Harshaveena Selfie Video: కడప జిల్లా రాజకీయాల్లో ప్రకంపనలు సృష్టిస్తున్న ఎమ్మెల్యే అరవ శ్రీధర్ వ్యవహారంలో బాధితురాలు హర్షవీణ సోషల్ మీడియా వేదికగా మరో సెల్ఫీ వీడియోను విడుదల చేశారు. తనపై జరుగుతున్న అసత్య ప్రచారాలను తిప్పికొడుతూ ఎమ్మెల్యే అసలు స్వరూపాన్ని బయటపెట్టారు. కేవలం వీడియోలు వైరల్ చేసినంత మాత్రాన ఎమ్మెల్యేకు శిక్ష పడుతుందని తాను భావించడం లేదని ఆమె పేర్కొన్నారు. చట్టం తన పని తాను చేసుకుపోతుందని న్యాయం జరుగుతుందని ఆశిస్తున్నట్లు తెలిపారు.
కన్నెంపల్లి ప్రసాద్ అనే వ్యక్తి ఫేస్బుక్ ద్వారా చేస్తున్న వ్యాఖ్యలపై హర్షవీణ ఘాటుగా స్పందించారు. అరవ శ్రీధర్ ఏ రకంగా అమాయకుడో చెప్పాలని ఆమె నిలదీశారు. తప్పు చేసి దొరక్కుండా ఉండటమే అమాయకత్వం అని మీ భావనా అంటూ ప్రశ్నించారు. ఎమ్మెల్యే అనుకుంటే రోజుకో అమ్మాయితో ఉండే స్థాయి ఆయనది అంటూ పోస్టులు పెట్టడం సిగ్గుచేటని మండిపడ్డారు. విలువలతో కూడిన రాజకీయ నేతలు ఎంతోమంది ఉన్నారని అందరూ అరవ శ్రీధర్ లాగా ఉండరని ఆమె స్పష్టం చేశారు. మీరు కూడా అలాగే ఉంటారు కాబట్టే ఇటువంటి పోస్టులు పెడుతున్నారంటూ ఆగ్రహం వ్యక్తం చేశారు.
తాను ఎవరినీ మోసం చేయలేదని ఎమ్మెల్యేనే తనను మోసం చేసి మాట్లాడటం మానేశారని హర్షవీణ ఆవేదన వ్యక్తం చేశారు. జనవరి 7వ తేదీన శ్రీధర్ చివరిసారిగా తనతో మాట్లాడారని జనవరి 20 తర్వాతే తాను మీడియా ముందుకు వచ్చానని వెల్లడించారు. మోసం చేసింది ఎవరనేది అందరికీ తెలుసని ఎమ్మెల్యే వైఖరి వల్లే తాను బయటకు రావాల్సి వచ్చిందని చెప్పారు. హనీ ట్రాప్ చేయాలనుకుంటే ఏడాదిన్నర సమయం తనకు అవసరం లేదని వారిద్దరి మధ్య ఉన్న బంధానికి హనీ ట్రాప్ అని పేరు పెట్టడం సరికాదని హితవు పలికారు.
ఎమ్మెల్యే ప్రవర్తన ఎంత అసభ్యంగా ఉంటుందో చెప్పడానికి పలు ఉదాహరణలను ఆమె వీడియోలో ప్రస్తావించారు. విలువలు కలిగిన వ్యక్తి అయితే తన తల్లికి సంబంధించిన వ్యక్తిగత విషయాలను తన వద్ద ఎందుకు ప్రస్తావిస్తారని ప్రశ్నించారు. అంతేకాకుండా ముక్కా రూపానంద రెడ్డి కోడలి గురించి కూడా అసభ్యంగా మాట్లాడారని వెల్లడించారు. సమస్యలు చెప్పుకోవడానికి వచ్చే మహిళల పట్ల ఆయన ఎంత నీచంగా ప్రవర్తిస్తారో తనకు తెలుసని చెప్పారు. ఇటువంటి వ్యక్తి ఎలా అమాయకుడు అవుతాడో సమాజం ఆలోచించాలని కోరారు.
Read Also: Nurses Credit: నర్సింగ్ సిబ్బందిపై వేధింపులు ఆపండి.. కల్వకుంట్ల కవిత ఫైర్!
Share
Rashmika Vijay invitation Box: సాధారణ కార్డు కాదు.. రష్మిక - విజయ్ లగ్జరీ వెడ్డింగ్ ఇన్విటేషన్ ఇదే
Balka Suman: మున్సిపల్ పీఠంపై ముదురుతున్న పోరు.. బాల్క సుమన్ అరెస్ట్
