AP Home Minister Anitha Escapes from A Serious Accident: ఏపీ హోుం మంత్రి వంగలపూడి అనితకు పెను ప్రమాదం తప్పింది. విజయవాడ నుంచి పశ్చిమ గోదావరి జిల్లా కు వెళుతున్న ఏపీ హోం మంత్రి కాన్వాయ్ ఏలూరు వద్ద ఉంగుటూరు మండలం కైకరం వద్దకు రాగానే ఓ బైక్ మంత్రి కాన్వాయ్ కి అడ్డంగా రావడంతో దాని వెనుకే వస్తున్న మంత్రి కారు డ్రైవర్ సడెన్ బ్రేక్ వేయడంతో మంత్రికి స్వల్పగాయాలు అయ్యాయి. అయితే ఊహించని రీతిలో జరిగిన ఈ ప్రమాదంలో మంత్రి కారుతో సహా ముందున్న కాన్వాయ్ కూడా స్వల్పంగా దెబ్తతిన్నాయి. కాగా ఎవరికీ ఎటువంటి ప్రమాదకరమైన గాయాలు తగలకపోవడంతో మంత్రి భద్రతా సిబ్బంది ఊపిరి పీల్చుకున్నారు.
పోలీసుల దర్యాప్తు
మంత్రి అనితను మరో వాహనంలో ఎక్కించి అలంపురం పంపించారు. ప్రమాదానికి కారకుడైన యువకుడు, అతని బైక్ ను పోలీసులు స్వాధీనం చేసుకున్నట్లు సమాచారం. మంత్రి కాన్వాయ్ నే ఓవర్ క్రాస్ చేయడానికి కారణం ఏమైవుంటుంది? దీని వెనుక ఏదైనా కుట్ర కోణం ఉందా అని పోలీసులు దర్యాప్తును ముమ్మరం చేశారు. సోషల్ మీడియాలో మాత్రం వంగలపూడి అనిత క్షేమం అనే వార్తపై నెటిజన్లు స్పందిస్తున్నారు. అనిత మేడంకు పెద్ద ప్రమాదమే తప్పిందని..స్పీడ్, రాష్ డ్రైవింగ్ కింద ఆ యువకుడిని వెంటనే అదుపులోకి తీసుకోవాలని పోస్టింగులు పెడుతున్నారు.
Share
Mukesh Khanna: షారుఖ్ ఖాన్.. అందులో నటించొద్దు: శక్తిమాన్ హీరో ముఖేష్ ఖన్నా
POCO M6 5G Discount: పిచ్చెక్కించే ఆఫర్.. రూ.8,900లకే 5జీ ఫోన్.. ఎవరికీ చెప్పొద్దు మావా..!
