Tv Actress Sujitha: సినిమా ఇండస్ట్రీలో చైల్డ్ ఆర్టిస్ట్ గా పలు సినిమాలలో నటించి అనంతరం నటిగా బుల్లితెరపై, వెండితెరపై కొనసాగుతున్న వారిలో నటి సుజిత (Sujitha)ఒకరు. చిరంజీవి హీరోగా నటించిన పసివాడి ప్రాణం సినిమాలో చైల్డ్ ఆర్టిస్ట్ పాత్రలో నటించిన ఈమె అనంతరం చిరంజీవి జై చిరంజీవ సినిమాలో ఆయనకు చెల్లెలుగా నటించి ప్రేక్షకులను మెప్పించారు. ఇటీవల కాలంలో బుల్లితెర సీరియల్స్ లో నటిస్తూ ఎంతో బిజీగా సంగతి తెలిసిందే. వదినమ్మ సీరియల్ ద్వారా ఎంతో మంచి గుర్తింపు సంపాదించుకున్న సుజిత ప్రస్తుతం పలు సీరియల్స్ అలాగే బుల్లితెర కార్యక్రమాలలో పాల్గొంటూ బిజీగా ఉన్నారు.
సుజిత సినిమా ఇండస్ట్రీలో కొనసాగుతూ పెద్ద ఎత్తున ఆస్తులను కూడా కొనుగోలు చేశారని వార్తలు వచ్చాయి. ఇప్పటికే ఈమెకు చెన్నైలో ఖరీదైన ఆస్తులు ఉన్నాయని, హైదరాబాద్లో కూడా ఇటీవల ఐదు కోట్ల విలువ చేసే ఒక విల్లా కొనుగోలు చేశారు అంటూ సోషల్ మీడియాలో పెద్ద ఎత్తున వార్తలు హల్చల్ చేశాయి. ఇలా విల్లా కొనుగోలు చేసినట్టు వస్తున్నటువంటి వార్తలపై సుజిత స్పందించారు. తాజాగా సుజిత శ్రీముఖి (Sreemukhi)యాంకర్ గా కొనసాగుతున్న ఆదివారం విత్ స్టార్ మా పరివార్ (Aadivaram With starmaa Parivar) కార్యక్రమంలో పాల్గొన్నారు.
ఈ కార్యక్రమంలో సుజితతో పాటు మరికొంతమంది బుల్లితెర నటీనటులు పాల్గొని సందడి చేశారు. ఈ నేపథ్యంలోనే సోషల్ మీడియాలో వారి గురించి వచ్చిన రూమర్లపై స్పందించి అసలు నిజం చెప్పాలని శ్రీముఖి తెలిపారు. ఈ నేపథ్యంలోనే సుజిత హైదరాబాదులో ఐదు కోట్ల విలువైన విల్లా కొనుగోలు చేశారు అంటూ వచ్చిన రూమర్ పై స్పందించారు. సుజిత ఐదు కోట్ల విలువైన ఇల్లు కొని కనీసం గృహప్రవేశానికి కూడా మమ్మల్ని పిలవలేదు అంటూ శ్రీముఖి మాట్లాడటంతో వెంటనే సుజిత స్పందిస్తూ నేను కూడా వెళ్లలేదు అంటూ కౌంటర్ ఇచ్చారు.
ఇలా సోషల్ మీడియాలో తాను ఐదు కోట్ల రూపాయల విలువ చేసే ఇల్లు కొన్నాను అంటూ వచ్చిన వార్తలలో ఏ మాత్రం నిజం లేదని సుజిత ఈ సందర్భంగా క్లారిటీ ఇచ్చారు. దీంతో ఈ వార్తలకు పూర్తిగా చెక్ పెట్టినట్టు అయింది. ఇక సుజిత సుమారు 50కి పైగా సీరియల్స్ లో నటించారని చెప్పాలి. తెలుగు తమిళ కన్నడ మలయాళ భాషలలో ఈమె సీరియల్స్ చేశారు తెలుగులో వదినమ్మ సీరియల్ తో పాటు సుందరాకాండ ,కలిసుందాం రా, కలవారి కోడలు, గంగోత్రి, ఏడడుగులు, స్వాతి చినుకులు ఆడవారి మాటలకు అర్థాలే వేరులే వంటి ఎన్నో సూపర్ హిట్ సీరియల్స్ లో నటించి ఎంతోమంది అభిమానులను సొంతం చేసుకున్నారు. ఇలా తెలుగులో మాత్రమే కాకుండా తమిళం, కన్నడ, మలయాళ,భాషలలో కూడా ఈమె ఎన్నో అద్భుతమైన సీరియల్స్ లో నటిస్తూ కెరియర్ పరంగా బిజీగా ఉన్నారు.
Also Read: సైలెంట్ అయిన పూరి స్లమ్ డాగ్.. విడుదల ఆలస్యానికి అదే కారణమా?
Share
పెళ్ళాం ఉండగానే పక్కచూపులు... చుక్కలు చూపించే బూచీ దెయ్యం
మోటార్ వెహికల్ ఇన్సూరెన్స్.. ఈ మినహాయింపులు మర్చిపోకండి!
