Vivo Y21, Y11 5G: 6500mAh బ్యాటరీ, డైమెన్సిటీ 6300 ప్రాసెసర్‌తో రెండు వివో బడ్జెట్ ఫోన్స్ లాంచ్.. ధర, ఫుల్ ఫీచర్స్ ఇవే

Vivo Y21, Y11 5G| ప్రముఖ స్మార్ట్‌ఫోన్ కంపెనీ వివో భారతదేశంలో రెండు కొత్త బడ్జెట్ స్మార్ట్‌ఫోన్లు లాంచ్ చేసింది. వీటి పేర్లు వివో Y21 5G, వివో Y11 5G. రెండు ఫోన్లు కూడా Y సిరీస్‌‌లో భాగంగా విడుదలయ్యాయి. బ్యాటరీ లైఫ్, డ్యూరబిలిటీ, స్మూత్ పర్‌ఫామెన్స్‌‌కు ప్రధాన్యంగా ఈ ఫోన్లు రూపొందించబడ్డాయి.

ధరలు, ఆఫర్లు

వివో Y21 5G మూడు వేరియంట్లలో లభ్యం.
4GB ర్యామ్ +128GB వేరియంట్ ధర రూ.18,999
6GB ర్యామ్ +128GB వేరియంట్ ధర రూ.20,999
8GB ర్యామ్ +128GB వేరియంట్ ధర రూ.22,999
ఎంపిక చేసిన బ్యాంక్ కార్డులతో రూ.1,500 వరకు ఇన్‌స్టంట్ క్యాష్‌బ్యాక్ లభిస్తుంది.

సరసమైన ధరలో వివో Y11 5G 

4GB ర్యామ్ + 64GB స్టోరేజ్ వేరియంట్ ధర రూ.14,999
4GB ర్యామ్ + 128GB స్టోరేజ్ వేరియంట్ ధర రూ.16,999

బ్యాంక్ ఆఫర్లతో రూ.1,000 వరకు క్యాష్‌బ్యాక్ పొందవచ్చు.

డిస్‌ప్లే, డిజైన్

రెండు ఫోన్లలోనూ 6.74 ఇంచుల HD+ LCD డిస్‌ప్లే ఉంది. ఇది 120Hz రిఫ్రెష్ రేట్‌కు మద్దతు ఇస్తుంది. స్క్రోలింగ్ వీడియోలు చాలా స్మూత్‌గా కనిపిస్తాయి. గరిష్టంగా 1,200 నిట్స్ బ్రైట్‌నెస్ ఉండటం వల్ల బయట కూడా స్పష్టంగా చూడవచ్చు. TÜV రైన్‌ల్యాండ్ లో బ్లూ లైట్ సర్టిఫికేషన్ ఉండటం వల్ల కళ్లు త్వరగా అలసిపోవు. రెండు ఫోన్లకూ IP65 డస్ట్, వాటర్ రెసిస్టెన్స్ మిలిటరీ-గ్రేడ్ షాక్ రెసిస్టెన్స్ సర్టిఫికేషన్ ఉన్నాయి.

పర్‌ఫామెన్స్, సాఫ్ట్‌వేర్

రెండు ఫోన్లు ఆండ్రాయిడ్ 16 ఆధారంగా OriginOS 6తో నడుస్తాయి. ఇంటర్‌ఫేస్ చాలా సరళంగా మరియు ఆధునికంగా ఉంటుంది. మిడియాటెక్ డైమెన్సిటీ 6300 చిప్‌సెట్ ఉపయోగించడం వల్ల రోజువారీ పనులు, మల్టీటాస్కింగ్ సులభంగా జరుగుతాయి. Y21 5Gలో 8GB వరకు ర్యామ్ ఉండగా, Y11 5Gలో 4GB RAM ఉంది. రెండింటిలోనూ 128GB వరకు ఇంటర్నల్ స్టోరేజ్ ఉంది.

కెమెరా ఫీచర్లు

వివో Y21 5Gలో 50MP ప్రైమరీ రియర్ కెమెరా ఉంది. ఇది వివరాలతో కూడిన స్పష్టమైన ఫోటోలు తీస్తుంది. Y11 5Gలో 13MP రియర్ కెమెరా ఉంది, ఇది సాధారణ ఫోటోగ్రఫీకి సరిపోతుంది. రెండు ఫోన్లలోనూ 5MP ఫ్రంట్ కెమెరా ఉంది. నైట్, పోర్ట్రెయిట్, ప్రో, టైమ్-లాప్స్, లైవ్ ఫోటో వంటి మోడ్‌లు ఉన్నాయి.

Also Read: ఇండియాలో అత్యధికంగా అమ్ముడుపోయే వాషింగ్ మెషిన్స్.. బడ్జెట్‌లో 5-స్టార్ రేటింగ్‌తో బెస్ట్ ఇవే

బ్యాటరీ, ఛార్జింగ్

రెండు ఫోన్లలోనూ పెద్ద 6,500mAh బ్యాటరీ ఉంది. ఒక్కసారి ఛార్జ్ చేస్తే రోజంతా సులభంగా ఉపయోగించవచ్చు. Y21 5G 44W ఫాస్ట్ ఛార్జింగ్‌కు మద్దతు ఇస్తుంది. Y11 5G 15W ఛార్జింగ్‌తో వస్తుంది.

కనెక్టివిటీ, సెక్యూరిటీ

5G, 4G LTE, Wi-Fi, బ్లూటూత్ 5.4, GPS సపోర్ట్ ఉన్నాయి. USB Type-C పోర్ట్ ఉంది. సెక్యూరిటీ కోసం సైడ్-మౌంటెడ్ ఫింగర్‌ప్రింట్ సెన్సార్ ఉంది. ఇది త్వరగా, సురక్షితంగా ఫోన్ అన్‌లాక్ చేస్తుంది.

వివో తన బడ్జెట్ స్మార్ట్‌ఫోన్ లైనప్‌ను మరింత విస్తరిస్తోంది. Y21 5G, Y11 5G బలమైన బ్యాటరీ లైఫ్, డ్యూరబుల్ డిజైన్ రోజువారీ అవసరాలకు తగిన ఫీచర్లతో వచ్చాయి. సాధారణ యూజర్లు, బడ్జెట్‌లో మంచి ఫోన్ కావాలనుకునేవారికి ఈ ఫోన్ చాలా మంచి ఆప్షన్స్.

ముఖ్య గమనిక: ఈ కథనంలో పేర్కొన్న వివో స్మార్ట్‌ఫోన్ ధరలు.. ఆ కంపెనీలు, ఈ కామర్స్ ప్లాట్‌ఫామ్స్ ఇచ్చే ఆఫర్లపై ఆధారపడి ఉంటాయి. ఫోన్ ఫీచర్లు, ధరలు కస్టమర్లు జాగ్రత్తగా పరిశీలించి కొనుగోలు చేయాలని సూచన. మీరు కొనుగోలు చేసే సమయానికి ఈ కథనంలో పేర్కొన్న వివో ఫోన్ల ధరలు మారిపోయి ఉండవచ్చు. ఈ విషయాలకు ‘బిగ్ టీవీ’ బాధ్యత వహించదు.

Share

• 
• 
• 
• 
• 
•