Viveka murder latest news(Breaking news in Andhra Pradesh) : ముందస్తు బెయిల్ కోసం ఎంపీ అవినాష్‌రెడ్డి చేయని ప్రయత్నమంటూ లేదు. ఆయనకు ఎలాగైనా బెయిల్ రాకుండా చేసేందుకు సునీతారెడ్డి సైతం అంతకంటే ఎక్కువే ట్రై చేశారు. అవినాష్ ఏ కోర్టుకు వెళితే ఆ కోర్టుకు వెళుతూ.. బెయిల్ ఇవ్వొద్దంటూ పిటిషన్లు వేశారు. తెలంగాణ హైకోర్టులో ఎట్టకేళకు అవినాష్‌రెడ్డికి కండిషనల్ ముందస్తు బెయిల్ రావడంతో ఆయన ఊపిరిపీల్చుకున్నారు.
అవినాష్‌కు ఇలా బెయిల్ వచ్చిందో లేదో.. అలా హైకోర్టులోుు మెమో దాఖలు చేశారు సునీత. గతంలో ముందస్తు బెయిల్ విచారణ సందర్భంగా.. అవినాష్ తల్లికి ఆరోగ్యం బాగాలేదని కోర్టుకు తెలిపారు అవినాష్ తరఫు లాయర్. ఒకవేళ అనారోగ్యం విషయం తప్పైతే చర్యలు తీసుకోవాలని గత విచారణలో కోర్టుకు తెలిపారు అతని తరఫు న్యాయవాది.
అయితే, అవినాష్ తల్లికి ఎలాంటి సర్జరీ జరగలేదని.. కోర్టుకు తప్పుడు సమాచారం ఇచ్చిన అవినాష్‌పై, అతని తరఫు న్యాయవాదిపై చర్యలు తీసుకోవాలంటూ తాజాగా మెమో ఫైల్ చేశారు సునీత.