Irfan Khan Niaz: పాకిస్తాన్ యంగ్ క్రికెటర్ ఇర్ఫాన్ ఖాన్ నియాజీ (Irfan Khan Niaz) పోలీసులకు దొరికిపోయాడు. ఇస్లామాబాద్ హైవేపై వెళ్తుండగా అతని కారును ట్రాఫిక్ పోలీసులు ( traffic police), నడిరోడ్డుపైన ఆపేశారు. క్రికెటర్ గుర్తించని ట్రాఫిక్ పోలీస్ అధికారి… సీట్ బెల్ట్ ఎందుకు పెట్టుకోలేదని కడిగిపారేశాడు. ఆ తర్వాత అతడు క్రికెటర్ అని తెలుసుకొని.. మరింత రెచ్చిపోయి ప్రవర్తించాడు. ఈ సంఘటన శుక్రవారం మధ్యాహ్నం చోటు చేసుకోగా… ఇప్పుడు సోషల్ మీడియాలో వైరల్ గా మారింది. ఈ సంఘటన చూసిన క్రికెట్ అభిమానులు నవ్వుకుంటున్నారు. పాకిస్తాన్ పోలీసులు కూడా గుర్తించ‌లేని స్థితిలో అక్కడి క్రికెట‌ర్లు ఉన్నారంటూ దారుణంగా ట్రోల్స్ చేస్తున్నారు.
పాకిస్తాన్ క్రికెట్ అంటేనే జోక్ అయిపోయింది. నిత్యం సోషల్ మీడియాలో పాకిస్తాన్ క్రికెటర్ల గురించి చర్చ జరుగుతూనే ఉంటుంది. వాళ్లు చేసే చేష్టలపై దారుణంగా ట్రోలింగ్ కూడా జరుగుతుంది. పాకిస్తాన్ సూపర్ లీగ్ 2026 టోర్నమెంట్ మొన్నటి వరకు జరగగా… రోజుకో అరుదైన సంఘటన చోటుచేసుకుంది. ఇంకా ఇప్పుడు బంగ్లాదేశ్ వర్సెస్ పాకిస్తాన్ మధ్య టెస్ట్ సిరీస్ ప్రారంభమైనప్పటికీ కూడా ఈ ట్రోలింగ్ ఏ మాత్రం తగ్గడం లేదు. ఇలాంటి క్రమంలో పాకిస్తాన్ క్రికెటర్ ఇర్ఫాన్ ఖాన్ నియాజీ పోలీసులకు అడ్డంగా దొరికిపోయాడు.
శుక్రవారం అయిన నేపథ్యంలో జాలీగా గడిపేందుకు తన స్నేహితులతో కలిసి కారులో జర్నీ చేశాడు. ఇస్లామాబాద్ హైవే వేదికగా కారులో ప్రయాణించాడు. అయితే ఈ క్రమంలో అతడు క్రికెటర్ అని తెలియక పోలీసులు ఆపేశారు. సీట్ బెల్ట్ ఎందుకు పెట్టుకోలేదని నిలదీశారు. ఈ క్రమంలోనే తన క్రికెటర్ అంటూ ఇర్ఫాన్ ఖాన్ నియాజీ… అక్కడి పోలీసులకు తెలియజేశాడు. క్రికెటర్ అని తెలిసిన తర్వాత అక్కడ ఉన్న ట్రాఫిక్ పోలీస్ మరింత రెచ్చిపోయాడు. క్రికెటర్ అయితే ఏంటి ? నువ్వు కూడా మనిషివే కదా అంటూ నిలదీసే ప్రయత్నం చేశాడు. ఆ తర్వాత ఏ జట్టుకు ఆడుతున్నావ్ ? అంటూ కూపి లాగాడు. ఈ సంఘటనకు సంబంధించిన వీడియో వైరల్ గా మారింది. ఈ వీడియోను చూసిన క్రికెట్ అభిమానులు నవ్వుకుంటున్నారు.
ఇర్ఫాన్ ఖాన్ నియాజీ పాకిస్తాన్ సూపర్ లీగ్ 2026 టోర్నమెంట్లో ఆడిన సంగతి తెలిసిందే. హైదరాబాద్ కింగ్స్ మెన్ జట్టుకు ప్రాతినిధ్యం వహించాడు. 2025లో జరిగిన ఏషియా కప్ రైసింగ్ స్టార్స్ టోర్నమెంట్ లో పాకిస్తాన్ షహిన్స్ జట్టుకు కెప్టెన్ గా కూడా వ్యవహరించాడు. 2002 డిసెంబర్ 28వ తేదీన పంజాబ్ లో జన్మించిన మహమ్మద్ ఇర్ఫాన్ ఖాన్ నియాజీ… ఇప్పుడిప్పుడే ఎదుగుతున్నాడు. త్వరలోనే పాకిస్తాన్ జట్టులోకి కూడా పూర్తి స్థాయిలో సెటిల్ కానున్నాడు.
Also Read: PAK VS BAN: షాహీన్ అఫ్రిదిపై ట్రోల్స్…కృనాల్ పాండ్యా కంటే స్లోగా బౌలింగ్ చేస్తున్నాడంటూ
🚨Irfan Khan Niazi was stopped by traffic police for not wearing a seat belt 🚨
Watch the video to see what happened next pic.twitter.com/Z0y1MoxSA2
— Talha Nawaz (@TalhaDigital007) May 9, 2026
Share
బండి కుమారుడిపై హనీట్రాప్.. రూ.5 కోట్లు బ్లాక్ మెయిల్.. పోలీసులకు ఫిర్యాదు!
రావి చెట్టు ఇంట్లో ఉండకూడదని ఎందుకు అంటారు? అసలు నిజం తెలిస్తే షాక్ అవుతారు
