ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి చేసిన ట్వీట్ కు తెలంగాణ ముఖ్యమంత్రి రేవంత్ రెడ్డి X వేదికగా రిప్లై ఇచ్చారు. తెలుగు రాష్ట్రం ఆంధ్రప్రదేశ్ తో పాటు పొరుగు రాష్ట్రాలతో స్నేహభావం ఉండాలని కోరుకుంటున్నట్లు రేవంత్ తెలిపారు. ఆయా రాష్ట్రాల అభివృద్ధిలో పరస్పర సహకారాన్ని కోరుకుంటున్నట్లు పేర్కొన్నారు. తెలంగాణ నూతన ముఖ్యమంత్రి ఎనుముల రేవంత్ రెడ్డి గురువారం ప్రమాణ స్వీకారం చేయగా.. ఏపీ సీఎం జగన్ శుభాకాంక్షలు తెలిపారు.
“తెలంగాణలో కొలువుదీరిన కొత్త ప్రభుత్వానికి అభినందనలు. ప్రమాణస్వీకారం చేసిన ముఖ్యమంత్రి రేవంత్ రెడ్డి గారికి, డిప్యూటీ సీఎం భట్టి విక్రమార్క గారికి, మంత్రులకు శుభాకాంక్షలు. రెండు తెలుగు రాష్ట్రాల మధ్య సోదరభావం, సహకారం పరిఢవిల్లాలని మనస్ఫూర్తిగా కోరుకుంటున్నాను.” అని ఏపీ సీఎం చేసిన ట్వీట్ పై.. తెలంగాణ సీఎం రేవంత్ రెడ్డి స్పందించారు.
“శుభాకాంక్షలు తెలిపిన ఆంధ్రప్రదేశ్ ముఖ్యమంత్రి శ్రీ జగన్ మోహన్ రెడ్డి గారికి ధన్యవాదాలు. సాటి తెలుగు రాష్ట్రమైన ఆంధ్రప్రదేశ్ తో పాటు, పొరుగు రాష్ట్రాలతో స్నేహభావం.. అభివృద్ధిలో పరస్పర సహకారాన్ని తెలంగాణ ప్రభుత్వం ఆకాంక్షిస్తోంది.” అని రేవంత్ X లో రిప్లై ఇచ్చారు.
Share
Praja Darbar : ప్రజా దర్బార్‌ ప్రారంభం.. ప్రజల నుంచి స్వయంగా అర్జీలు స్వీకరిస్తున్న సీఎం..
CM Jagan Mohan Reddy : తుపాను ప్రభావిత ప్రాంతాలకు సీఎం జగన్.. ఆ రెండు జిల్లాల్లో పర్యటన..
