Mad For Each Other:
తెలుగు టెలివిజన్‌లో ఇప్పటికే ఎన్నో రియాలిటీ షోలు వచ్చాయి. అందులో ముఖ్యంగా బిగ్‌బాస్ తెలుగు మంచి పేరు సంపాదించింది. ప్రతి సీజన్‌ కూడా ప్రేక్షకులను బాగా ఆకట్టుకుంటూ వస్తోంది. అయితే ఇప్పుడు అదే స్థాయిలో ప్రేక్షకులను ఆకర్షించేలా మరో కొత్త రియాలిటీ షో రాబోతోంది. ఆ షో పేరు ‘మ్యాడ్ ఫర్ ఈచ్ అదర్’.ఈ షోకు ప్రముఖ యాంకర్ శ్రీముఖి హోస్ట్‌గా వ్యవహరిస్తోంది.
ఈ కార్యక్రమం స్టార్ మా ఛానెల్‌లో ప్రసారం కానుంది. అలాగే జియో హాట్‌స్టార్‌లో కూడా స్ట్రీమింగ్ ఉండనుంది. ఈ షోలో మొత్తం పది సెలబ్రిటీ జంటలు పాల్గొంటున్నారు. వారిని ఒకే ఇంట్లో ఉంచి వారి మధ్య ఉన్న ప్రేమ, నమ్మకం, అనుబంధాన్ని పరీక్షించే విధంగా టాస్క్‌లు నిర్వహిస్తారు.
ఈరోజు విడుదలైన ప్రోమో ప్రేక్షకుల్లో ఆసక్తిని పెంచింది. ఆ ప్రోమోలో ప్రతి జంట తమ ప్రేమ కథలను, జీవితంలో ఎదురైన కష్టాలను చెప్పుకున్నారు. కొన్ని జంటలు తమ మధ్య జరిగిన చిన్న చిన్న గొడవలను కూడా వెల్లడించారు. ఈ కారణంగా ఈ ప్రోమో సోషల్ మీడియాలో వైరల్ అవుతోంది.
ప్రోమోలో ముఖ్యంగా నటరాజ్ మాస్టర్ తన ప్రేమ కథను చెప్పిన విధానం చాలా మందిని ఆకట్టుకుంది. తన జీవితంలో ప్రేమ ఎలా మొదలైంది, ఎలాంటి పరిస్థితులు ఎదురయ్యాయి అనే విషయాలను ఆయన ఎమోషనల్‌గా వివరించారు. అలాగే మరో జంట అయిన సాండ్రా – మహేష్ మధ్య జరిగిన భావోద్వేగ సంభాషణ కూడా ప్రేక్షకులను ఆకట్టుకుంది. ముఖ్యంగా సాండ్రా భర్త చెప్పిన ఎమోషనల్ మాటలు ప్రోమోలో హైలైట్‌గా నిలిచాయి. అంతేకాదు నూకరాజు మాట్లాడుతూ తను ఎంత కోపంగా ఉన్న.. ఆసియా తనను ప్రేమగా చూసుకుంటుందని.. తనకు నేను.. నాకు తను.. మా కోసం ఎవ్వరూ రారు అంటూ ఎమోషనల్ అయ్యారు.
ఈ షోలో పాల్గొంటున్న జంటల్లో శివ–ప్రియాంక జైన్, నూకరాజు–ఆసియా, వసంతి–కళ్యాణ్, జాను–భాను, బింటూ–సంధ్య, సోనియా–సిద్దు, సాండ్రా–మహేష్, నీతూ–నటరాజ్, హరిత–హరీష్, అంజలి–పవన్ వంటి జంటలు ఉన్నారు. వీరు పదివారాల పాటు ఒకే ఇంట్లో కలిసి ఉండబోతున్నారు.
ఈ కార్యక్రమానికి దర్శకుడు అనిల్ రావిపూడి, అలాగే సీనియర్ నటీమణులు లయ.. రాధా జడ్జీలుగా వ్యవహరిస్తున్నారు. జంటల మధ్య జరిగే టాస్కులు, భావోద్వేగ క్షణాలు, ప్రేమపూరిత సంఘటనలు ప్రేక్షకులను ఆకట్టుకునేలా ఉంటాయని చెబుతున్నారు.
మ్యాడ్ ఫర్ ఈచ్ అదర్ షో ప్రేమికుల కోసం ప్రత్యేకంగా రూపొందించిన రియాలిటీ షోగా కనిపిస్తోంది. ఈ షో ఎంతటి ఆదరణ పొందుతుందో, నిజంగా బిగ్‌బాస్‌కు పోటీగా నిలుస్తుందో చూడాలి. ప్రస్తుతం మాత్రం విడుదలైన ప్రోమోతోనే ఈ కార్యక్రమం సోషల్ మీడియాలో మంచి చర్చకు కారణమైంది.
ALSO READ: OTT Movies: ఓటీటీ ప్రియులకు బ్యాడ్ న్యూస్.. కొత్త సినిమాల స్ట్రీమింగ్ పై కఠిన నిబంధనలు..!
Share
Supreme Court: పార్టీ ఫిరాయింపుల ఎమ్మెల్యేల కేసు.. స్పీకర్ నిర్ణయాన్ని సుప్రీం సమర్థిస్తుందా?, రేపే కోర్టులో విచారణ
IPL 2026 schedule: ఐపీఎల్ 2026 తొలి ద‌శ షెడ్యూల్ వ‌చ్చేసింది..RCB, SRH మ‌ధ్య‌నే తొలి మ్యాచ్
