TG Government – Juda Strike: మంత్రి దామోదర హామీ.. సమ్మె విరమించిన జూనియర్ డాక్టర్లు..

TG Government main Decision on Juda Strike: తమ డిమాండ్లను పరిష్కరించాలని మూడురోజులుగా తెలంగాణ వ్యాప్తంగా విధులు బహిష్కరించి నిరసనలు చేస్తున్న జూనియర్ డాక్టర్లకు రేవంత్ ప్రభుత్వం గుడ్ న్యూస్ చెప్పింది. జూడాల సమస్యల పరిష్కారానికి ప్రభుత్వం కీలక నిర్ణయం తీసుకుంది. జూడాలకు ఇచ్చిన హామీలపై తెలంగాణ ప్రభుత్వం జీఓ విడుదల చేసింది.

ఉస్మానియా, గాంధీ ఆస్పత్రిలో వసతి గృహాల నిర్మాణానికి నిధులు విడుదల చేసింది. కాకాతీయ మెడికల్ కాలేజీలో రోడ్ల పునరుద్ధరణకు నిధులు విడుదల చేస్తూ తెలంగాణ సర్కార్ జీఓ విడుదల చేసింది.

తెలంగాణ జూనియర్ డాక్టర్లకు ఇచ్చిన రెండు హామీలపై ప్రభుత్వం జీఓ రిలీజ్ చేసింది. ఉస్మానియా, గాంధీ ఆస్పత్రితోపాటు కాకతీయ వైద్య కళాశాలలకు మొత్తం రూ.204.85 కోట్లు మంజూరు చేసింది. ప్రభుత్వంతో జూనియర్ డాక్టర్ల చర్చలు సఫలం కావడంతో జూడాలు సమ్మె విరమించారు. జూడాల సమస్యలు పరిష్కరించడంతోపాటు స్టైఫండ్ సకాలంలో అందేలా చూస్తామని మంత్రి దామోదర రాజనర్సింహా హామీ ఇచ్చారు.

Share

• 
• 
• 
• 
• 
•