Prabhakar Rao Surrender: ఫోన్ ట్యాపింగ్ కేసులో కీలక మలుపు తిరిగింది. మాజీ SIB చీఫ్ ప్రభాకర్ రావు ఈరోజే సిట్ ముందు సరెండర్ కానున్నారు. సుప్రీంకోర్టు స్పష్టమైన ఆదేశాలు ఇవ్వడంతో.. ఈ కేసు వేగంగా కీలక దశలోకి అడుగుపెట్టింది.
ఫోన్ ట్యాపింగ్ కేసులో ముందస్తు బెయిల్ కోరుతూ.. ప్రభాకర్ రావు గతంలో సుప్రీంకోర్టును ఆశ్రయించిన విషయం తెలిసిందే. అయితే ధర్మాసనం ఆయన అభ్యర్థనను పరిశీలించిన తర్వాత ముందస్తు బెయిల్ నిరాకరించి, ఆయన తప్పనిసరిగా దర్యాప్తు అధికారుల ముందు హాజరుకావాలని ఆదేశించింది.
ప్రభాకర్ రావు నేడు జూబ్లీహిల్స్ పోలీస్ స్టేషన్లోని ఫోన్ ట్యాపింగ్ కేసు విచారణాధికారి, ఏసీపీ వెంకటగిరి ఎదుట హాజరవుతారని సమాచారం. సరెండింగ్ అనంతరం ఆయనను సిట్ అధికారికంగా అరెస్ట్ చేసే అవకాశాలు ఉన్నాయి.
తాజా పరిణామాలతో ప్రభాకర్ రావు అరెస్టు ఇప్పుడు దాదాపు ఖాయమే అనే అభిప్రాయం న్యాయవర్గాల్లో వినిపిస్తోంది. ఈ కేసులో ప్రభాకర్ రావును సిట్ ప్రధాన సూత్రధారిగా పరిగణిస్తోంది. ఫోన్ ట్యాపింగ్ వివాదం బయటపడిన తరువాత, ఆయన పాత్రపై సిట్ అనేక అనుమానాలు వ్యక్తం చేసింది. ఖచ్చితమైన ఆధారాలను సేకరించేందుకు గతంలో పలుమార్లు నోటీసులు జారీ చేసినప్పటికీ, గతంలో ట్యాపింగ్ విచారణలో ప్రభాకర్ రావు సిట్కు.. సరైన సమాధానాలు వెల్లడించడం లేదని అధికారులు తెలిపారు. అతడి ఐ ఫోన్ డేటా సైతం డిలిట్ చేశారని సిట్ అధికారులు తెలిపారు.
ఈ కేసులో గతంలో అరెస్ట్ అయ్యి బెయిల్ పై బయటికి వచ్చిన వారు.. మాజీ టాస్క్ఫోర్స్ DCP రాధాకిషన్ రావు, తిరుపతన్న, ప్రణీత్ రావుఈ ముగ్గురినీ సిట్ అనేకసార్లు ప్రశ్నించింది. కాగా సుప్రీంకోర్టు అనుమతి ఇచ్చిన నేపధ్యంలో, సిట్ ఇప్పుడు ప్రభాకర్ రావుపై కస్టోడియల్ దర్యాప్తు చేసే అవకాశం ఉంది. ఆ విచారణలో ఏమైనా కొత్త వివరాలు వెలికి తీయగలదా? ఫోన్ ట్యాపింగ్ వెనుక ఉన్న అసలు ఉద్దేశం ఏమిటి?
ఎవరెవరికి ఈ వ్యవహారంపై స్పష్టమైన సమాచారం ఉంది? అన్న అంశాలు బయటపడే అవకాశముందని అధికారులు భావిస్తున్నారు.
Share
Special Trains: తిరుమల వెళ్లే వారికి రైల్వే శాఖ గుడ్ న్యూస్.. హైదరాబాద్ నుంచి ప్రత్యేక రైళ్లు.. ఈ రూట్లలో పొడిగింపు
Podarillu Today Episode : మహాకు షాకిచ్చిన పెళ్ళికొడుకు.. పెళ్లిచూపుల్లో గారెలు వేసిన మాధవ్..ఈ పెళ్లి క్యాన్సిలా..?
