భోగాపురం నుంచి ఢిల్లీకి విమాన సర్వీసు.. పెరుగుతున్న కనెక్టివిటీ, ప్రయాణికుల్లో ఒకటే ఆనందం

Bhogapuram Airport: భోగాపురం ఎయిర్‌పోర్టు నుంచి దేశంలోని ప్రధాన నగరాలకు ఎయిర్ కనెక్టివిటీ ఉండేలా ప్లాన్ చేస్తోంది జీఎంఆర్ ఎయిర్‌పోర్టు. ఈ విషయంలో ఒక్కో అడుగు ముందుకేస్తోంది. తాజాగా భోగాపురం ఎయిర్‌పోర్టు నుంచి ఢిల్లీకి నేరుగా విమాన సర్వీసులు  ఆదివారం నుంచి మొదలుకానున్నాయి. ఈ విమానం ప్రతీ రోజూ నడవనుంది.

భోగాపురం నుంచి ఢిల్లీకి విమాన సర్వీసు

భోగాపురం అల్లూరి సీతారామరాజు ఇంటర్నేషనల్ ఎయిర్‌పోర్టు రాజధాని ఢిల్లీకి ఫస్ట్ టైమ్ నేరుగా విమాన సర్వీసు మొదలైంది. ఆకాశ ఎయిర్‌లైన్స్ ఈ సర్వీసులను ఆదివారం నుంచి అందుబాటులోకి తీసుకొచ్చింది. ఉత్తరాంధ్ర నుంచి ఢిల్లీకి ఇదే తొలిసారి డైరెక్ట్ విమానం. కొత్త సర్వీసు ప్రతిరోజూ ఉదయం 6:00 గంటలకు ఢిల్లీలో బయలుదేరుతుంది. ఉదయం 8:00 గంటలకు భోగాపురం ఎయిర్‌పోర్టుకు చేరుకుంటుంది.

ప్రతీరోజూ విమాన సర్వీసు, ప్రయాణికుల్లో ఆనందం

మరళ భోగాపురం నుంచి ఉదయం 8:30 గంటలకు ఆ విమానం ఢిల్లీకి వెళ్తుంది. ఉత్తరాంధ్ర ప్రాంత ప్రజలు ఢిల్లీ వెళ్లాలంటే కనెక్టింగ్ విమానాలపై ఆధారపడేవారు. డైరెక్ట్ విమాన సర్వీసుతో ప్రయాణ ఆదా కావడం, మరింత సులభతరం కానుంది. తక్కువ సమయంలో దేశంలోని ప్రాంతాలకు విమాన సర్వీసులు విస్తరించాలని అంటున్నారు. దీనిపై ఉత్తరాంధ్ర వాసులు హర్షం వ్యక్తం చేస్తున్నారు.

విశాఖపట్నం నుంచి న్యూఢిల్లీ నగరాల మధ్య అకాశ ఎయిర్ లైన్ విమానలు రోజువారీ రెండు నగరాల మధ్య నడవనున్నాయి. దీంతో విమాన కనెక్టివిటీకి మరింత ఊపు వచ్చింది. కొత్త సర్వీసు రెండు నగరాల మధ్య ప్రయాణించే ప్రయాణికులకు మరో ప్రత్యామ్నాయాన్ని అందిస్తుంది. వ్యాపారం, విద్య, పర్యాటకం, ప్రభుత్వ సంబంధిత పనుల నిమిత్తం ప్రయాణించే వారికి కుటుంబ సభ్యులను, స్నేహితులను సందర్శించే వారికి ఈ మార్గం చాలా ఉపయోగంగా ఉంటుందని చెబుతున్నారు. విమాన సర్వీసు బలోపేతం చేయడంలో ముఖ్యమైన మైలురాయిగా వర్ణించారు జీఎంఆర్ విశాఖపట్నం ఎయిర్‌పోర్టు సీఈఓ కన్వర్‌బీర్ సింగ్.

ALSO READ: విజయనగరం జిల్లా పరిషత్ ఎన్నికలు.. బొత్స వర్సెస్ చిన్న శ్రీను, సిరి సహస్ర నామినేషన్‌పై కొత్త వివాదం

Join WhatsApp Channel

Share

• 
• 
• 
• 
• 
•