School bus on fire: తప్పిన పెను ప్రమాదం.. డ్రైవర్, క్లీనర్ మధ్య గొడవ.. స్కూల్ బస్సుకు నిప్పు

School bus on fire: ప్రకాశం జిల్లా అర్థవీడు మండలం పాపినేనిపల్లి గ్రామంలో ఒక అనూహ్య ఘటన జరిగింది. పిల్లలను పాఠశాలకు తీసుకురావడం కోసం కంభం పట్టణానికి చెందిన ఆల్ఫా స్కూల్ బస్సు డ్రైవర్‌కు, క్లీనర్‌కు మధ్య తీవ్ర వాగ్వాదం చోటుచేసుకుంది. ఈ గొడవ తారాస్థాయికి చేరుకోవడంతో, క్లీనర్ తీవ్ర ఆగ్రహానికి లోనయ్యాడు.

బస్సుకు నిప్పంటించిన క్లీనర్ గోపాల్
కోపాన్ని అదుపు చేసుకోలేని క్లీనర్, అక్కడే ఉన్న పెట్రోల్‌ను తెచ్చి ఆ స్కూల్ బస్సుపై పోసి నిప్పంటించాడు. ఈ అగ్ని ప్రమాదంలో బస్సు పూర్తిగా కాలిపోయింది. మంటలను ఆర్పే ప్రయత్నంలో స్కూల్ బస్సు డ్రైవర్‌కు స్వల్ప గాయాలయ్యాయి. అయితే, అదృష్టవశాత్తూ ఈ ఘటన జరిగిన సమయంలో బస్సులో విద్యార్థులు ఎవరూ లేకపోవడంతో పెను ప్రాణ నష్టం తప్పింది.

కొద్దిగా రోజులుగా డ్రైవర్, క్లీనర్ మధ్య వివాదం
అయితే కొద్ది రోజులుగా విధులు నిర్వహించుకునే క్రమంలో డ్రైవర్, క్లీనర్ మధ్య వివాదం నడుస్తోందని అందుకే ఇప్పుడు ఈ గొడవకు దారితీసిందని సమాచారం తెలిపారు. ఈ సంఘటనపై పోలీసులు కేసు నమోదు చేసి, క్లీనర్ చర్యకు గల కారణాలపై దర్యాప్తు చేస్తున్నారు. ఈ ప్రమాదంలో బస్సు పూర్తిగా దగ్ధమైంది.

డ్రైవర్, క్లీనర్ మధ్య గొడవ.. స్కూల్ బస్సుకు నిప్పు

ప్రకాశం జిల్లా అర్థవీడు మండలం పాపినేనిపల్లిలో ఘటన

పిల్లలను తీసుకువచ్చేందుకు బయలుదేరుతుండగా గొడవ పడ్డ డ్రైవర్, క్లీనర్

ఈ క్రమంలో ఆగ్రహంతో పెట్రోల్ పోసి బస్సుకు నిప్పు పెట్టిన క్లీనర్

స్కూల్ బస్సు డ్రైవర్ కు స్వల్ప గాయాలు… pic.twitter.com/TBsxjaEdTZ

— BIG TV Breaking News (@bigtvtelugu) December 2, 2025