Taraka Ratna: తారకరత్న ఇంకా ప్రాణాలతో పోరాడుతూనే ఉన్నారు. నాలుగు రోజులుగా ఎలాంటి బెటర్ మెంట్ లేదు. బెంగళూరు నారాయణ నారాయణ హృదయాలయ వైద్యులు అత్యున్నత స్థాయి వైద్యం అందిస్తున్నా.. తారకరత్నలో పెద్దగా బెటర్ మెంట్ లేదంటున్నారు డాక్టర్లు. ఆయన ఆరోగ్య పరిస్థితి ఇప్పటికీ విషమంగానే ఉందంటూ.. తాజా హెల్త్ బులెటిన్ రిలీజ్ చేశారు.
తారకరత్నకు వెంటిలేటర్ పై చికిత్స కొనసాగుతోందని వైద్యులు తెలిపారు. అయితే, ఎక్మో సపోర్ట్ మీద ఉన్నారంటూ మొదటి నుంచీ వార్తలు వస్తుండగా.. అలాంటిదేమీ లేదంటూ లేటెస్ట్ హెల్త్ బులెటిన్ లో స్పష్టత ఇచ్చారు. తారకరత్న పరిస్థితిని, అందిస్తున్న చికిత్సపై ఎప్పటికప్పుడు కుటుంబ సభ్యులకు వివరిస్తున్నామని చెప్పారు.
నందమూరి ఫ్యామిలీ మెంబర్స్ బెంగళూరు హాస్పిటల్ లోనే ఉన్నారు. మధ్యాహ్నం నందమూరి రామకృష్ణ మాట్లాడుతూ.. తారకరత్న అవయవాలు చికిత్సకు స్పందిస్తున్నాయని చెప్పారు. సొంతంగా ఆక్సిజన్ కొంత తీసుకుంటున్నారని వివరించారు. CT స్కాన్ రిపోర్ట్ వచ్చాక బ్రెయిన్ పని తీరు ఎలా ఉందో తెలుస్తుందని చెప్పారు. అయితే, వైద్యుల తాజా అప్ డేట్ లో బ్రెయిన్ ఫంక్షన్ పై ఎలాంటి వివరణ లేదు.
Share
Radio Astronomy:ఆస్ట్రానమీలో కొత్త అధ్యయనం.. అబ్జర్వేటరీ సాయంతో..
KotamReddy: కోటంరెడ్డి దారెటు? వెళ్లి పోతారా? వెళ్ల గొడతారా?
