Faima Struggles: జబర్దస్త్ ఫైమా అంటే తెలియని తెలుగు ప్రేక్షకులు ఉండరు. బుల్లితెరపై తనదైన కామెడీ టైమింగ్‌తో అందరినీ నవ్వించే ఈ కమెడియన్, తెర వెనుక మాత్రం ఎన్నో కన్నీటి గాథలను దాచుకుంది. ఇటీవల ఇచ్చిన ఒక ఇంటర్వ్యూలో ఆమె తన కుటుంబం, ఆర్థిక స్థితిగతులు మరియు ప్రస్తుతం తాను ఎదుర్కొంటున్న మానసిక సంఘర్షణ గురించి సంచలన వ్యాఖ్యలు చేసింది.
ఒకప్పుడు తినడానికి తిండి లేక, కనీసం కూరలు కూడా కొనే స్తోమత లేని స్థితి నుంచి ఫైమా ప్రయాణం మొదలైంది. స్కూల్‌లో పెట్టే మధ్యాహ్న భోజనం కోసం ఆశగా ఎదురుచూసే పరిస్థితి నుంచి, నేడు కోట్ల మంది అభిమానించే స్థాయికి ఆమె చేరుకుంది. “మా ఇంట్లో అన్నం లేక నూకలు తిన్న రోజులు ఉన్నాయి. పక్కింటి వారు ఇచ్చే పచ్చడితో కడుపు నింపుకునే వాళ్ళం” అని ఆమె తన గతాన్ని గుర్తు చేసుకున్నారు. ఆ కష్టాలే ఆమెను కష్టపడి సంపాదించేలా ప్రేరేపించాయి.
సాధారణంగా డబ్బు వస్తే కష్టాలు తీరతాయని అందరూ భావిస్తారు. కానీ ఫైమా విషయంలో అది రివర్స్ అయింది. డబ్బు రాకముందు ఉన్న ప్యూర్ లవ్ (స్వచ్ఛమైన ప్రేమ), డబ్బు వచ్చిన తర్వాత మాయమైందని ఆమె ఆవేదన వ్యక్తం చేశారు. ముఖ్యంగా తన తండ్రి ప్రవర్తన పట్ల ఆమె తీవ్ర అసంతృప్తిని వ్యక్తం చేశారు. తాను ఎంతో కష్టపడి సంపాదిస్తుంటే, తన తండ్రి ఆ డబ్బును విచ్చలవిడిగా ఖర్చు చేస్తున్నారని ఆమె పేర్కొన్నారు. “నేను ఇప్పటికీ 5 వేలు లేదా 10 వేల రూపాయల ఖరీదైన డ్రెస్సులు వేసుకోను. నా కోసం నేను ఏమీ ఆశించను. కానీ నేను ఎవరి కోసం ఇంత కష్టపడుతున్నానో, వారే నా శ్రమను గుర్తించకపోవడం బాధగా ఉంది” అని ఆమె తెలిపారు.
Read also-Intinti Ramayanam Today Episode: అవనిని క్షమించిన రాజేశ్వరి.. పల్లవికి షాక్.. ఇదేం ట్విస్ట్..
డబ్బు ఉన్నప్పుడు రెస్పెక్ట్ పెరుగుతుంది కానీ, బంధాల్లో లోతు తగ్గుతుందని ఫైమా అభిప్రాయపడ్డారు. ప్రస్తుతం తాను ఎదుర్కొంటున్న అతిపెద్ద సవాలు బయటి వారు కాదు, తన సొంత ఇంట్లోని వారేనని ఆమె కుండబద్దలు కొట్టారు. “డబ్బు వచ్చిన తర్వాత నా పేరు అందరికీ వినిపిస్తోంది, కానీ నా లోపల ఉన్న బాధ మాత్రం ఎవరికీ కనిపించడం లేదు” అని ఆమె చేసిన వ్యాఖ్యలు ప్రతి ఒక్కరినీ ఆలోచింపజేస్తున్నాయి. ఎంతో కష్టపడి ఈ స్థాయికి వచ్చిన ఫైమా, తన కుటుంబం పట్ల ఉన్న బాధ్యతతోనే కెరీర్‌లో ముందుకు సాగుతున్నారు. అయితే, ప్రాథమిక అవసరాలు తీరిన తర్వాత మనుషులు గతాన్ని మర్చిపోయి ప్రవర్తించడం తనను బాధిస్తోందని ఆమె చెప్పారు. ఒక వ్యక్తి ఎంత ఎదిగినా మూలాలను మర్చిపోకూడదని, కష్టపడే వ్యక్తి మనోభావాలను గౌరవించాలని ఫైమా మాటలు మనకు గుర్తు చేస్తున్నాయి.
Share
Weekly Horoscope April 12 To April 18: ఈ వారం ఆ మూడు రాశుల వారికి పట్టిందల్లా బంగారంలా ఉంటుందట
Gundeninda GudiGantalu Today episode: హమ్మయ్య... రోహిణి సేఫ్.. గుణ పై బాలుకు అనుమానం.. పాపం మీనా...
