Preity Zinta: ఇండియన్ ప్రీమియర్ లీగ్ 2026 టోర్నమెంట్ నేపథ్యంలో పంజాబ్ కింగ్స్ పరిస్థితి అత్యంత దారుణంగా తయారయింది. టోర్నమెంట్ ప్రారంభంలో వరుసగా 6 విజయాలను నమోదు చేసుకున్న పంజాబ్ కింగ్స్… అందరికంటే ముందు ప్లే ఆఫ్స్ లోకి దూసుకు వెళ్తుందని అందరూ అనుకున్నారు. కానీ టోర్నమెంట్ మధ్యలోకి వచ్చేసరికి సీన్ రివర్స్ అయింది. పంజాబ్ కింగ్స్ వరుసగా 6 మ్యాచ్ లలో ఓటమిపాలై, ఇప్పుడు ప్లే ఆఫ్స్ లోకి వచ్చేది కూడా డౌట్ గానే మారిపోయింది. చేతిలో ఉన్న మరో మ్యాచ్ లో కచ్చితంగా పంజాబ్ కింగ్స్ గెలవాల్సిన పరిస్థితి ఉంది. అది పోతే.. ఇంటి దారి పట్టాల్సిందే.
ఇండియన్ ప్రీమియర్ లీగ్ 2026 టోర్నమెంట్ లో భాగంగా రాయల్ ఛాలెంజర్స్ బెంగళూరు వర్సెస్ పంజాబ్ కింగ్స్ మధ్య ధర్మశాల వేదికగా బిగ్ ఫైట్ జరిగింది. హోమ్ గ్రౌండ్ అయినప్పటికీ పంజాబ్ కింగ్స్ ప్లేయర్లు చిత్త ప్రదర్శన కనబరిచారు. బ్యాటింగ్ అదే సమయంలో బౌలింగ్లో విఫలమయ్యారు. దీంతో తప్పక గెలవాల్సిన ఈ మ్యాచ్లో రాయల్ ఛాలెంజర్స్ బెంగళూరు చేతిలో ఏకంగా 23 పరుగుల తేడాతో చిత్తుగా ఓడారు పంజాబ్ ప్లేయర్లు. ఈ మ్యాచ్ లో బెంగుళూరు 222 పరుగులు చేయగా.. ఈ లక్ష్యాన్ని చేదించే క్రమంలో చేతులెత్తేశారు పంజాబ్ ఆటగాళ్లు. దీంతో బెంగుళూరు నేరుగా ప్లే ఆఫ్స్ లోకి దూసుకు వెళ్ళింది. ఇటు పంజాబ్ పరిస్థితి అత్యంత దారుణంగా తయారయింది.
అయితే ఈ మ్యాచ్ లో ఓడిపోయినందుకు గాను పంజాబీ కింగ్స్ ఓనర్ ప్రీతి జింటా ( Preity Zinta) చాలా అసహనంతో కనిపించారు. మ్యాచ్ పూర్తికాగానే కెప్టెన్ శ్రేయాస్ అయ్యర్ (Shreyas Iyer) దగ్గరకు వెళ్లి అతనికి క్లాస్ పీకినట్లు తెలుస్తోంది. గట్టిగా అరుస్తూ.. శ్రేయస్ అయ్యర్ కు గడ్డి పెట్టినట్లు వార్తలు వైరల్ అవుతున్నాయి. ముందుగా ఆరు మ్యాచ్ లు గెలిచి.. ఇప్పుడు అరడజన్ మ్యాచ్ లు ఓడిపోవడం ఏంటని శ్రేయస్ అయ్యర్ ను ప్రశ్నించినట్లు తెలుస్తోంది. దీంతో శ్రేయస్ అయ్యర్ కు ప్రీతి జింటా వార్నింగ్ ఇచ్చిన ఫోటోలు అలాగే వీడియోలు వైరల్ అవుతున్నాయి. అచ్చం లక్నో ఓనర్ సంజీవ్ గోయెంకా తరహాలోనే ప్రీతి జింటా రెచ్చిపోయిందని కామెంట్స్ వినిపిస్తున్నాయి.
ఇప్పటికైనా పంజాబ్ కింగ్స్ ప్లే ఆఫ్స్ చేరే అవకాశాలు ఉన్నాయి. ఇవాళ చెన్నై సూపర్ కింగ్స్ తో సన్ రైజర్స్ హైదరాబాద్ విజయం సాధిస్తే కీలక పరిణామాలు చోటు చేసుకుంటాయి. సన్ రైజర్స్ హైదరాబాద్ అలాగే గుజరాత్ టైటాన్స్‌ నేరుగా ప్లే ఆఫ్స్ లోకి దూసుకు వెళ్తాయి. ఈ క్రమంలో పంజాబ్ కింగ్స్ తన చివరి లీగ్ మ్యాచ్ లో కచ్చితంగా గెలవాలి. రాజస్థాన్ రాయల్స్, చెన్నై సూపర్ కింగ్స్ లు ఒక్కో మ్యాచ్ ఓడిపోవాలి. అప్పుడే పంజాబ్ కింగ్స్ కు ప్లే ఆఫ్స్ ఛాన్స్ ఉంటుంది. లేకపోతే అస్సామే.
Heated argument between PBKS owner Preity Zinta with Shreyas Iyer , 6 humiliating losses 🤯 pic.twitter.com/VDKCk7slYL
— Harshit (@I_am_Harshit_17) May 17, 2026
Share
ఇంట్లో ఒక్కసారిగా చీమలు, పురుగులు వస్తున్నాయా? జీవితంలో కష్టాలు రాబోతున్నట్లే
Today Movies in TV : సోమవారం టీవీ సినిమాలు.. వీటిని మిస్ అవ్వొద్దు..
