మార్కెట్లోకి TVS అపాచీ కొత్త అడ్వెంచర్ బైక్.. ఫీచర్లు చూస్తే మైండ్ బ్లాకే!

Apache RTX: భారతీయ మార్కెట్లో అడ్వెంచర్ బైకులకు ఆదరణ పెరుగుతున్న నేపథ్యంలో, సరికొత్త ఫీచర్లు, పవర్‌ఫుల్ ఇంజిన్‌తో ‘2026 TVS Apache RTX 300’ మార్కెట్లోకి అడుగుపెట్టింది. ఈ బైక్ డిజైన్, స్పెసిఫికేషన్లు, రైడింగ్ ఎక్స్‌పీరియన్స్ గురించిన పూర్తి వివరాలు ఇక్కడ చూద్దాం.

ధర ఎంతంటే?

ఈ అపాచీ RTX 300 టాప్-ఎండ్ వేరియంట్ ఆన్-రోడ్ ధర దాదాపు రూ.2,68,000 గా ఉంది. ఈ ధరలో లభిస్తున్న ఫీచర్లను బట్టి చూస్తే ఇది బెస్ట్ వాల్యూ ఫర్ మనీ వెహికల్. మంచి సిబిల్ స్కోర్ ఉన్నవారు కేవలం రూ.50,000 డౌన్ పేమెంట్ చేసి, సులభమైన ఈఎంఐ ద్వారా ఈ బైక్‌ను సొంతం చేసుకోవచ్చు.

ఇంజిన్ పనితీరు

ఇందులో 299 cc, 4-వాల్వ్స్, లిక్విడ్ కూల్డ్, BS6.2 ఇంజిన్‌ను అమర్చారు. ఇది 36 PS పవర్, 29 Nm టార్క్‌ను జనరేట్ చేస్తుంది. 6-స్పీడ్ గేర్‌బాక్స్, అసిస్ట్ & స్లిప్పర్ క్లచ్, బై-డైరెక్షనల్ క్విక్ షిఫ్టర్ వంటి ఫీచర్లు ఇందులో ఉన్నాయి. ఈ బైక్ గరిష్టంగా గంటకు 150 కిమీ వేగంతో వెళ్లగలదు మరియు లీటరుకు సుమారు 25 కిమీ మైలేజ్ ఇస్తుంది.

సస్పెన్షన్, బ్రేకులు ఇంకా టైర్లు

ఫ్రంట్ 320 mm మరియు రియర్ 240 mm పెటల్ డిస్క్ బ్రేక్స్‌తో పాటు ఇందులో ‘డ్యూయల్ ఛానల్ స్విచ్చబుల్ ABS’ ఉంది, దీనివల్ల వెనుక ABS ను ఆఫ్ చేసి బైక్‌ను డ్రిఫ్ట్ చేయవచ్చు. ముందు వైపు 41 mm USD సస్పెన్షన్, వెనుక వైపు అడ్జస్టబుల్ మోనోషాక్ ఉన్నాయి. ఇవి 180 mm సస్పెన్షన్ ట్రావెల్‌ను కలిగి ఉండటం వల్ల ఆఫ్-రోడింగ్‌కు అద్భుతంగా సరిపోతాయి. అల్లాయ్ వీల్స్‌తో పాటు ముందు 19-ఇంచ్, వెనుక 17-ఇంచ్ వైడ్ రేడియల్ ట్యూబ్‌లెస్ టైర్లు మంచి గ్రిప్‌ను ఇస్తాయి.

ఫీచర్లు

ఈ బైక్‌లో 5-ఇంచ్ ఫుల్లీ డిజిటల్ TFT డిస్‌ప్లే ఇవ్వబడింది. ఇందులో బ్లూటూత్, నావిగేషన్, క్రూజ్ కంట్రోల్, ట్రాక్షన్ కంట్రోల్, 4 రైడింగ్ మోడ్స్ ఉన్నాయి. 12.5 లీటర్ల ఫైబర్ ఫ్యూయల్ ట్యాంక్ లాంగ్ రైడర్లకు కొంచెం చిన్నదిగా అనిపించవచ్చు. ట్విన్ LED హెడ్‌లైట్స్, సిగ్నేచర్ DRLs బైక్‌కు అగ్రెసివ్ లుక్ ఇస్తాయి. అయితే, బైక్ బరువు 180 కేజీలు ఉండటం వల్ల తక్కువ హైట్ ఉన్నవారికి కొద్దిగా ఇబ్బందిగా ఉంటుంది. అలాగే, వెనుక కూర్చునే పిలియన్ రైడర్‌కు లైట్‌గా వైబ్రేషన్స్ తెలుస్తాయి ఇందులో మొబైల్ ఛార్జింగ్ సాకెట్ ఇవ్వకపోవడం ఒక లోపం. మొత్తంగా చూసుకుంటే, రూ.2.68 లక్షల బడ్జెట్‌లో పవర్‌ఫుల్ అడ్వెంచర్ బైక్ కావాలనుకునే వారికి TVS Apache RTX 300 ఒక సరైన ఎంపిక.