కామెంట్స్.. 8 గంటల్లో సినిమా కష్టం.. ఇద్దరి మధ్య గొడవలా..?
